Ubuvumbuli 3:2 - IBAYIBOLO 2024

² Lamusya nukuvikazya vyosi vivyo visyalite, vivyo vili papipi pakuzililika, pakuti nkwennya ukuti imbombo zyako zite zyakufikapo pamaso pa Chala wane.

Ulufingo Ulupya

² Lamusya nukuvikazya vyosi vivyo visyalite, vivyo vili papipi pakuzililika, pakuti inkwennya ukuti imbombo zyako zite zyakufikapo pamaso pa Chala wane.

Ubuvumbuli 3:2 Iomraidhean Croise

1 Abamwene 11:4

Bo u Solomoni aghosipa, abachi bache bala bakamudeba pakubiputa abachala abanji, nukuleka pakumusubila u Mwene u Chala wache ukuyana namumo uwise u Devedi akabombelagha.

1 Abamwene 15:3

U Abiya wepe akananga ukuyana namumo uwise akanangila. Atakaba muntu musubiliwa kwa Mwene u Chala wache nu moyo wache ghosi ukuyana namumo umunyenya wache u Devedi akabela.

2 Imbili 25:2

U Amaziya akamuhobosya u Mwene pakubomba ingolosu, loli atakazibomba nu moyo wache ghosi.

Yobu 16:5

Loli umulomo wane ngali wabakazya; sona imilomo yane ngali yabwisya ububavu bwinyu.

Yesaya 35:3

Muzikazyanje inyobe idedebazu, sona mubapanje amaka abantu babo ivimpevu vyabo vikutetema,

Yesaya 56:10

Abalindilili aba Izilayeli bafwamaso, bosi bate namahala, bosi bali ngati mbwa izya chinunu, zizyo zitakubwata, zikulambalala nukulota, zyighanite pakughona utulo.

Yesaya 57:12

Nkwiza pakububika pabuzelu, ubugholosu bwako ni mbombo zyako, sona vitakwiza pakukwavwa.

Ezekiyeli 34:16

Nkwiza pakuzilonda zizyo zisobelite nukuzinyosya zizyo zyapulumpa. Nkwiza pakuzipinya ivilonda zizyo zivulaye nukuzikazya zizyo zidedebaye, loli inyine ni zyamaka nkwiza pakuzinangannya. Nkwiza pakuzidima ing'ozi nubwanaloli.

Daniyeli 5:27

“Tekeli: Chikusanusya ukuti wapimiwa pachipimilo sona utakung'wama.

Zekaliya 11:16

Pakuti nkukubika pakuba we mudimi uwa chisu, yuyo atakwiza pakuzisungilila ing'ozi izyakusobela, pamo pakutulonda utwana, pamo pakuzipozya zizyo zivulaye, pamo pakuzilyesya zizyo zitabinite, loli akwiza pakulya inyama iya ng'ozi inyine, sona nukuzepulannya inyayo zyabo.

Matayi 23:5

Bakubomba zyosi izi ukuti abantu babennye. Ennya Amasimbo pankigha zizyo bakupinya kumutu na panyobe, sona ennya ubukulu mumo zibeleye! Ennya amabuzi amatalitali munkazo zyabo.

Matayi 25:13

Pabumalilo u Yesu akati, “Mubanje maso pakuti mutalimenye isiku pamo akabalilo.”

Matayi 25:7

Abalindu 10 bala bakanyamuka nukukwezya ivisunda ivya nyale zyabo.

Imbombo 18:23

Bo ikalamo akabalilo akatali mulamula, akanyamuka nukudumusannya muchigaba icha Galatiya nicha Filigiya pakubakazya abamanyili bosi.

Ukukumbusya Amalamulo 3:28

Loli umulingannye akiza u Yoshwa nukumukazya umoyo, pakuti weyuyo akwiza pakubalongolela abantu ukulobokela kwisila nukwikala muchisu chicho ukwiza pakuchennya.”

1 Pitala 4:7

Ubumalilo ubwa vintu vyosi buli papipi. Polelo mubanje bantu abakwilema, sona mubanje maso, umwakuti mungiputa.

1 Pitala 5:8

Mubanje maso, sona mwenelezye nkani! Umulwani winyu, u Satana, akuzyungulilazyungulila bo akubuluma ngati yo nkalamu, ukulonda yumo uwakuti amulye.

Ubuvumbuli 16:15

“Ennya! Nkwiza ngati ne mwiba! Musayiwa umuntu wesi yuyo akuba maso nukughasunga amenda ghache, umwakuti atakwiza pakwenda nkule nukusamuliwa pachilundilo!”

Ubuvumbuli 2:4

Loli ichintu chicho nkukususya nacho cho ichi: Utakungana ukuyana namumo ukanganilagha pakwanda.

Ubuvumbuli 3:1

“Uwantumi uwa muchipanga icha mu Salidisi umusimbile uti, “Amazyu ghagho ghaneniwa na yuyo ali ni mizimu seveni iya Chala, sona yuyo ali ni ntondwa seveni gho agha: “Invimenye vyosi vivyo ukubomba. Napapo umanyikitwe ukuti we mumi, loli inzimenye ukuti we mufwe.

Ubuvumbuli 3:3

Po ukumbuke zizyo ukamanyisiwa, sona na zizyo ukivwa. Uzyivwile, upinduke nukuzileka imbibi zyako. Nanti utakulamusya, nkwiza pakukwizila ngati ne mwiba, sona utakwiza pakukamanya akabalilo kako nkwiza pakukwizila.