Ubuvumbuli 3:5 - IBAYIBOLO 2024

⁵ Umuntu wesi yuyo akupota, akwiza pakuvwikiwa amenda amaswepu. Ntakwiza pakuzimya itabwa lyache mwibuku ilya bumi. Nkwiza pakumwitika pamaso pa Tata wane, sona napa bantumi bache.

Ulufingo Ulupya

⁵ Umuntu wesi yuyo akupota, akwiza pakuvwikiwa amenda amaswepu. Intakwiza pakuzimya itabwa lyache mwibuku ilya bumi. Inkwiza pakumwitika pamaso pa Tata wane, sona na pa bantumi bache.

Ubuvumbuli 3:5 Iomraidhean Croise

Masalimo 109:13

Abaluko lwabo bafwanje bosi, ghope amatabwa ghabo, ghazimiwe mu nkulilo izya muntazi.

Masalimo 69:28

Ughazimye amatabwa ghabo mwibuku ilya bumi, sona batakasimbiwanje poka na bantu abagholosu.

Malaki 3:17

U Mwene Uwamaka Ghosi akuti, “Bakwiza pakuba bantu abane na bane pisiku lilyo nkubomba imbombo yane. Nkwiza pakuba ni chililizi ngati mumo umupapi akubela kumwana wache, yuyo akumubombela.

Matayi 10:32

“Umuntu wesi yuyo akunyitika pamaso pabantu, nane bulo nkwiza pakumwitika pamaso pa Tata wane uwakumwanya.

Luka 10:20

Loli mutakahobokaye pachifukwa ichakuti imizimu imibibi yikabivwila, loli muhobokaye nkani ukuti amatabwa ghinyu ghasimbiwe kumwanya.”

Luka 12:8

“Naloli nkubabuzya ukuti umuntu wesi yuyo akunyitika pamaso pabantu, u Mwana uwa Muntu wepe akwiza pakumwitika pamaso pa bantumi aba Chala.

Ukukumbusya Amalamulo 9:14

Mutakankanizye, nkulonda pakubanangannya nukughazimya amatabwa ghabo muchisu ichi. Po nkwiza pakukupela awe pakuba luko ulukulu nu lwamaka, sona mukwiza pakuba mwe binji nkani ukubachila abene.”

Aba Filipi 4:3

Eee, nkukulaba nawe bulo, we mubombi wamwitu umusubiliwa, ukuti ubavwe abakolo aba, pakuti bakabomba nkani poka nane pakufumusya Amazyu Amiza, poka nu Kelementi, sona na babombi abamwitu bosi, babo amatabwa ghabo ghasimbiwe mwibuku ilya bumi.

Yuda 1:24

U Chala amenye pakubasunga ukuti mutakawe, sona akubafisya pamaso pabuchindamu bwache, bo muhobokite sona na basita chilema nachimochimo.

Ubuvumbuli 13:8

Abantu abakwikala muchisu ichapasi bakwiza pakuchiputa ichinyamana chila, abantu bosi babo amatabwa ghabo ghatasimbiwe mwibuku ilya bumi ilya Mwana uwa ng'ozi, yuyo akaboliwa yula.

Ubuvumbuli 17:8

Ichinyamana chicho ukachennya chikaba nubumi kale, loli ilelo chite sona nubumi. Losi ulu chikwiza pakufuma muchibanka ichibizu nkani nukubuka pakuchinangannya. Abantu aba muchisu ichapasi, babo amatabwa ghabo ghatasimbiwe mwibuku ilya bumi ukwandila ko kubwandilo ubwa chisu ichapasi, bakwiza pakuswigha, bo bakuchennya sona ichinyamana, chicho kale chikafwa.

Ubuvumbuli 19:8

Yuyo akusendwa apeghiwe amenda amaswepu, sona ghagho ghasoniwe akiza ukuti avwalaye.” (Amenda amaswepu ghakwimilila imbombo inyiza izya bantu abazelu aba Chala.)

Ubuvumbuli 2:11

“Umuntu yuyo ali na makutu, ivwe zizyo u Muzimu Umuzelu akuvibuzya ivipanga. “Umuntu wesi yuyo akupota, atakwiza pakupalamasiwa nu bufwe ubwabubili.

Ubuvumbuli 2:7

“Umuntu wesi yuyo ali na makutu, ivwe zizyo u Muzimu Umuzelu akuvibuzya ivipanga. “Umuntu wesi yuyo akupota, nkwiza pakumwitikizya ukuti alyanje ivikomwa ivya mwikwi ilya bumi, lilyo lili mumughunda uwa Chala.

Ubuvumbuli 20:12

Nkennya sona abantu abafwe, abasongo na banandi bulo pantazi pachitengo icha bumwene. Amabuku ghakighuliwa, po ibuku ilinji likighuliwa, ili lyo libuku ilya bumi. Abantu abafwe bakalongiwa ukuyana ni mbombo zyabo zizyo bakabombagha vivyo vikasimbiwa mumabuku ghalaghala.

Ubuvumbuli 20:15

Umuntu wesi yuyo itabwa lyache litakasimbiwamo mwibuku ilya bumi, akasumbiwanga munyanja iya moto.

Ubuvumbuli 21:27

Loli mute mukinjilemo nachimochimo ichintu chicho chinyazu, pamo umuntu wesi yuyo akubomba imbombo izya kukozya isoni pamo umumyasi. Abantu bene babo amatabwa ghabo ghasimbiwe mwibuku ilya bumi ilya Mwana uwa ng'ozi, bo babo bakwiza pakwinjilaghamo.

Ubuvumbuli 22:19

Sona nanti umuntu yumo akwefyapo chimo pa mazyu aghabulaghuzi mwibuku linili, u Chala wepe akwiza pakwefyapo ichigaba chache chimo pikwi ilya bumi, sona nilya Kaya Akakulu nkani Akazelu, chicho chisimbiwe mwibuku linili.

Ubuvumbuli 3:12

Umuntu yuyo akupota nkwiza pakumupela pakuba mpanda iya Nyumba iya Chala wane, sona atakwiza pakufumapo nalumolumo kuzi. Nkwiza pakusimba itabwa ilya Chala wane papache, sona ni tabwa ilya kaya akakulu nkani aka Chala, u Yelusalemu umupya, yuyo akwiza pakwika kumwanya kwa Chala wane.

Ubuvumbuli 3:4

Loli uli na bantu abanandi bulo mu Salidisi, babo batanyazizye amenda ghabo. Abantu banaba bakwiza pakwenda poka nane, bo bavwalite amenda amaswepu pakuti babaghiye.

Ubuvumbuli 6:11

Po umuntu wesi akapeghiwa inkazo inswepu, sona bakabuziwa ukuti batuzye panandi bulo mupaka ubwinji ubwa bambombo abanji nu bwinji ubwa bakamu babo bukwane, babo bope baghoghiwanje ngati bo babo.

1 Samuweli 17:25

Aba Izilayeli bala bakati, “Nkimba mukwennya namumo umuntu uyu alindiye bulo pakubabechela aba Izilayeli? Umuntu wesi yuyo angamughogha, u mwene akwiza pakumupa ichuma ichinji nkani. Akwiza pakumupa umwana wache umulindu ukuti abanje muchi wache, sona abamunyumba iya wise batakwiza pakusonkagha nalumo umusonko.”