Ubuvumbuli 22:18 - IBAYIBOLO 2024

¹⁸ Ane ne Yohani, nkumusoka umuntu wesi yuyo akwivwa amazyu aghabulaghuzi mwibuku linili. Nanti umuntu yumo akonjelezyapo chimo, u Chala wepe akwiza pakumonjelezyapo iviwaya vivyo visimbiwe mwibuku linili.

Ulufingo Ulupya

¹⁸ Ane ne Yohani, inkumusoka umuntu wesi yuyo akwivwa amazyu agha bulaghuzi mwibuku linili. Nanti umuntu yumo akonjelezyapo chimo, u Chala wepe akwiza pakumonjelezyapo iviwaya vivyo visimbiwe mwibuku linili.

Ubuvumbuli 22:18 Iomraidhean Croise

Ivyili 30:6

Utakonjelezyanjeko nakamo akantu ku mazyu ghache, umwakuti atakakususyanje nukukwagha ukuti we mumyasi.

Aba Levi 26:18

Loli pope bulo nanti mutakunyivwila, nkwiza pakubafunda umwakonjelezyapo akaseveni pachifukwa icha mbibi zyinyu.

Aba Levi 26:28

nane nkwiza pakubasula mubukali bwane, sona nkwiza pakubafunda umwakonjelezyapo akaseveni pachifukwa icha mbibi zyinyu.

Aba Levi 26:37

Bakwiza pakupunuzyannya benebene pakusita nayumo umuntu uwakubachimbizya. Mutakwiza pakuba na maka aghakulwila na balwani binyu.

Matayi 15:13

U Yesu akamula akati, “Imbeyu yosi yiyo Utata wane uwakumwanya atakayibyala, yikwiza pakunyunkuliwa.

Aba Efeso 4:17

Po nkubabuzya zinizi, sona nkubasimikizya mwitabwa ilya Mwene ukuti mutakikalaye ngati mwe bantu abakuzi, babo inyinong'ono zyabo zyabulo.

Ukukumbusya Amalamulo 12:32

Muchebaye nkani ukuti mukukonka vyosi vivyo nkubalamula. Mutakonjelezyanjepo nachimochimo ichintu, pamo ukwefyapo nachimochimo ichintu.

Ukukumbusya Amalamulo 4:2

Mutakonjelezyepo pamo ukwefyapo nachimochimo ichintu pavintu vivyo nkubalamula. Loli mughakonkaye amalamulo agha Mwene u Chala winyu ghagho nkubapa.

1 Aba Tesalonika 4:6

Pafundo yiniyi, umuntu wesi atakamunangilaye umukamu wache, pamo ukusendelapo ulusako papache. U Mwene akwiza pakumufunda umuntu wesi yuyo akubomba bunubu, ukuyana namumo tukababuzizya kale nukubasoka.

Ubuvumbuli 1:3

Musayiwa umuntu yuyo akubelenga ibuku ili, sona basayiwa abantu babo bakwivwisya amazyu aghabulaghuzi nukukonka zizyo zisimbiwe mwibuku linili. Pakuti akabalilo akakubonekela zyosi zinizi kali papipi.

Ubuvumbuli 15:1

Pisinda pache nkennya ichiswigho ichikulu ichinji, kumwanya. Pakaba abantumi seveni babo bakaba ni viwaya seveni, vivyo vikaba vyabumalilo ivyakulanjizya ubukali ubwabumalilo ubwa Chala.

Ubuvumbuli 15:6

Abantumi seveni aba Chala babo bakaba ni viwaya seveni bakafuma mu Nyumba iya Chala, bo bavwalite amenda amaswepu aghakunyezimila, sona na balamba aba golide pavifuba vyabo.

Ubuvumbuli 19:20

Loli ichinyamana chikalemiwa poka nu mulaghuzi umumyasi, yuyo akabombagha iviswigho pantazi papache. Ni viswigho vilavila akabazimbula abantu babo bakadindiwa ni chidindo icha chinyamana, sona na bantu babo batakachiputa ichifwani icha chinyamana chila. Ichinyamana poka nu mulaghuzi umumyasi yula, bosi babili aba bakasumbiwa bumi munyanja iya moto uwa sulufule.

Ubuvumbuli 20:10

Po u Satana yuyo akabazimbulagha, akasumbiwa munyanja iya moto uwa sulufule, kuko ichinyamana nu mulaghuzi umumyasi yula bakasumbiwako kale. Bakwiza pakuyiviwa pamusanya na pabusiku bwila na bwila.

Ubuvumbuli 20:15

Umuntu wesi yuyo itabwa lyache litakasimbiwamo mwibuku ilya bumi, akasumbiwanga munyanja iya moto.

Ubuvumbuli 22:10

Akambuzya sona akati, “Utakafise amazyu aghabulaghuzi agha mwibuku linili, pakuti akabalilo kali papipi akakuti ivintu vyosi vinivi vibombiwe.

Ubuvumbuli 22:16

“Ane ne Yesu, nabatumila amwe uwantumi wane pakufumusya nizya vintu vinivi muvipanga. Ane ne waluko ulwa Devedi. Ane ne lutondwa ulwakulama kubuche nkani.”

Ubuvumbuli 22:7

U Yesu akuti, “Ivwa kuno! Nkwiza lunulu! Basayiwa abantu babo bakughivwila amazyu aghabulaghuzi ghagho ghali mwibuku linili.”

Ubuvumbuli 22:9

Loli akambuzya akati, “Utakabombaye bunubu! Ane ne wambombo bulo ngati wewe, sona ngati bo bakamu bako babo balaghuzi, sona na bantu bosi babo bakughivwila amazyu ghagho ghali mwibuku linili. Mumwiputaye u Chala!”

Ubuvumbuli 3:14

“Uwantumi uwa muchipanga icha mu Labodikiya umusimbile uti, “Amazyu ghagho ghaneniwa na yuyo akwitiziwa ukuti we Ameni, umusubiliwa, sona nu kaboni uwanaloli, yuyo we chifumo icha vipeliwa vyosi ivya Chala, gho agha: