Ubuvumbuli 22:16 - IBAYIBOLO 2024

¹⁶ “Ane ne Yesu, nabatumila amwe uwantumi wane pakufumusya nizya vintu vinivi muvipanga. Ane ne waluko ulwa Devedi. Ane ne lutondwa ulwakulama kubuche nkani.”

Ulufingo Ulupya

¹⁶ “Ane ne Yesu, nabatumila amwe uwantumi wane pakufumusya nizya vintu vinivi mu vipanga. Ane ne waluko ulwa Devedi. Ane ne lutondwa ulwakulama kubuche nkani.”

Ubuvumbuli 22:16 Iomraidhean Croise

Yesaya 11:1

Akasamba kakwiza pakufuma muchisinko icha Yese, akasamba akanandi kakwiza pakwela ivikomwa ukufuma kumagululuzi ghache.

Yesaya 14:12

Wawa ukufuma kumwanya, wee lutondwa ulwa pandabindabi, we mwana uwa kubuche! Wasumbiwa pachisu ichapasi, wewe ukaziwisya pasi inko!

Zekaliya 6:12

Po umubuzye ukuti: U Mwene Uwamaka Ghosi ati, ‘Ennya umuntu yuyo itabwa lyache we Lusamba, pakuti akwiza pakumela papo ali, sona akwiza pakuzengapo Inyumba iya Mwene.

Ukubelengiwa 24:17

Nkwennya muntazi, nkwennya uluko lwaba Izilayeli. Umwene yuyo ayanite nu lutondwa, akwiza pakuba wa munyumba iya Yakobo. Indisa iya bumwene yikwiza pakuba ya munyumba iya Izilayeli. Indisa yache yikwiza pakubakoma abalongozi aba Mowabu, sona yikwiza pakulupota uluko ulwa Seti.

Matayi 1:1

Ulu lo lubatiko ulwa banyenya aba Yesu Kilisitu, uwaluko ulwa Devedi, yuyo akaba waluko ulwa Abulahamu.

Matayi 2:2

Bakalalusya bakati, “Ali ko kwiyi umwana yuyo apapiwa pakuba we mwene uwa ba Yuda? Tukennya ulutondwa lwache kubufumilo bwizuba. Po twiza pakumwiputa.”

Matayi 22:42

“Nkimba mukwinong'ona ichoni nizya Kilisitu? Nkimba amwe mukuti waluko loni?” Bakamula bakati, “Waluko ulwa Devedi.”

Matayi 22:45

“Nanti u Devedi umwenecho akamwitizya ukuti Mwene, po u Kilisitu angaba bulibuli uwaluko ulwa Devedi?”

Luka 1:78

U Chala witu wachisa nkani. Akwiza pakututumila ulukozyo ulwa kumwanya,

Luka 20:44

“U Devedi umwenecho akamwitizya ukuti, Mwene, po u Kilisitu angaba bulibuli uwaluko ulwa Devedi?”

Aba Loma 15:12

Sona wepe umulaghuzi u Yesaya akuti, “Weka uwa banyenya aba Yese akwiza; akwiza pakuzilaghila inko abantu babo bate ba Yuda; po abene bakwiza pakusubila mumwache.”

Aba Loma 9:5

Abene bo baluko aba banyenya bitu abamanyikwe aba Chihebeli, po ukuyana nizya buntu ubwa Kilisitu, akafuma mu luko lwabo. U Chala yuyo ali nu bulaghili pavintu vyosi achindikiwanje bwila na bwila. Ameni.

2 Pitala 1:19

Polelo tuzimenye ukuti amazyu agha balaghuzi ghanaloli. Chingaba chizapo ukuti ilelo mughasende pakuba lukozyo, lulo lukulama muchisi mupaka kubuche, bo ulutondwa ulwa kubuche lwanda pakulama mumoyo ghinyu.

Ubuvumbuli 1:1

Ibuku ili likulingannya nizya buvumbuli bubo u Yesu Kilisitu akavumbula. U Chala akamupa ubuvumbuli ubu, umwakuti abalanjizye ababombi bache ivintu vivyo vibaghiye pakubombiwa lunulu. U Kilisitu akamuvumbulila umubombi wache u Yohani, pakumutumila uwantumi wache.

