Ubuvumbuli 22:10 - IBAYIBOLO 2024

¹⁰ Akambuzya sona akati, “Utakafise amazyu aghabulaghuzi agha mwibuku linili, pakuti akabalilo kali papipi akakuti ivintu vyosi vinivi vibombiwe.

Ulufingo Ulupya

¹⁰ Akambuzya sona akati, “Utakafise amazyu agha bulaghuzi agha mwibuku linili, pakuti akabalilo kali papipi akakuti ivintu vyosi vinivi vibombiwe.

Ubuvumbuli 22:10 Iomraidhean Croise

Yesaya 13:6

Fwifwitilagha, pakuti isiku ilya Mwene lili papipi, likwiza ngati kunangannya ukufuma ku Wamaka Ghosi.

Yesaya 8:16

Pinya ulusimikizyo nukudidimikizya ululaghilo mukasi mubamanyili bane.

Ezekiyeli 12:23

Po ubabuzye ukuti, ‘U Mwene Uwamaka Ghosi akuti: Nkwiza pakumazya ichili ichi, batakwiza pakuchinena sona mu Izilayeli.’ Ubabuzye ukuti, ‘Amasiku ghapalamiye po ichisetuka chosi chikwiza pakukwanilisiwa.

Daniyeli 12:4

Loli awe Daniyeli ghasungaye amazyu aghakubusyefu sona wighalile ibuku mupaka pakabalilo akabumalilo, abantu abinji bakwiza pakwenda uku na kula loli amahala ghakwiza pakonjelela.”

Daniyeli 12:9

Akamula akati, “Daniyeli, bukagha pakuti amazyu ghanagha ghakubusyefu sona ghamatiwe mupaka pakabalilo akabumalilo.

Daniyeli 8:26

“Ichisetuka icha pachamabwila na pandabindabi chicho chipeghiwe kukwako chanaloli, loli utakachivumbulaye ichisetuka chinichi pakuti chikunena nizya muntazi nkani.”

Matayi 10:27

Zyosi zizyo nkubabuzya kubusyefu mukwiza pakuzinena pabuzelu, sona zyosi zizyo mwivwa pakuteketa mukwiza pakufumusya pachisonje.

Aba Loma 13:11

Mubaghiye pakubomba zinizi, pakuti muzimenye ukuti akabalilo kakwana akakuti mulamusye mutulo. Pakuti akabalilo akakupokeliwa kali papipi nkani ukuchila akabalilo kako tukandilagha pakusubila.

Aba Loma 13:12

Ubusiku buli papipi pakumala, umusanya ghuli papipi pakwanda. Po zagha tuzileke imbombo izya muchisi. Zagha tuvwale ivilwilo ivya bwite ivyakulwila pamusanya.

2 Aba Tesalonika 2:3

Patakabepo nayumo umuntu uwakubazimbula napo panandi, pakuti isiku lila litakwiza mupaka papo ukumusambukila u Chala ukwabumalilo kwabombiwa, sona umuntu Umubibi yula aboneke, yuyo ubumalilo bwache ko kuzimila.

1 Pitala 4:7

Ubumalilo ubwa vintu vyosi buli papipi. Polelo mubanje bantu abakwilema, sona mubanje maso, umwakuti mungiputa.

Ubuvumbuli 1:11

Izyu lilalila likati, “Simba mwibuku vivyo ukuvyennya, uvitumile ivipanga seveni: Ichipanga icha mu Efeso, nicha mu Similina, nicha mu Peligamu, nicha mu Tiyatila, nicha mu Salidisi, nicha mu Filadefiya, sona nicha mu Labodikiya.”

Ubuvumbuli 1:3

Musayiwa umuntu yuyo akubelenga ibuku ili, sona basayiwa abantu babo bakwivwisya amazyu aghabulaghuzi nukukonka zizyo zisimbiwe mwibuku linili. Pakuti akabalilo akakubonekela zyosi zinizi kali papipi.

Ubuvumbuli 10:4

Bo ivula yapaya, nkaba papipi pakusimba. Loli nkivwa izyu kumwanya likuti, “Utakavumbulaye zizyo ukupaya ukwa vula kwanena, sona utakazisimbe!”

Ubuvumbuli 22:16

“Ane ne Yesu, nabatumila amwe uwantumi wane pakufumusya nizya vintu vinivi muvipanga. Ane ne waluko ulwa Devedi. Ane ne lutondwa ulwakulama kubuche nkani.”

Ubuvumbuli 22:18

Ane ne Yohani, nkumusoka umuntu wesi yuyo akwivwa amazyu aghabulaghuzi mwibuku linili. Nanti umuntu yumo akonjelezyapo chimo, u Chala wepe akwiza pakumonjelezyapo iviwaya vivyo visimbiwe mwibuku linili.

Ubuvumbuli 22:20

Yuyo akusimikizya ivintu vyosi vinivi akuti, “Naloli! Nkwiza lunulu.” Ameni! Mwene Yesu, zagha!

Ubuvumbuli 22:7

U Yesu akuti, “Ivwa kuno! Nkwiza lunulu! Basayiwa abantu babo bakughivwila amazyu aghabulaghuzi ghagho ghali mwibuku linili.”

Ubuvumbuli 22:9

Loli akambuzya akati, “Utakabombaye bunubu! Ane ne wambombo bulo ngati wewe, sona ngati bo bakamu bako babo balaghuzi, sona na bantu bosi babo bakughivwila amazyu ghagho ghali mwibuku linili. Mumwiputaye u Chala!”

Ubuvumbuli 5:1

Nkennya ibuku munyobe indilo iya yuyo akwikala pachitengo icha bumwene. Ibuku lila likaba nu busimbe kumbazu zyosi zibili, sona likamatiwa ni vimatilo seveni.