Ubuvumbuli 3:9 - IBAYIBOLO 2024

⁹ Balipo abantu bamo muchipanga icha Satana, babo bakwinena bene ukuti ba Yuda, loli bate ba Yuda, awe. Abantu banaba nkwiza pakubapela ukuti bize kukwako nukulamba pasi pa nyayo zyako. Bosi bakwiza pakumanya ukuti ane nkughanite.

Ulufingo Ulupya

⁹ Balipo abantu bamo muchipanga icha Satana, babo bakwinena bene ukuti ba Yuda, loli bate ba Yuda, awe. Abantu banaba inkwiza pakubapela ukuti bize kukwako nukulamba pasi pa nyayo zyako. Bosi bakwiza pakumanya ukuti ane inkughanite.

Ubuvumbuli 3:9 Iomraidhean Croise

Esitele 8:17

Muchigaba chosi sona na mukaya kosi akakulu nkani, kosi kuko ululaghilo ulwa mwene lukafumuziwa, mukaba ukuhoboka nukusekela pakasi paba Yuda sona bakaba nu lusekelo ulukulu nkani. Abantu aba inko izinji bakanduka pakuba ba Yuda, pachifukwa ichakuti bakabanyilagha nkani aba Yuda bala.

Ukufuma 11:8

Amakambala ghinyu ghosi ghakwiza pakunfughamilila nukuti, “Epamo muno, awe poka na bantu bako bosi babo bakukukonka.” Po pisinda pache nkwiza pakubuka.’ ” U Mozesi akaghalabuka nukwepapo pa Falabo, bo akalaye nkani.

Yesaya 43:4

Pakuti we wamutengo nkani, sona we muchindikiwa pamaso ghane, sona pakuti nkughanite, nkwiza pakukupa abantu ukutanana nubumi bwako.

Yesaya 45:14

U Mwene akuti, “Ubukabi ubwa chisu icha Ijiputi ni chisu icha Etiyopiya, bukwiza pakuba bwinyu, abantu abatalitali bakwiza pakuba bazya binyu, nukubakonka bo bapinyiwe ni minyololo. Bakwiza pakufughamila nukulambilizya ukuti, ‘Naloli u Chala ali nawe, sona atalipo uyunji, atalipo u chala uwamwabo.’ ”

Yesaya 49:23

Abamwene bakwiza pakuba ngati bo baghuso, sona abamwene babo bakolo bakwiza pakuba boba nyoko. Bakwiza ukwinama pantazi papako bo vyeni vyabo vikotamiye pasi, bakwiza pakumyanta ulufumbi ulwa kunyayo zyinyu. Po mukwiza pakuzimanya ukuti ane ne Mwene, babo bakunsubila batakwiza pakukoziwa isoni.”

Yesaya 60:14

Abana babo bakukukanyilila, bakwiza pakukufughamilila pantazi papako, bosi babo bakukuyivya bakwiza pakukufughamilila, sona bakwiza pakukwitizya pakuba we kaya akakulu nkani aka Mwene, u Ziyoni akaya aka Muzelu uwa Izilayeli.

Yohani 17:23

Ane mumwabo, awe mumwane, umwakuti babanje weka umwakufikapo ukuti abantu aba muchisu ichapasi bazimenye ukuti awe wewe ukantuma, sona ukuti ubaghanite ukuyana namumo unganiye.

Ubuvumbuli 2:9

“Intamyo zyako inzimenye nu bupina bwako bope imbumenye, loli we mukabi. Ingumenye umusamu uwa bantu babo bakwinena bene ukuti ba Yuda, po bate ba Yuda, loli ba chipanga icha Satana.

1 Samuweli 2:36

Po umuntu wesi uwa munyumba yako, yuyo akwiza pakupona akwiza pakumufughamilila umuputi yunuyu nukumulaba indalama pamo ichakulya nukuti, “Unyitikizye pakuba ne muputi, umwakuti inchaghilayemo ichakulya.” ’ ”