Ubuvumbuli 22:6 - IBAYIBOLO 2024

⁶ Pisinda pache uwantumi yula akambuzya akati, “Amazyu agha ghanaloli, sona masubiliwa. U Mwene u Chala, yuyo akubapa umuzimu wache abalaghuzi, amutuma uwantumi wache pakubalanjizya ababombi bache ivintu vivyo vibaghiye pakubombiwa lunulu.”

Ulufingo Ulupya

⁶ Pisinda pache uwantumi yula akambuzya akati, “Amazyu agha ghanaloli, sona masubiliwa. U Mwene u Chala, yuyo akubapa umuzimu wache abalaghuzi, amutuma uwantumi wache pakubalanjizya ababombi bache ivintu vivyo vibaghiye pakubombiwa lunulu.”

Ubuvumbuli 22:6 Iomraidhean Croise

Ubwandilo 41:32

Pakulota ivilota akabubili kukung'anamula ukuti ichintu ichi chikabatikiwa nu Chala, sona u Chala akwiza pakuchibomba lunulu.

Daniyeli 3:28

Po u Nebukadineza akati, “Apaliwanje u Chala uwa Shadiliki nu Meshaki nu Abedinego, yuyo amutuma uwantumi wache pakubapoka ababombi bache! Bakamusubila u Chala nukulusulannya ululaghilo ulwa mwene, sona bakiyannya pakwiyipa ubumi bwabo bosi ukuti bamubombelaye u Chala wabo nukusita ukuti bamubombelaye pamo ukumwiputa uchala uyunji.

Daniyeli 6:22

U Chala wane atumite uwantumi wache nukwighalila imilomo iya nkalamu. Wee mwene, zitakanvulazya napo panandi pachifukwa ichakuti intakaba ninongwa nayimoyimo pamaso papache pamo ukukubombela chimo ichibibi pamaso papako.”

Matayi 13:41

U Mwana uwa Muntu akwiza pakutuma abantumi bache ukwefya abantu bosi mu Bumwene bwache, babo bakupuvya abantu na babo bakubomba ivibibi.

Luka 1:70

Ivi vyo vivyo akalayizya kale ukwendela mu balaghuzi abazelu.

Luka 16:16

“Indaghilo izya Mozesi na masimbo agha balaghuzi vikabako mupaka pakabalilo aka Yohani Uwalozyo. Ukwandila pakabalilo kalakala Amazyu Amiza agha Bumwene ubwa Chala ghalumbililiwe, sona umuntu wesi akwifinyilizya ukuti injilemo.

Imbombo 12:11

Po u Pitala akazyaghannya zizyo zikabombiwa kukwache nukuti, “Ilelo nazimanya ukuti zyanaloli! U Mwene akatuma uwantumi wache ukuti ize ampoke kwa Helodi na vyosi vivyo aba Yuda bakinong'onagha ukuti vikwiza pakubombiwa kukwane.”

Imbombo 3:18

U Chala akafumusya kale nkani ukwendela mu balaghuzi bosi ukuti u Kilisitu wache abaghiye pakuyimba; sona zikakwanilisiwa bunubu.

Aba Loma 1:2

Amazyu Amiza ghanagha ghakalayiziwa kale nu Chala ukwendela mu balaghuzi bache ukuyana na Masimbo Amazelu.

1 Aba Kolinti 14:32

Umulaghuzi aghulamulaye umuzimu wache.

1 Aba Kolinti 7:29

Mwee bakamu bane, chicho nkubabuzya cho ichi: Akabalilo kasyete kapimpa. Ukwanda akabalilo aka, abantu babo basendite batakikolezannyanje nizya sendwa zyene.

2 Aba Tesalonika 1:7

sona akwiza pakubapa ubutuzyo amwe mwe mukuyimba, poka naswe bulo. Akwiza pakubomba zinizi bo u Mwene u Yesu avumbuliwa kumwanya numoto uwakwaka, poka na bantumi bache abamaka.

Aba Hebeli 12:9

Tukaba nabo abatata aba muchisu ichapasi babo bakatufunda, po tukabachindikagha. Nkimba tutangamuchindika u Tata witu uwabuzimu nukuba nubumi?

2 Pitala 1:21

Pakuti butalipo ubulaghuzi nabumobumo bubo bukiza nu bwighane ubwa muntu. Loli abantu bakalaghula ukwendela mwa Muzimu Umuzelu amazyu agha Chala.

2 Pitala 3:2

Nkulonda ukuti mukumbukaye amazyu ghagho ghakaneniwa kale na balaghuzi abazelu, sona na malamulo ghosi u Mwene nu Mupoki witu akabapa ukwendela mu batumiwa binyu.

Ubuvumbuli 1:1

Ibuku ili likulingannya nizya buvumbuli bubo u Yesu Kilisitu akavumbula. U Chala akamupa ubuvumbuli ubu, umwakuti abalanjizye ababombi bache ivintu vivyo vibaghiye pakubombiwa lunulu. U Kilisitu akamuvumbulila umubombi wache u Yohani, pakumutumila uwantumi wache.

Ubuvumbuli 18:20

Hobokagha we chisu icha kumwanya, hobokagha mwe bantu abazelu aba Chala, na batumiwa, sona na balaghuzi! Pakuti u Chala amususya ukuyana bulo namumo akabombelagha!”

Ubuvumbuli 19:9

Palapala uwantumi yula akambuzya akati, “Simba uti, ‘Basayiwa abantu babo bitiziwe kulusekelo ulwa sendwa iya Mwana uwa ng'ozi!’ ” Uwantumi yula akonjelezya sona pakunena ukuti, “Agha gho mazyu aghanaloli agha Chala.”

Ubuvumbuli 21:5

Panapo uwakwikala pachitengo icha bumwene yula akati, “Losi ulu nkwandula ivintu vyosi pakuba vipya!” Akanena sona kukwane akati, “Simba ivi, pakuti amazyu ghanagha ghanaloli, sona masubiliwa.”

Ubuvumbuli 21:9

Pisinda pache weka uwa bantumi seveni bala yuyo akaba ni mbako seveni inyizule ni viwaya seveni ivya bumalilo, akambuzya akati, “Zagha, nkwiza pakukulanjizya umukolo yuyo akusendwa, umuchi uwa Mwana uwa ng'ozi.”

Ubuvumbuli 22:1

Po uwantumi yula akandanjizya ulusoko ulwa mizi amapela bumi, ulwakunyezimila ngati lyo ligalasi, lulo lukufuma kuchitengo icha bumwene ubwa Chala nicha Mwana uwa ng'ozi.

Ubuvumbuli 22:16

“Ane ne Yesu, nabatumila amwe uwantumi wane pakufumusya nizya vintu vinivi muvipanga. Ane ne waluko ulwa Devedi. Ane ne lutondwa ulwakulama kubuche nkani.”

Ubuvumbuli 22:7

U Yesu akuti, “Ivwa kuno! Nkwiza lunulu! Basayiwa abantu babo bakughivwila amazyu aghabulaghuzi ghagho ghali mwibuku linili.”

Ubuvumbuli 4:1

Pisinda pache nkennya ichisetuka nukulwennya ulwiyi lwighuke kumwanya. Sona izyu itazi lila lilyo nkivwa likaba ngati lyo lipati likati, “Zagha kumwanya kuno, nkwiza pakukulanjizya ivintu vivyo vikwiza pakubombiwa pisinda pavinivi.”