Ubuvumbuli 4:4 - IBAYIBOLO 2024

⁴ Ichitengo icha bumwene chila chikazyunguliliwa ni vitengo ivinji 24, sona babo bakikalagha pa vitengo vila bakaba abasongo 24. Bakavwala amenda amaswepu ni mpumpu izya golide kumitu yabo.

Ulufingo Ulupya

⁴ Ichitengo icha bumwene chila chikazyunguliliwa ni vitengo ivinji 24, sona babo bakikalagha pa vitengo vila bakaba abasongo 24. Bakavwala amenda amaswepu ni mpumpu izya golide kumitu yabo.

Ubuvumbuli 4:4 Iomraidhean Croise

Esitele 8:15

U Molodikayi akepapo pamaso pa mwene, bo avwalite amenda agha bumwene agha buluu na maswepu sona ni mpumpu iya golide iya bumwene ni nkazo intonte inchesamile. Po abantu aba mukaya akakulu nkani aka Susa bakaba nu lusekelo ulukulu nkani.

Masalimo 21:3

Ukamwizila nu lusayo ulukulu nkani, sona ukamuvwika impumpu iya golide umwenecho kumutu wache.

Matayi 19:28

U Yesu akababuzya akati, “Naloli nkubabuzya ukuti bo u Mwana uwa Muntu ikaye pachitengo chache icha buchindamu pakabalilo kako ivintu vyosi vikwiza pakuba vyinyu, sona amwe mukwiza pakwikala pa vitengo 12 ivya bumwene pakulonga inko 12 izya ba Izilayeli.

Luka 22:30

Mukwiza pakulya nukung'wela poka nane mu Bumwene bwane, sona amwe mukwiza pakwikala pa vitengo ivya bumwene pakulonga inko 12 izya ba Izilayeli.

2 Timoti 4:8

Ilelo chicho nkulindilila yo mpumpu iya bugholosu yiyo u Mwene, umulongi umugholosu, akwiza pakumpa pisiku ilyabumalilo. Polelo ate akampe nemwene awe, loli na bantu bosi abanji babo bakusamba nkani ukuboneka kwache.

Ubuvumbuli 11:16

Po abasongo 24 babo bakwikala pa vitengo vyabo ivya bumwene pamaso pa Chala bakakupamila pasi nukumwiputa u Chala.

Ubuvumbuli 14:3

Abantu 144,000 bala bakimbagha ulwimbo ulupya pantazi pachitengo icha bumwene, na pantazi pa vipeliwa ivyabumi folo, sona na pamaso pa basongo. Atakabapo nayumo umuntu, yuyo akamanyilapo ulwimbo lula, loli abantu 144,000 bene, babo bakapokiwa pakasi pabantu aba muchisu ichapasi.

Ubuvumbuli 19:14

Abasilikali aba kumwanya bakamukonka yuyo akakwela pa falasi inswepu, bo bavwalite amenda amaswepu, sona amatonte.

Ubuvumbuli 19:4

Abasongo 24 ni vipeliwa ivyabumi folo vikawa pasi nukumwiputa u Chala, yuyo akikala pachitengo icha bumwene bakati, “Ameni! U Chala apaliwanje!”

Ubuvumbuli 2:10

Utakanyilaye amayimba ghagho uli papipi pakukomana nagho. Naloli nkubabuzya ukuti u Satana akwiza pakubayela pakubasumbila bamo mumwinyu mujele, sona mukwiza pakuvwimiwa amasiku teni. Mwendelele pakuba basubiliwa mupaka kubufwe, po nkwiza pakubapa impumpu iyabumi.

Ubuvumbuli 20:4

Pisinda pache nkennya ivitengo ivya bumwene, sona babo bakikalapo bakapeghiwa amaka aghakulongela. Nkennya sona imizimu iya babo bakadumuliwa imitu pachifukwa icha kulumbilila ubwanaloli bubo u Yesu akavumbulagha, sona pachifukwa icha kulumbilila Amazyu agha Chala. Banaba batakachichindikagha ichinyamana pamo ichifwani chache, sona batakadindiwa ni chidindo pa vyeni pamo panyobe zyabo. Bakazyuka kubufwe pakuba bamwene poka nu Kilisitu amaka 1,000.