Ubuvumbuli 1:11

Izyu lilalila likati, “Simba mwibuku vivyo ukuvyennya, uvitumile ivipanga seveni: Ichipanga icha mu Efeso, nicha mu Similina, nicha mu Peligamu, nicha mu Tiyatila, nicha mu Salidisi, nicha mu Filadefiya, sona nicha mu Labodikiya.”

Ubuvumbuli 1:4

Ane ne Yohani, nkuvisimbila ivipanga seveni muchigaba icha Asiya. U Chala yuyo aliko ilelo, yuyo akabako kale, sona yuyo akwiza pakubako, abape ichisa nu mutende. Chope ichisa chinichi icha mizimu seveni, yiyo yili pantazi pachitengo icha bumwene ubwa Chala.

Ubuvumbuli 2:11

“Umuntu yuyo ali na makutu, ivwe zizyo u Muzimu Umuzelu akuvibuzya ivipanga. “Umuntu wesi yuyo akupota, atakwiza pakupalamasiwa nu bufwe ubwabubili.

Ubuvumbuli 2:17

“Umuntu yuyo ali na makutu, ivwe zizyo u Muzimu Umuzelu akuvibuzya ivipanga. “Umuntu yuyo akupota, nkwiza pakumupa ichakulya ichakubusyefu icha mana. Nkwiza pakumupa ibwe iswepu lilyo lisimbiwepo ni tabwa ilipya, lilyo nayumo umuntu yuyo alimenye, loli mwene yuyo akulipokela.

Ubuvumbuli 2:7

“Umuntu wesi yuyo ali na makutu, ivwe zizyo u Muzimu Umuzelu akuvibuzya ivipanga. “Umuntu wesi yuyo akupota, nkwiza pakumwitikizya ukuti alyanje ivikomwa ivya mwikwi ilya bumi, lilyo lili mumughunda uwa Chala.

Ubuvumbuli 22:1

Po uwantumi yula akandanjizya ulusoko ulwa mizi amapela bumi, ulwakunyezimila ngati lyo ligalasi, lulo lukufuma kuchitengo icha bumwene ubwa Chala nicha Mwana uwa ng'ozi.

Ubuvumbuli 22:11

Umuntu wesi yuyo akubomba ububibi, endelele pakubomba ububibi bwache. Umuntu wesi yuyo munyazu, endelele pakuba munyazu. Umuntu wesi yuyo mugholosu, endelele pakuba mugholosu, sona umuntu wesi yuyo muzelu, endelele pakuba muzelu.”

Ubuvumbuli 22:20

Yuyo akusimikizya ivintu vyosi vinivi akuti, “Naloli! Nkwiza lunulu.” Ameni! Mwene Yesu, zagha!

Ubuvumbuli 22:6

Pisinda pache uwantumi yula akambuzya akati, “Amazyu agha ghanaloli, sona masubiliwa. U Mwene u Chala, yuyo akubapa umuzimu wache abalaghuzi, amutuma uwantumi wache pakubalanjizya ababombi bache ivintu vivyo vibaghiye pakubombiwa lunulu.”

Ubuvumbuli 3:13

“Umuntu wesi yuyo ali na makutu, ivwe zizyo u Muzimu Umuzelu akuvibuzya ivipanga.

Ubuvumbuli 3:22

“Umuntu wesi yuyo ali na makutu, ivwe zizyo u Muzimu Umuzelu akuvibuzya ivipanga.”

Ubuvumbuli 3:6

“Umuntu wesi yuyo ali na makutu, ivwe zizyo u Muzimu Umuzelu akuvibuzya ivipanga.

Ubuvumbuli 5:5

Po weka uwa basongo bala akambuzya akati, “Utakalilaye, pakuti Inkalamu iya luko ulwa Yuda, uwaluko uwamaka uwa Devedi apota, sona weyuyo angighula ibuku lila nukumamatula ivimatilo seveni vila.”