Ubuvumbuli 22:1 - IBAYIBOLO 2024

¹ Po uwantumi yula akandanjizya ulusoko ulwa mizi amapela bumi, ulwakunyezimila ngati lyo ligalasi, lulo lukufuma kuchitengo icha bumwene ubwa Chala nicha Mwana uwa ng'ozi.

Ulufingo Ulupya

¹ Po uwantumi yula akandanjizya ulusoko ulwa mizi amapela bumi, ulwakunyezimila ngati lyo ligalasi, lulo lukufuma ku chitengo icha bumwene ubwa Chala nicha Mwana uwa ng'ozi.

Ubuvumbuli 22:1 Iomraidhean Croise

Masalimo 46:4

Pali ulusoko lumo lulo utusoko twache tukubahobosyanga abantu aba mukaya akakulu nkani aka Chala, ubuzilo bubo buzelu bubo Uwakumwanya Nkani akwikalako.

Yesaya 41:18

Nkwiza pakuzipela isoko ukwenda pamwanya, pamaghamba agha munkolongo, sona imbwibwi zikwiza pakwighuka mumakombe. Nkwiza pakwandula inkolongo pakuba viziba ivya mizi, muchisu ichumizu mukwiza pakuba imbwibwi.

Yesaya 48:18

Nanti mukaghivwilagha amalamulo ghane, po umutende winyu ngali ghukaba ngati lusoko, sona ubugholosu bwinyu, ngali bukubanga ngati mayigha agha panyanja.

Yesaya 66:12

U Mwene akuti, “Nkwiza pakubapa umutende ngati lusoko, sona nu bukabi ubwa inko ngati kasoko akakwizula, mukwiza pakonka nukupakatiwa sona nukupumiziwa.

Yelemiya 17:13

Wee Mwene we lusubilo ulwa ba Izilayeli, abantu bosi babo bakukukana bakwiza pakukoziwa isoni. Babo bakukuleka bakwiza pakusyiliwa mulufumbi pachifukwa ichakuti bamukana u Mwene, imbwibwi iya mizi amumi.

Yelemiya 2:13

“Abantu bane babomba imbibi zibili: Bandeka ane ne mbwibwi iya mizi aghakupa ubumi, bikumbiye bene iviziba ivyabo ni vyabo, iviziba vivyo vili nividobozwi vitangasunga amizi.

Zekaliya 14:8

Pisiku linilyo amizi amapela bumi ghakwiza pakwendagha ukufuma mu Yelusalemu, u hafu ghakwiza pakwendagha kubufumilo ubwa Nyanja Imfwe, sona u hafu uyunji ghakwiza pakwendagha kubwinjililo ubwa Nyanja iya Medeteleniya pachisanya napa chisiku.

Yohani 13:32

Po nanti ubuchindamu ubwa Chala bwabonekela ukwendela mumwache, po ilelo u Chala akwiza pakulanjizya ubuchindamu ubwa Mwana uwa Muntu, po akwiza pakuzibomba umwalubilolubilo.

Yohani 15:26

“Umwavwilizi akwiza, u Muzimu Umuzelu, yuyo akuvumbula ubwanaloli ubwa Chala, sona yuyo akufuma kwa Tata. Nkwiza pakubatumila ukufuma kwa Tata, po akwiza pakusimikizya nizya ane.

Yohani 4:14

Loli umuntu wesi yuyo akung'wela amizi ghagho nkwiza pakumupa atakwiza pakubapo nalumolumo ni nyota. Amizi ghagho nkwiza pakumupa ghakwiza pakuba mumwache ngati yo mbwibwi iya mizi amapela bumi nukumupa ubumi ubwa bwila na bwila.”

Imbombo 2:33

U Yesu akakweziwa nukwikala kunyobe indilo iya Chala, akapokela u Muzimu Umuzelu yuyo Uwise akalayizya. Vivyo mukuvyennya nukwivwa ivyabupi vyache vivyo vyapunguliliwa papitu.

Ubuvumbuli 1:1

Ibuku ili likulingannya nizya buvumbuli bubo u Yesu Kilisitu akavumbula. U Chala akamupa ubuvumbuli ubu, umwakuti abalanjizye ababombi bache ivintu vivyo vibaghiye pakubombiwa lunulu. U Kilisitu akamuvumbulila umubombi wache u Yohani, pakumutumila uwantumi wache.

Ubuvumbuli 21:11

Kakalamagha nu buchindamu ubwa Chala. Ukulama kwache kukaba ngati lyo libwe ilyamutengo nkani, ngati lyo libwe iswepu, lilyo likaba swee ngati lyo ligalasi.

Ubuvumbuli 21:6

Akambuzya akati, “Kwamala. Ane ne Alefa nu Omega. Ane ne Bwandilo nu Bumalilo. Umuntu wesi yuyo ali ni nyota, nkwiza pakumupa amizi agha pabulo aghakufuma pambwibwi iyabumi.

Ubuvumbuli 21:9

Pisinda pache weka uwa bantumi seveni bala yuyo akaba ni mbako seveni inyizule ni viwaya seveni ivya bumalilo, akambuzya akati, “Zagha, nkwiza pakukulanjizya umukolo yuyo akusendwa, umuchi uwa Mwana uwa ng'ozi.”

Ubuvumbuli 22:17

U Muzimu Umuzelu nu mukolo yuyo akusendwa bakuti, “Zagha!” Umuntu wesi yuyo akwivwa zinizi, wepe anene ati, “Zagha!” Umuntu wesi yuyo ali ni nyota, ize. Umuntu wesi yuyo akughalonda, muleke asende pabulo amizi amapela bumi.

Ubuvumbuli 22:6

Pisinda pache uwantumi yula akambuzya akati, “Amazyu agha ghanaloli, sona masubiliwa. U Mwene u Chala, yuyo akubapa umuzimu wache abalaghuzi, amutuma uwantumi wache pakubalanjizya ababombi bache ivintu vivyo vibaghiye pakubombiwa lunulu.”

Ubuvumbuli 3:21

Umuntu yuyo akupota, nkwiza pakumwitikizya ukwikala nane pachitengo icha bumwene, ukuyana namumo nane nkapotela nukwikala nu Tata pachitengo chache icha ubumwene.

Ubuvumbuli 5:13

Po nkivwa ivya bumi ivya kumwanya, nivya muchisu ichapasi, nivya kusi kuchisu, nivya munyanja, sona ni vipeliwa vyosi ivya bumi vikwimba vikuti, “Uwakwikala pachitengo icha bumwene nu Mwana uwa ng'ozi, apokele amapalo nu buchindamu, sona na maka bwila na bwila!”

Ubuvumbuli 5:6

Po nkennya u Mwana uwa ng'ozi pakasi pachitengo icha bumwene, azyunguliliwe ni vipeliwa ivyabumi folo na basongo 24. U Mwana uwa ng'ozi akabonekagha ngati aboliwe. Akaba ni mpembe seveni na maso seveni vivyo yo Mizimu seveni iya Chala, yiyo yitumiwe muchisu chosi ichapasi.

Ubuvumbuli 7:17

Pakuti u Mwana uwa ng'ozi, yuyo ali pakasi na pakasi pachitengo icha bumwene akwiza pakuba mudimi wabo. Akwiza pakubalongolela ku mbwibwi iya mizi amapela bumi. U Chala umwenecho akwiza pakubasyumula amasozi ghosi.”