Ubuvumbuli 3:18

Polelo nkukubuzya ukuti ughule kukwane ugolide yuyo asyaniwe numoto, ukuti ubanje we mukabi. Ughule sona amenda amaswepu, uvwale ukuti ufise inkule yako nkozyasoni. Ughule umulembo, upake mumaso ghako, umwakuti ungennya.

Ubuvumbuli 4:10

abasongo 24 bala bakuwa pamaso pa yuyo akwikala pachitengo icha bumwene nukumwiputa, yuyo mumi bwila na bwila. Bakusumbila pasi impumpu zyabo pantazi pachitengo icha bumwene nukuti,

Ubuvumbuli 4:6

Pantazi pachitengo icha bumwene pakaboneka ulubinjilo lulo lukaba ngati yo nyanja iya galasi, yiyo yikanyezimilagha ngati lyo libwe ilya kilisitali. Pakasikasi, ukuzyungulila ichitengo icha bumwene, kulubazu losi pakaba ivipeliwa ivyabumi folo. Vikaba na maso kosi na kosi, kuntazi na kwisinda bulo.

Ubuvumbuli 5:11

Nkenelezya sona nukwivwa izyu ilya bantumi aba kumwanya, abasita ukubelengiwa. Bakimilila umwakuzyungulila ichitengo icha bumwene chila ni vipeliwa ivyabumi folo, sona na basongo bala.

Ubuvumbuli 5:14

Ivyabumi folo vila vikamula vikati, “Ameni!” Po abasongo bala bakawa pasi nukumwiputa u Chala nu Mwana uwa ng'ozi.

Ubuvumbuli 5:6

Po nkennya u Mwana uwa ng'ozi pakasi pachitengo icha bumwene, azyunguliliwe ni vipeliwa ivyabumi folo na basongo 24. U Mwana uwa ng'ozi akabonekagha ngati aboliwe. Akaba ni mpembe seveni na maso seveni vivyo yo Mizimu seveni iya Chala, yiyo yitumiwe muchisu chosi ichapasi.

Ubuvumbuli 5:8

Bo apokela ibuku lila, ivipeliwa ivyabumi folo vila na basongo 24 bala bakawa pasi pamaso pa Mwana uwa ng'ozi. Wesi akalema ipango, ni mbako izya golide zyizuye nu twakufukizya utwakununkila, zizyo nyiputo izya bantu abazelu aba Chala.

Ubuvumbuli 6:11

Po umuntu wesi akapeghiwa inkazo inswepu, sona bakabuziwa ukuti batuzye panandi bulo mupaka ubwinji ubwa bambombo abanji nu bwinji ubwa bakamu babo bukwane, babo bope baghoghiwanje ngati bo babo.

Ubuvumbuli 7:11

Abantumi bosi bakimilila umwakuzyungulila ichitengo icha bumwene, na basongo, ni vipeliwa ivyabumi folo vila. Bakakupamila pasi pantazi pachitengo icha bumwene chila nukumwiputa u Chala.

Ubuvumbuli 7:9

Pisinda pazinizi nkenelezya, po nkennya ichilundilo ichikulu icha bantu ichakuti nayumo umuntu yuyo angabelenga. Bakaba bantu aba muchisu chosi, na bantu abaluko losi, na bantu abaneno zyosi nukwimilila pantazi pachitengo icha bumwene, sona na pamaso pa Mwana uwa ng'ozi. Bakavwala inkazo inswepu nukulema isamba izya mabale munyobe zyabo.

Ubuvumbuli 9:7

Umakanta uyu akabonekagha ngati zyo falasi zizyo baziyanizye pakubuka kubwite. Pamitu yabo pakaba ichintu chimo chicho chikabonekagha ngati yo mpumpu iya golide, sona ivyeni vyabo vikaba ngati vyeni ivya bantu.