Ubuvumbuli 3:19 - IBAYIBOLO 2024

¹⁹ Nkumuchemela nukumufunda umuntu wesi yuyo imughanite. Polelo lamusya, upinduke nukuzileka imbibi zyako.

Ulufingo Ulupya

¹⁹ Inkumuchemela nukumufunda umuntu wesi yuyo imughanite. Polelo lamusya, upinduke nukuzileka imbibi zyako.

Ubuvumbuli 3:19 Iomraidhean Croise

2 Samuweli 7:14

Nkwiza pakuba ne wise, po umwene akwiza pakuba mwana wane. Nanti akunanga, nkwiza pakumufunda ni ndisa ngati mumo uwise akumufundila umwana wache.

Yobu 5:17

“We musayiwa nanti u Chala akukuchemela, po utakaghasulaye amafundwe agha Wamaka Ghosi.”

Masalimo 39:11

Ukubachemela abantu pachifukwa icha mbibi zyabo nukubapa amafundwe, ukubunangannya ubukabi bwabo ngati mumo impezu zikubombela, pakuti umuntu ali ngati muyi bulo.

Masalimo 6:1

Wee Mwene utakanchemelaye, mubukalale bwako, pamo ukunfunda pachifukwa ichakuti ukalaye.

Masalimo 69:9

Pakuti ulweke lwane pa Nyumba yako lukwaka mumwane ngati moto, umusamu ghugho bakakusamula nagho, ghukangwila.

Masalimo 94:10

Nkimba yuyo akuzipa amafundwe inko atakuzifunda? Nkimba yuyo akumumanyisya umuntu akusobelwa ubumanyi.

Ivyili 15:10

Umuntu yuyo akuyikana izila ingolosu akufundiwanga, umuntu yuyo akubengite ukuchemeliwa akufwanga.

Ivyili 15:32

Umuntu yuyo akughasulannya amafundwe akwisamula mwene, loli wesi yuyo akwivwila nanti akuchemeliwa, akuba wakwivwisya ivintu.

Ivyili 22:15

Ubupunganu bukwikala mumoyo uwa mwana, loli indisa iya mafundwe yikwefya ubupunganu bulabula.

Yesaya 26:16

Wee Mwene muntamyo zyabo bakakulonda, bakalaba kukwako, bo wabafunda.

Yelemiya 10:24

Wee Mwene, unchemele, loli unchemele mubugholosu. Utakankalalile umwakuti intakipele pakuba chintu ichabulo.

Yelemiya 2:30

“Nkabafunda abantu aba mu Yuda, pope batakamanyilapo nachimochimo. Mukabaghogha abalaghuzi nupanga ngati nkalamu yiyo yikalaye.

Yelemiya 30:11

Indi poka namwe sona nkwiza pakubapoka. Nkwiza pakuzinangannya inko zyosi, kuko nabanyampanizizya, loli amwe ntakwiza pakubananganizizya zila. Nkwiza pakubapa amafundwe nubwanaloli, ntakwiza pakubaleka bulo ukusita pakubafunda.”

Yelemiya 31:18

“Nivwa aba Efulayimu bakulila bakuti, ‘Naloli watufunda ngati ngwata yiyo yitamanyiziwe, sona twamanyilapo ukwivwila. Utunyosye ukuti tunyokele kukwako, pakuti naloli we Mwene u Chala witu.

Yelemiya 7:28

Polelo ubabuzye ukuti, ‘Ulu lo luko ulwa bantu babo batakaghitika amazyu agha Mwene u Chala wabo, pamo ukwitika ukunanga kwabo. Ubwanaloli butalipo pakasi papabo, sona butakwivwikapo pamilomo yabo.

Zefaniya 3:2

Katakumwivwila nayumoyumo, sona katakwitika ukuchemeliwa. Katakumusubila u Mwene, katakupalamila kwa Chala wache.

Matayi 25:7

Abalindu 10 bala bakanyamuka nukukwezya ivisunda ivya nyale zyabo.

Yohani 2:17

Abamanyili bache bakakumbuka Amasimbo aghakuti, “Ulweke lwane pa Nyumba yako lukwaka mumwane ngati moto.”

Aba Loma 12:11

Bo mukubomba, mubikayepo umoyo ghosi, sona mutakabanje bakata. Mumubombelaye u Mwene umwakwiyipa nu moyo winyu ghosi.

1 Aba Kolinti 11:32

Loli pope bo u Mwene akutulonga nukutufunda, akutumanyisya amahala, umwakuti tutakasusyiwe poka na bantu aba muchisu ichapasi.

2 Aba Kolinti 6:9

Napapo tutamanyikitwe, loli tumanyikitwe. Napapo tuyanite na bantu abafwe, loli twe bumi ukuyana namumo mukutwenezezya. Napapo tukufundiwa, loli tutakughoghiwa.

2 Aba Kolinti 7:11

Ennya mumo ivikomwa ivya chitima icha mwa Chala vikabombela mumwinyu. Chabapa ulweke ulukulu, chabapa amaka nkani pakusimikizya ukuti mutanangitepo, chabakalalizya nkani, sona chabapelela ubogha ubukulu. Chabapa inyota ukuti munyennye, sona chabapa ulweke ukuti munzighilile, sona ukufunda abambibi. Pabuzilo bosi mwisimikila mwebene ukuti inongwa iyi yitakubapalamasya.

Aba Galatiya 4:18

Chizapo pakuba bengo nanti ifundo yache nyiza, sona nukuba bunubu bwila, kute kokuti pene papo indi poka namwe.

Ukukumbusya Amalamulo 8:5

Po mukumbukaye ukuti u Mwene u Chala winyu akabafunda ukuyana namumo uwise akumufundila umwana wache.

Titi 2:14

Akiyipa mwene pachifukwa icha sweswe ukuti atusatule ku bubibi bwitu bosi nukuti tubanje bantu bache abazelu, babo balweke pakubomba imbombo inyiza.

Yakobo 1:12

Musayiwa umuntu yuyo akujimba nkani munjelo, pakuti nanti ajimba, akwiza pakupokela impumpu iyabumi yiyo u Chala akabalayizya abantu bache babo bamughanite.

Ubuvumbuli 2:5

Kumbuka namumo ukabela bo utawiye. Pinduka nukuzileka imbibi zyako, ubombaye imbombo zizyo ukabombagha pakwanda. Nanti utakupinduka, nkwiza pakwiza kukwako nukwefyapo ichakubikapo inyale yako pabuzilo bwache.