Ubuvumbuli 3:12 - IBAYIBOLO 2024

¹² Umuntu yuyo akupota nkwiza pakumupela pakuba mpanda iya Nyumba iya Chala wane, sona atakwiza pakufumapo nalumolumo kuzi. Nkwiza pakusimba itabwa ilya Chala wane papache, sona ni tabwa ilya kaya akakulu nkani aka Chala, u Yelusalemu umupya, yuyo akwiza pakwika kumwanya kwa Chala wane.

Ulufingo Ulupya

¹² Umuntu yuyo akupota inkwiza pakumupela pakuba mpanda iya Nyumba iya Chala wane, sona atakwiza pakufumapo nalumolumo kuzi. Inkwiza pakusimba itabwa ilya Chala wane papache, sona ni tabwa ilya kaya akakulu nkani aka Chala, u Yelusalemu umupya, yuyo akwiza pakwika kumwanya kwa Chala wane.

Ubuvumbuli 3:12 Iomraidhean Croise

1 Abamwene 7:21

Akazisimika impanda zila pamulyango uwa kwinjillila mu Nyumba iya Mwene, yimo akayisimika kuntende nukuyita ukuti Yakini, sona iyinji akayisimika kumitu nukuyita ukuti Bowazi.

Masalimo 46:4

Pali ulusoko lumo lulo utusoko twache tukubahobosyanga abantu aba mukaya akakulu nkani aka Chala, ubuzilo bubo buzelu bubo Uwakumwanya Nkani akwikalako.

Masalimo 48:8

Ngati mumo twivwila, po twavyennya, vyosi mukaya akakulu nkani aka Mwene Uwamaka Ghosi, sona kako kaya akakulu nkani aka Chala witu. U Chala akakikazya ukuti kabanjeko bwila na bwila.

Masalimo 87:3

Wee kaya akakulu nkani aka Chala, ivintu ivyabuchindamu vikuneniwa nizya awe.

Yesaya 62:2

Inko zikwiza pakubwennya ubugholosu bwako! Abamwene babo bakwiza pakubwennya ubuchindamu bwako. Ukwiza pakwitiziwa nitabwa ipya, lilyo u Mwene akwiza pakubitizya.

Yesaya 65:15

Mukwiza pakubalekela abasaliwa bane, itabwa lyako ilya chighune, po u Mwene Uwamaka Ghosi akwiza pakukughogha. Loli ababombi bache akwiza pakubita itabwa ilinji.

Yelemiya 1:18

Ilelo nakupela pakuba we kaya akakulu nkani akakuzyunguliliwa ni linga, ni mpanda iya chela, sona nulubumba ulwa mukuba, umwakuti utakachinyilaye ichisu chosi, abamwene bosi aba mu Yuda pamo amakambala ghache pamo abaputi bache sona na bantu aba muchisu chilachila.

Ezekiyeli 40:49

Ubutali ubwa chipinda ichakwinjilila bukaba amamita 10, mububaba bukaba amamita sikisi. Pakabapo amakwelelo 10, sona zikabako impanda kumbazu zyosi.

Ezekiyeli 48:35

“Akaya kosi akakulu nkani umwakuzyungulila kakwiza pakuba amamita 9,000. Ukwanda pakabalilo kalakala mupaka muntazi, akaya akakulu nkani kakwiza pakwitiziwanga ukuti, ‘U Mwene ali Palapala.’ ”

Maliko 12:16

Bakamupa yoka, po akabalalusya akati, “Nkimba icheni ni tabwa vivyo vili apa vyawenu?” Bakamula bakati, “Vya Kesale.”

Aba Galatiya 2:9

U Yakobo nu Pitala, sona nu Yohani bakaba ngati zyo mpanda. Abene bakazyaghannya ukuti akaba we Chala yuyo akampa ane imbombo yiniyi. Po bakasyopolana nane nu Balanabasi ukulanjizya ukuti tuli poka. Tukivwana ukuti aswe tubuke pakasi pabantu babo bate ba Yuda, sona nukuti abene babuke kuba Yuda.

Aba Efeso 3:15

yuyo akalwita itabwa lyache uluko losi ulwa kumwanya ni chisu ichapasi.

Aba Hebeli 12:22

Loli mwiza kwighamba ilya Ziyoni nakaya akakulu nkani aka Chala Umumi, u Yelusalemu uwakumwanya, poka ni chilundilo icha bantumi amasabuzani na masabuzani.

Aba Hebeli 13:14

Pakuti muchisu ichapasi tute nakaya akakulu nkani aka bwila na bwila, awe. Loli tukulonda akaya akakulu nkani kako kakwiza.

1 Yohani 4:4

Loli amwe mwe bana bane, mwe bache ba Chala sona mwabapota abalaghuzi abamyasi bala, pachifukwa ichakuti u Muzimu yuyo ali mumwinyu wamaka nkani ukuchila yuyo ali muchisu ichapasi.

Ubuvumbuli 14:1

Pisinda pache nkenelezya nukwennya u Mwana uwa ng'ozi imite pighamba ilya Ziyoni. Palapala akaba poka na bantu 144,000, babo pa vyeni vyabo pakasimbiwapo itabwa lyache, ni tabwa ilya wise.

Ubuvumbuli 17:14

Bakwiza pakulwa ubwite nu Mwana uwa ng'ozi. Loli u Mwana uwa ng'ozi na bitiziwa poka na basaliwa bache, bakwiza pakubapota pachifukwa ichakuti u Mwana uwa ng'ozi we Mwene uwa bamwene, sona we Mulaghili uwa balaghili.”

Ubuvumbuli 2:11

“Umuntu yuyo ali na makutu, ivwe zizyo u Muzimu Umuzelu akuvibuzya ivipanga. “Umuntu wesi yuyo akupota, atakwiza pakupalamasiwa nu bufwe ubwabubili.

Ubuvumbuli 2:17

“Umuntu yuyo ali na makutu, ivwe zizyo u Muzimu Umuzelu akuvibuzya ivipanga. “Umuntu yuyo akupota, nkwiza pakumupa ichakulya ichakubusyefu icha mana. Nkwiza pakumupa ibwe iswepu lilyo lisimbiwepo ni tabwa ilipya, lilyo nayumo umuntu yuyo alimenye, loli mwene yuyo akulipokela.

Ubuvumbuli 2:7

“Umuntu wesi yuyo ali na makutu, ivwe zizyo u Muzimu Umuzelu akuvibuzya ivipanga. “Umuntu wesi yuyo akupota, nkwiza pakumwitikizya ukuti alyanje ivikomwa ivya mwikwi ilya bumi, lilyo lili mumughunda uwa Chala.

Ubuvumbuli 21:2

Nkennya Akaya Akakulu nkani Akazelu, u Yelusalemu umupya kakwika kumwanya kwa Chala, bo kiyanizye ukuyana nu mukolo yuyo avwalite amenda amiza ukuti akomane nu mulume.

Ubuvumbuli 22:4

Bakwiza pakwennya icheni chache, sona itabwa lyache likwiza pakusimbiwa pa vyeni vyabo.

Ubuvumbuli 3:5

Umuntu wesi yuyo akupota, akwiza pakuvwikiwa amenda amaswepu. Ntakwiza pakuzimya itabwa lyache mwibuku ilya bumi. Nkwiza pakumwitika pamaso pa Tata wane, sona napa bantumi bache.