Ubuvumbuli 3:4 - IBAYIBOLO 2024

⁴ Loli uli na bantu abanandi bulo mu Salidisi, babo batanyazizye amenda ghabo. Abantu banaba bakwiza pakwenda poka nane, bo bavwalite amenda amaswepu pakuti babaghiye.

Ulufingo Ulupya

⁴ Loli uli na bantu abanandi bulo mu Salidisi, babo batanyazizye amenda ghabo. Abantu banaba bakwiza pakwenda poka nane, bo bavwalite amenda amaswepu pakuti babaghiye.

Ubuvumbuli 3:4 Iomraidhean Croise

1 Abamwene 19:18

Loli nkwiza pakubaleka bumi abantu 7,000 mu Izilayeli. Banaba bo bantu babo batamufughamiliyepo u Baala, pamo ukumufyofyonta.”

Esitele 8:15

U Molodikayi akepapo pamaso pa mwene, bo avwalite amenda agha bumwene agha buluu na maswepu sona ni mpumpu iya golide iya bumwene ni nkazo intonte inchesamile. Po abantu aba mukaya akakulu nkani aka Susa bakaba nu lusekelo ulukulu nkani.

Masalimo 68:14

Pakabalilo kako Uwamaka Ghosi akabanyampannya abamwene muchisu, bakaboneka ngati we kabefu pighamba ilya Zalimoni.

Umulumbilili 9:8

Akabalilo kosi uvwalaye amenda amaswepu, sona wipakazyanje na mafuta kumutu wako.

Yesaya 1:9

Nanti u Mwene Uwamaka Ghosi, atakabalekapo abantu bamo abakupona, ngali twaba ngati we Sodomu nu Gomola.

Yesaya 52:1

Wee Ziyoni, vundumuka, vundumuka! Banga na maka. Vwala amenda ghako amiza nkani, wee Yelusalemu, akaya akakulu nkani akazelu. Abantu babo batasilimuliwe, sona na bantu abanyazu batakwiza pakwinjila sona pamulyango wako.

Yesaya 59:6

Ukuluka kwabo ukwa bubi kute ni mbombo ngati chakuvwala, batangavwinka vivyo bakuluka. Imbombo zyabo mbibi, inyobe zyabo zikunyamusya bulo ivyongo.

Yesaya 61:10

Nkuhoboka nkani mwa Mwene, umuzimu wane ghukusekela mwa Chala wane. Pakuti anvwikite namenda agha bupoki, sona anvwika ubugholosu ngati nkazo, ngati we mwenesendwa, yuyo iyanizye namenda agha pasendwa, sona ngati mumo u mwenesendwa, akwiyannya nivyakwibonesekezya akiza ivya musingo.

Yesaya 61:3

nukubapa babo bakulila mu Ziyoni, ukubapa impumpu iya kabonekele akiza mubuzilo ubwa itoyi, amafuta aghalusekelo, mubuzilo ubwa kulila, numwenda uwa mapalo, mubuzilo ubwa muzimu uwa vitima. Bakwiza pakwitiziwa umupandapanda uwa bugholosu, ichibyalwa icha Mwene ukuti achindikiwanje.

Yesaya 64:6

Twebosi twaba bulo ngati muntu umunyazu, sona imbombo izya bugholosu bwitu, zili ngati menda amanyazu amanyankanyanka, tukufoka ngati lyani, sona imbibi zyitu zikutupyela ngati mpepo.

Aba Levi 13:48

manyi mwenda umutonte ghugho ghulukiwe akiza, manyi uwa meya, manyi uwa ikwela,

Matayi 10:11

“Nanti mwafika mukaya, mumulonde umuntu yuyo iyanizye pakubapokela akiza, mwikale nawe mupaka papo mukwiza pakwepapo pabuzilo bula.

Maliko 16:5

Bo binjila mwipumpa, bakennya umulumendo, yuyo akavwala inkazo iswepu ikaye kunyobe indilo, po bakachenuka nkani.

Luka 20:35

loli abanavuli na bakolo babo babaghiye pakuzyuka kubufwe nukwikala mumasiku ghagho ghakwiza batakwiza pakusendana.

Luka 21:36

Mubanje maso nukwiputa akabalilo kosi ukuti mubanje na maka aghakwipokela mwebene muvintu vyosi vivyo vikwiza pakuboneka, sona nukuti mungimilila pamaso pa Mwana uwa Muntu.”

Imbombo 1:15

Bo ghachilapo amasiku manandi kukaba ulukomano ulwa bitiki. Palapala pakabapo abantu pipipipi 120 bosi poka, po u Pitala akimilila nukuti,

2 Aba Tesalonika 1:5

Vyosi vinivi vikusimikizya ukuti ubulongi ubwa Chala bugholosu. Chicho u Chala akulonda chakuti mubanje bantu bakubaghila ukwinjila mu Bumwene bwache, bubo mukuyimbilapo.

Yuda 1:23

loli mubapokaye abantu abanji pakubipula pamoto. Sona abantu abanji mubapelelaye ichisa, loli mubombaye nubogha, sona mughabengaye na menda ghabo bulo, ghagho ghanyaziwe ni mbibi zyabo.

Ubuvumbuli 1:11

Izyu lilalila likati, “Simba mwibuku vivyo ukuvyennya, uvitumile ivipanga seveni: Ichipanga icha mu Efeso, nicha mu Similina, nicha mu Peligamu, nicha mu Tiyatila, nicha mu Salidisi, nicha mu Filadefiya, sona nicha mu Labodikiya.”

Ubuvumbuli 11:13

Pakabalilo kalakala kukaba akasenyenta akakulu nkani, umwakuti ichigaba choka pa vigaba 10 ivya kaya akakulu nkani vikananganika, sona abantu 7,000 bakaghoghiwa. Abantu bosi abanji bakatetema nukumuchindika u Chala uwakumwanya.

Ubuvumbuli 14:4

Abantu banaba bo babo batakinyazyapo na bakolo. Abantu banaba bayanite bulo na balindu babo batabamenye nalumo abanavuli. Bakumukonka u Mwana uwa ng'ozi yula kosi kuko akubuka. Abantu banaba bakapokiwa pakasi pabantu bosi, sona bakaba bakwanda pakubikiwa kwa Chala na ku Mwana uwa ng'ozi.

Ubuvumbuli 19:14

Abasilikali aba kumwanya bakamukonka yuyo akakwela pa falasi inswepu, bo bavwalite amenda amaswepu, sona amatonte.

Ubuvumbuli 19:8

Yuyo akusendwa apeghiwe amenda amaswepu, sona ghagho ghasoniwe akiza ukuti avwalaye.” (Amenda amaswepu ghakwimilila imbombo inyiza izya bantu abazelu aba Chala.)

Ubuvumbuli 3:18

Polelo nkukubuzya ukuti ughule kukwane ugolide yuyo asyaniwe numoto, ukuti ubanje we mukabi. Ughule sona amenda amaswepu, uvwale ukuti ufise inkule yako nkozyasoni. Ughule umulembo, upake mumaso ghako, umwakuti ungennya.

Ubuvumbuli 3:5

Umuntu wesi yuyo akupota, akwiza pakuvwikiwa amenda amaswepu. Ntakwiza pakuzimya itabwa lyache mwibuku ilya bumi. Nkwiza pakumwitika pamaso pa Tata wane, sona napa bantumi bache.

Ubuvumbuli 4:4

Ichitengo icha bumwene chila chikazyunguliliwa ni vitengo ivinji 24, sona babo bakikalagha pa vitengo vila bakaba abasongo 24. Bakavwala amenda amaswepu ni mpumpu izya golide kumitu yabo.

Ubuvumbuli 6:11

Po umuntu wesi akapeghiwa inkazo inswepu, sona bakabuziwa ukuti batuzye panandi bulo mupaka ubwinji ubwa bambombo abanji nu bwinji ubwa bakamu babo bukwane, babo bope baghoghiwanje ngati bo babo.

Ubuvumbuli 7:9

Pisinda pazinizi nkenelezya, po nkennya ichilundilo ichikulu icha bantu ichakuti nayumo umuntu yuyo angabelenga. Bakaba bantu aba muchisu chosi, na bantu abaluko losi, na bantu abaneno zyosi nukwimilila pantazi pachitengo icha bumwene, sona na pamaso pa Mwana uwa ng'ozi. Bakavwala inkazo inswepu nukulema isamba izya mabale munyobe zyabo.