Ubuvumbuli 3:1 - IBAYIBOLO 2024

¹ “Uwantumi uwa muchipanga icha mu Salidisi umusimbile uti, “Amazyu ghagho ghaneniwa na yuyo ali ni mizimu seveni iya Chala, sona yuyo ali ni ntondwa seveni gho agha: “Invimenye vyosi vivyo ukubomba. Napapo umanyikitwe ukuti we mumi, loli inzimenye ukuti we mufwe.

Ulufingo Ulupya

¹ “Uwantumi uwa muchipanga icha mu Salidisi umusimbile uti: Amazyu ghagho ghaneniwa na yuyo ali ni mizimu seveni iya Chala, sona yuyo ali ni ntondwa seveni gho agha: Invimenye vyosi vivyo ukubomba. Napapo umanyikitwe ukuti we mumi, loli izimenye ukuti we mufwe.

Ubuvumbuli 3:1 Iomraidhean Croise

Luka 15:24

Pakuti umwana wane uyu akafwa, loli ilelo mumi. Akasobela, loli ilelo aghiwa.’ Po ulusekelo lukanda.

Luka 15:32

Loli zagha tusekelaye pakuti umuzuna wako akafwa, loli ilelo mumi. Akasobela, loli ilelo aghiwa.’ ”

Yohani 1:16

Pachifukwa icha bukulu ubwa chisa chache, atusayite twebosi pakutupa ulusayo pamwanya pa lwamwabo.

Yohani 1:33

Pope bulo intakamanya ukuti weyuyo, loli u Chala yuyo akantuma pakozya na mizi akambuzya akati, ‘Bo ukwennya u Muzimu Umuzelu akwika nukwikala papache, weyuyo akozya nu Muzimu Umuzelu.’

Yohani 20:22

Bo anena zinizi, akabaputila umuyi nukuti, “Pokela u Muzimu Umuzelu.

Yohani 3:34

Pakuti yuyo u Chala amutumite akunena amazyu agha Chala, pachifukwa ichakuti u Chala akumupa u Muzimu Umuzelu ukusita ukumamilizya.

Imbombo 2:33

U Yesu akakweziwa nukwikala kunyobe indilo iya Chala, akapokela u Muzimu Umuzelu yuyo Uwise akalayizya. Vivyo mukuvyennya nukwivwa ivyabupi vyache vivyo vyapunguliliwa papitu.

Aba Efeso 2:1

Kale mukaba mwe bantu abafwe pachifukwa icha kunyongana kwinyu, sona ni chifukwa icha mbibi zyinyu.

Aba Efeso 2:5

napapo tukaba twe bantu abafwe pachifukwa icha kunyongana kwitu, akatupa ubumi mwa Kilisitu. U Chala akabapoka ukwendela muchisa chache.

Aba Kolosi 2:13

Amwe kale mukaba mwe bantu abafwe pachifukwa icha mbibi zyinyu, sona pachifukwa ichakuti mukaba abasita kusilimuliwa mumoyo ghinyu. Loli ilelo u Chala abapiye ubumi poka nu Kilisitu. U Chala akatuhobokela imbibi zyitu zyosi.

1 Timoti 5:6

Loli umukolo umufwilwe yuyo akwihobosya mwene ni vintu ivya muchisu ichapasi, afuye kale, napapo mumi.

Yakobo 2:26

Polelo ukuyana namumo zibeyele ukuti umubili umusita umuzimu, ghufuye, lope nu lwitiko ulusita imbombo lufuye.

1 Pitala 1:11

Abalaghuzi bala bakayezya pakukagha akabalilo akenecho, sona namumo kangizila. Aka kakaba kabalilo kako Umuzimu uwa Kilisitu yuyo akaba mumwabo akasonta. Bakanenela zila namumo u Kilisitu akwiza pakujimbila mumayimba, sona nu buchindamu bubo bukwiza pakukonkapo.

Yuda 1:12

Abantu banaba bakunyazya ulusekelo lwinyu ulwa bupoka. Bakulya poka namwe umwakusita isoni, sona bapafu. Bayanite bulo na mabingu ghagho ghakuputiwa ni mpepo, loli ghatakwiza ni vula. Bayanite bulo na makwi ghagho ghatakwela ivikomwa napapo kabalilo kache, sona ghagho ghanyunkuliwe nukufwila zila.

