Ubuvumbuli 3:8 - IBAYIBOLO 2024

⁸ “Invimenye vyosi vivyo ukubomba. Inzimenye ukuti amaka ghako manandi, loli wasungilila amazyu ghane, sona utalikana itabwa lyane. Nighula umulyango pantazi papako ghugho nayumo umuntu yuyo angighalila.

Ulufingo Ulupya

⁸ Invimenye vyosi vivyo ukubomba. Inzimenye ukuti amaka ghako manandi, loli wasungilila amazyu ghane, sona utalikana itabwa lyane. Nighula umulyango pantazi papako ghugho nayumo umuntu yuyo angighalila.

Ubuvumbuli 3:8 Iomraidhean Croise

Ivyili 30:9

Pakuti nanti naba mukabi nkani, nkwiza pakwikuta nukwanda pakukukana, pamo nanti naba mupina nkwiza pakwiba ivya bantu po nkwiza pakulinyazya itabwa ilya Chala wane.

Daniyeli 11:34

Bo abantu banaba bawa bakwiza pakupokela ubwavwilizi ubunandi bulo, sona abantu abinji babo te basubiliwa bakwiza pakuba poka nabo.

Luka 12:9

Loli umuntu wesi yuyo akunkana pamaso pabantu, u Mwana uwa Muntu wepe akwiza pakumukana pamaso pa bantumi aba Chala.

Yohani 15:20

Kumbuka zizyo nkababuzya ukuti, ‘Uwambombo ate wapamwanya ukumuchila u mwene wache, awe.’ Nanti abantu bakanvwima ane, bakwiza pakubavwima namwe bulo. Nanti bakivwila ubumanyisi bwane, bakwiza pakwivwila nu bumanyisi bwinyu bulo.

Yohani 17:6

“Nakuvumbula awe ku bantu babo ukampa pakasi pabantu aba muchisu ichapasi. Bakaba bako, po awe ukampa ane. Bivwila amazyu ghako,

Imbombo 14:27

Bo bafika mu Antiyokiya, bakachibungannya poka ichipanga nukuchibuzya zyosi zizyo u Chala ababombela, sona namumo ighuliye izila pakasi pabantu babo bate ba Yuda ukuti basubile.

1 Aba Kolinti 16:9

Pakuti izila zyighukite ukuti ningabomba imbombo inkulu nkani, napapo balipo abantu abinji babo bakunsusya.

2 Aba Kolinti 2:12

Bo nafika mu Tulowa ukuti indumbilile Amazyu Amiza nizya Kilisitu, nkagha ukuti u Mwene anyighuliye kale izila ukuti imbombemo imbombo mulamula.

Aba Filipi 4:13

Ningabomba ichintu chosi ukwendela mumwache yuyo akumpa amaka.

Aba Kolosi 4:3

Mutwiputilaye naswe bulo, umwakuti u Chala angatwighulila umulyango ukuti tulumbilile nizya kubusyefu izya Kilisitu, pakuti cho chifukwa indi mujele.

1 Timoti 5:8

Loli nanti umuntu wesi atakubavwa abakamu bache, nkaninkani abamunyumba yache, atagha ulwitiko lwache, sona we mubibi nkani nukuchila umuntu yuyo ate mwitiki.

2 Timoti 4:7

Nalwa ubwite ubwiza, namalizya inyangalo iyakuchimbila, sona nasungilila ulwitiko.

Yuda 1:4

Pakuti abantu bamo babo batakumunyila u Chala bakinjila pakasi papinyu umwakusita ukumanyikwa, abantu babo bakunyongannya ichisa icha Chala witu, ngati po chintu chimo chicho chikubapa ubusatuke ubwakubombela ivintu ivinyazu. Abantu banaba bakumukana u Yesu Kilisitu u Mwene witu Uwamaka mwene. Kale Amasimbo ghakalaghula nizya lufundo lulo bapokela.

Ubuvumbuli 2:13

“Inzimenye ukuti kuko ukwikala, ko kuko kuli ichitengo icha bumwene ubwa Satana. Awe we musubiliwa kukwane, sona utakalutaghe ulwitiko lwako mumwane, na pakabalilo bulo aka Antipasi, ukaboni wane umusubiliwa yula, yuyo akaghoghiwa, kuko u Satana akwikalako.

Ubuvumbuli 2:2

“Invimenye vyosi vivyo ukubomba. Nkumenye ukwiyula kwako nu bufisalyoyo bwako, sona imenye ukuti utakubennya bulo abantu abambibi. Abantu babo bakwinena bene ukuti batumiwa, loli bate batumiwa, wabayela nukubagha ukuti bamyasi.

Ubuvumbuli 22:7

U Yesu akuti, “Ivwa kuno! Nkwiza lunulu! Basayiwa abantu babo bakughivwila amazyu aghabulaghuzi ghagho ghali mwibuku linili.”

Ubuvumbuli 3:1

“Uwantumi uwa muchipanga icha mu Salidisi umusimbile uti, “Amazyu ghagho ghaneniwa na yuyo ali ni mizimu seveni iya Chala, sona yuyo ali ni ntondwa seveni gho agha: “Invimenye vyosi vivyo ukubomba. Napapo umanyikitwe ukuti we mumi, loli inzimenye ukuti we mufwe.

Ubuvumbuli 3:10

Pakuti wasungilila amazyu ghane aghakuti ujimbaye, po nane nkwiza pakukusungilila pakabalilo aka njelo, kako kakwiza pachisu chosi ichapasi pakubayela abantu babo bakwikalamo.

Ubuvumbuli 3:15

“Invimenye vyosi vivyo ukubomba ukuti awe ute we mukatazu, pamo we mutukizu. Chikaba chizapo ngali wabanga mukatazu pamo mutukizu.

Ubuvumbuli 3:7

“Uwantumi uwa muchipanga icha mu Filadefiya umusimbile uti, “Amazyu ghagho ghaneniwa na yuyo muzelu sona wanaloli, yuyo ali ni chighulilo icha Devedi; nanti ighula, nayumo umuntu yuyo angighalila, sona nanti ighalila, nayumo umuntu yuyo angighula, gho agha: