Ubuvumbuli 4:6 - IBAYIBOLO 2024

⁶ Pantazi pachitengo icha bumwene pakaboneka ulubinjilo lulo lukaba ngati yo nyanja iya galasi, yiyo yikanyezimilagha ngati lyo libwe ilya kilisitali. Pakasikasi, ukuzyungulila ichitengo icha bumwene, kulubazu losi pakaba ivipeliwa ivyabumi folo. Vikaba na maso kosi na kosi, kuntazi na kwisinda bulo.

Ulufingo Ulupya

⁶ Pantazi pa Chitengo icha bumwene pakaboneka ulubinjilo lulo lukaba ngati yo nyanja iya galasi, yiyo yikanyezimilagha ngati lyo libwe ilya kilisitali. Pakasi-kasi, ukuzyungulila ichitengo icha bumwene, kulubazu losi pakaba ivipeliwa ivyabumi folo. Vikaba na maso kosi na kosi, kuntazi na kwisinda bulo.

Ubuvumbuli 4:6 Iomraidhean Croise

1 Abamwene 7:23

Akapanga sona isonta inkulu iya mukuba iyakuzyungulila. Isonta inkulu yikaba amamita folo nu hafu ukudumusannya pakasi, ubwibizu bwache bukaba amamita mabili bulo, sona ukuzyungulila yikaba amamita 13 nu hafu.

Yobu 28:17

Ugolide pamo u kilisito vitangayana na mahala, pamo ukughulizannya na mabwe amiza nkani agha golide.

Ukufuma 38:8

Bakapanga ibeseni ilyakusukusulila ilya mukuba poka nu bwikalilo bwache ubwa mukuba. Akayikazya pakasi pa Chisakasa icha Mwene na pachighemo, sona akapungulilamo amizi.

Ezekiyeli 10:12

Amabili ghabo ghosi poka ni nyuma zyabo ni nyobe zyabo ni vipapande vyabo vikizula na maso ngati mumo vikabela ivingelengele folo vila.

Ezekiyeli 10:14

Ukelubi weka akaba nivyeni folo, icheni choka chikaba cha kelubi, ichabubili chikaba ni cheni icha muntu, ichabutatu chikaba ni cheni icha nkalamu, ichafolo chikaba ni cheni icha lizwanga.

Ubuvumbuli 14:3

Abantu 144,000 bala bakimbagha ulwimbo ulupya pantazi pachitengo icha bumwene, na pantazi pa vipeliwa ivyabumi folo, sona na pamaso pa basongo. Atakabapo nayumo umuntu, yuyo akamanyilapo ulwimbo lula, loli abantu 144,000 bene, babo bakapokiwa pakasi pabantu aba muchisu ichapasi.

Ubuvumbuli 15:2

Po nkennya chicho chikaboneka ngati yo nyanja iya galasi yonganikiye numoto. Nkennya sona abantu babo bakachipota ichinyamana ni chifwani chache, sona ni nambala iya litabwa lyache. Bakimagha papipi ni nyanja iya galasi, bo balemite munyobe amalonji ghagho u Chala akabapa.

Ubuvumbuli 15:7

Po choka icha vipeliwa ivyabumi folo vila chikabapa abantumi seveni bala ulubako ulwa golide lulo lukizula nu bukali ubwa Chala, yuyo mumi bwila na bwila.

Ubuvumbuli 19:4

Abasongo 24 ni vipeliwa ivyabumi folo vikawa pasi nukumwiputa u Chala, yuyo akikala pachitengo icha bumwene bakati, “Ameni! U Chala apaliwanje!”

Ubuvumbuli 21:11

Kakalamagha nu buchindamu ubwa Chala. Ukulama kwache kukaba ngati lyo libwe ilyamutengo nkani, ngati lyo libwe iswepu, lilyo likaba swee ngati lyo ligalasi.

Ubuvumbuli 21:18

Ulupaso lula lukazengiwa na mabwe agha yasipi, sona akaya akakulu nkani akenecho kakazengiwa nu golide umwenecho, yuyo akaba swee ngati lyo ligalasi.

Ubuvumbuli 21:21

Imilyango 12 yila yikaba ya mambo aghamutengo. Umulyango ghosi ghukapangiwa nu bwambo boka. Umusebo uwa mukaya akakulu nkani kala ghukaba wa golide umwenecho yuyo akanyezimilagha ngati lyo ligalasi.

Ubuvumbuli 22:1

Po uwantumi yula akandanjizya ulusoko ulwa mizi amapela bumi, ulwakunyezimila ngati lyo ligalasi, lulo lukufuma kuchitengo icha bumwene ubwa Chala nicha Mwana uwa ng'ozi.

Ubuvumbuli 4:4

Ichitengo icha bumwene chila chikazyunguliliwa ni vitengo ivinji 24, sona babo bakikalagha pa vitengo vila bakaba abasongo 24. Bakavwala amenda amaswepu ni mpumpu izya golide kumitu yabo.

Ubuvumbuli 5:11

Nkenelezya sona nukwivwa izyu ilya bantumi aba kumwanya, abasita ukubelengiwa. Bakimilila umwakuzyungulila ichitengo icha bumwene chila ni vipeliwa ivyabumi folo, sona na basongo bala.

Ubuvumbuli 5:14

Ivyabumi folo vila vikamula vikati, “Ameni!” Po abasongo bala bakawa pasi nukumwiputa u Chala nu Mwana uwa ng'ozi.

Ubuvumbuli 5:6

Po nkennya u Mwana uwa ng'ozi pakasi pachitengo icha bumwene, azyunguliliwe ni vipeliwa ivyabumi folo na basongo 24. U Mwana uwa ng'ozi akabonekagha ngati aboliwe. Akaba ni mpembe seveni na maso seveni vivyo yo Mizimu seveni iya Chala, yiyo yitumiwe muchisu chosi ichapasi.

Ubuvumbuli 5:8

Bo apokela ibuku lila, ivipeliwa ivyabumi folo vila na basongo 24 bala bakawa pasi pamaso pa Mwana uwa ng'ozi. Wesi akalema ipango, ni mbako izya golide zyizuye nu twakufukizya utwakununkila, zizyo nyiputo izya bantu abazelu aba Chala.

Ubuvumbuli 6:1

Po nkennya u Mwana uwa ng'ozi akumamatula ichimatilo choka muvimatilo seveni vila nukwivwa ichipeliwa ichabumi choka muvipeliwa ivyabumi folo chikunena nizyu lilyo likivwika ngati kupaya ukwa vula ukuti, “Zagha.”

Ubuvumbuli 6:6

Po nkivwa ngati lyo lizyu likunena mukasi muvipeliwa ivyabumi folo likuti, “Akampepe koka bulo aka vilombe, gho malipilo agha muntu pisiku lyoka, sona utumpepe tutatu bulo utwa malezi, gho malipilo agha muntu pisiku lyoka, loli utakanangannye amafuta gha syunguti nu vinyo!”

Ubuvumbuli 7:11

Abantumi bosi bakimilila umwakuzyungulila ichitengo icha bumwene, na basongo, ni vipeliwa ivyabumi folo vila. Bakakupamila pasi pantazi pachitengo icha bumwene chila nukumwiputa u Chala.

Ubuvumbuli 7:17

Pakuti u Mwana uwa ng'ozi, yuyo ali pakasi na pakasi pachitengo icha bumwene akwiza pakuba mudimi wabo. Akwiza pakubalongolela ku mbwibwi iya mizi amapela bumi. U Chala umwenecho akwiza pakubasyumula amasozi ghosi.”