Ubuvumbuli 1:11

Izyu lilalila likati, “Simba mwibuku vivyo ukuvyennya, uvitumile ivipanga seveni: Ichipanga icha mu Efeso, nicha mu Similina, nicha mu Peligamu, nicha mu Tiyatila, nicha mu Salidisi, nicha mu Filadefiya, sona nicha mu Labodikiya.”

Ubuvumbuli 1:16

Akalema intondwa seveni munyobe yache indilo. Mumulomo mwache mukafuma upanga yuyo akwete kosi na kosi. Icheni chache chikalamagha ngati po izuba lili pamutu.

Ubuvumbuli 1:20

Ichakubusyefu icha ntondwa seveni zizyo wazyennya munyobe indilo, ni vyakubikapo inyale ivya golide seveni vila cho ichi: Intondwa seveni zila bo bantumi aba vipanga seveni, sona ivyakubikapo inyale ivya golide seveni vila vyo vipanga seveni.

Ubuvumbuli 1:4

Ane ne Yohani, nkuvisimbila ivipanga seveni muchigaba icha Asiya. U Chala yuyo aliko ilelo, yuyo akabako kale, sona yuyo akwiza pakubako, abape ichisa nu mutende. Chope ichisa chinichi icha mizimu seveni, yiyo yili pantazi pachitengo icha bumwene ubwa Chala.

Ubuvumbuli 2:13

“Inzimenye ukuti kuko ukwikala, ko kuko kuli ichitengo icha bumwene ubwa Satana. Awe we musubiliwa kukwane, sona utakalutaghe ulwitiko lwako mumwane, na pakabalilo bulo aka Antipasi, ukaboni wane umusubiliwa yula, yuyo akaghoghiwa, kuko u Satana akwikalako.

Ubuvumbuli 2:19

“Invimenye vyosi vivyo ukubomba! Indumenye ulughano lwako nu busubiliwa bwako nu bubombeli bwako, sona nu bufisalyoyo bwako. Inzimenye ukuti ilelo ukubomba imbombo inyiza ukuchila namumo ukabombelagha pakwanda.

Ubuvumbuli 2:2

“Invimenye vyosi vivyo ukubomba. Nkumenye ukwiyula kwako nu bufisalyoyo bwako, sona imenye ukuti utakubennya bulo abantu abambibi. Abantu babo bakwinena bene ukuti batumiwa, loli bate batumiwa, wabayela nukubagha ukuti bamyasi.

Ubuvumbuli 2:9

“Intamyo zyako inzimenye nu bupina bwako bope imbumenye, loli we mukabi. Ingumenye umusamu uwa bantu babo bakwinena bene ukuti ba Yuda, po bate ba Yuda, loli ba chipanga icha Satana.

Ubuvumbuli 3:15

“Invimenye vyosi vivyo ukubomba ukuti awe ute we mukatazu, pamo we mutukizu. Chikaba chizapo ngali wabanga mukatazu pamo mutukizu.

Ubuvumbuli 3:2

Lamusya nukuvikazya vyosi vivyo visyalite, vivyo vili papipi pakuzililika, pakuti nkwennya ukuti imbombo zyako zite zyakufikapo pamaso pa Chala wane.

Ubuvumbuli 3:8

“Invimenye vyosi vivyo ukubomba. Inzimenye ukuti amaka ghako manandi, loli wasungilila amazyu ghane, sona utalikana itabwa lyane. Nighula umulyango pantazi papako ghugho nayumo umuntu yuyo angighalila.

Ubuvumbuli 4:5

Muchitengo icha bumwene mukafumagha utumesya, ichongo nukujilimisya ukwa vula. Pantazi pachitengo icha Bumwene mukakagha ivikoka ivya moto seveni, vivyo yo Mizimu seveni iya Chala.

Ubuvumbuli 5:6

Po nkennya u Mwana uwa ng'ozi pakasi pachitengo icha bumwene, azyunguliliwe ni vipeliwa ivyabumi folo na basongo 24. U Mwana uwa ng'ozi akabonekagha ngati aboliwe. Akaba ni mpembe seveni na maso seveni vivyo yo Mizimu seveni iya Chala, yiyo yitumiwe muchisu chosi ichapasi.