Ubuvumbuli 21:7 - IBAYIBOLO 2024

⁷ Abantu bosi babo bapota bakwiza pakupokela ivintu vinivi. Ane nkwiza pakuba ne Chala wabo, bope bakwiza pakuba bana bane.

Ulufingo Ulupya

⁷ Abantu bosi babo bapota bakwiza pakupokela ivintu vinivi. Ane inkwiza pakuba ne Chala wabo, bope bakwiza pakuba bana bane.

Ubuvumbuli 21:7 Iomraidhean Croise

Ubwandilo 17:8

Nkwiza pakukupa awe poka na baluko lwako ichisu ichi awe we muyeni. Ichisu chosi icha Kenani chikwiza pakuba cha baluko lwako bwila na bwila, sona nkwiza pakuba ne Chala wabo.”

2 Samuweli 7:14

Nkwiza pakuba ne wise, po umwene akwiza pakuba mwana wane. Nanti akunanga, nkwiza pakumufunda ni ndisa ngati mumo uwise akumufundila umwana wache.

Masalimo 89:26

Ambuzye ukuti, ‘Awe we Tata wane nu Chala wane, sona we lyalabwe Umupoki wane.’

Ivyili 3:35

Umuntu uwamahala akupokela umuchizi, loli akumukozya isoni umuntu umupunganu.

Yesaya 65:9

Mwa Yakobo mukwiza pakufumamo abaluko, sona aba mu munyumba iya Yuda, bakwiza pakusenda ichisu icha maghamba. Abantu bane abasaliwa bakwiza pakubapyana, sona ababombi bane bakwiza pakwikala kulakula.

Zekaliya 8:8

Nkwiza pakubanyosezya sona ukuti bikalaye mu Yelusalemu. Bakwiza pakuba bantu bane, ane nkwiza pakuba musubiliwa sona mugholosu kukwabo pakuba ne Chala wabo.”

Matayi 19:29

Sona umuntu wesi yuyo ayilekite inyumba pamo abawamwabo, pamo abayemba, pamo uwise pamo unyina, pamo abana, pamo amaghunda, pachifukwa icha nene, akwiza pakupokela ivintu ivyinji ukuchilapo 100, sona akwiza pakupokela ubumi ubwa bwila na bwila.

Matayi 25:21

Umwene wache yula akati, ‘Wabomba akiza, we wambombo umwiza nu musubiliwa! We musubiliwa patuntu utunandi, po ukwiza pakuba we songo uwa vintu ivikulu. Zagha kuno tusekelele poka!’

Matayi 25:34

Po u Mwene akwiza pakubabuzya abantu aba kunyobe indilo ukuti, ‘Zagha kuno, mwe basayiwa nu Tata wane! Zagha mupokele ubumwene bubo buyaniziwe pakuba bwinyu ukwandila pakabalilo kako akapelelagha ichisu ichapasi.

Maliko 10:17

Bo u Yesu akwendelela nu bulendo bwache, umuntu yumo akamuchimbilila, akumufughamilila nukumulalusya ukuti, “Wee Mumanyisi umwiza, nkimba imbombe ichoni ukuti impokele ubumi ubwa bwila na bwila?”

Aba Loma 8:14

Pakuti abantu babo bakulongoziwa nu Muzimu uwa Chala, bo bana aba Chala.

Aba Loma 8:19

Ivipeliwa vyosi amaso ghabo ghali kuzila pakulindilila ukuti u Chala abavumbule abana bache.

2 Aba Kolinti 6:16

Nkimba Inyumba iya Chala yingayana bulibuli ni vifwani? Pakuti aswe twe Nyumba iya Chala umumi, ukuyana namumo u Chala umwenecho akanenela akati, “Nkwiza pakwikalana mumwabo, sona nukwikala pakasi papabo. Nkwiza pakuba we Chala wabo, po abene bakwiza pakuba bantu bane.”

2 Aba Kolinti 6:18

Nkwiza pakuba ne ghuso, amwe mukwiza pakuba mwe bana bane abalumendo na balindu, momumo akunenela u Mwene u Chala Uwamaka Ghosi.”

Aba Hebeli 8:10

U Mwene akati, “Ulu lo lufingo lulo nkwiza pakufingana naba Izilayeli mumasiku ghalaghala. Nkwiza pakubika ululaghilo lwane mukasi mumwabo nukulusimba mumoyo ghabo. Nkwiza pakuba ne Chala wabo, sona abene bakwiza pakuba bantu bane.

1 Pitala 3:9

Mutakatanizannyanje ububibi pabubibi, pamo intuko pantuko, awe. Loli mutanizannyanje nu lusayo, pakuti u Chala akabitizya ukuti mupokele ulusayo lunulu.

Ubuvumbuli 2:11

“Umuntu yuyo ali na makutu, ivwe zizyo u Muzimu Umuzelu akuvibuzya ivipanga. “Umuntu wesi yuyo akupota, atakwiza pakupalamasiwa nu bufwe ubwabubili.

Ubuvumbuli 2:17

“Umuntu yuyo ali na makutu, ivwe zizyo u Muzimu Umuzelu akuvibuzya ivipanga. “Umuntu yuyo akupota, nkwiza pakumupa ichakulya ichakubusyefu icha mana. Nkwiza pakumupa ibwe iswepu lilyo lisimbiwepo ni tabwa ilipya, lilyo nayumo umuntu yuyo alimenye, loli mwene yuyo akulipokela.

Ubuvumbuli 2:25

Loli amwe mulemezye nkani chicho muli nacho mupaka nize.

Ubuvumbuli 2:7

“Umuntu wesi yuyo ali na makutu, ivwe zizyo u Muzimu Umuzelu akuvibuzya ivipanga. “Umuntu wesi yuyo akupota, nkwiza pakumwitikizya ukuti alyanje ivikomwa ivya mwikwi ilya bumi, lilyo lili mumughunda uwa Chala.

Ubuvumbuli 21:3

Nkivwa izyu ilya pamwanya likuchibuzya ichitengo icha bumwene likuti, “Losi ulu akaya aka Chala kali pakasi pabantu! Akwiza pakwikala pakasi papabo, sona abene bakwiza pakuba bantu bache. U Chala akwiza pakuba nabo, sona akwiza pakuba we Chala wabo.

1 Samuweli 2:8

Akubakwezya abapina ukufuma palufumbi, nukubanyamusya abapotwe ukufuma pachituntululu icha itoyi. Akubikazya poka na bamwene, nukubapa ichitengo icha muchizi. “Ulwalo ulwa chisu ichapasi lwa Mwene, sona akachikazya ichisu ichapasi palwalo lulalula.