Ubuvumbuli 21:6 - IBAYIBOLO 2024

⁶ Akambuzya akati, “Kwamala. Ane ne Alefa nu Omega. Ane ne Bwandilo nu Bumalilo. Umuntu wesi yuyo ali ni nyota, nkwiza pakumupa amizi agha pabulo aghakufuma pambwibwi iyabumi.

Ulufingo Ulupya

⁶ Akambuzya akati, “Kwamala. Ane ne Alefa nu Omega. Ane ne Bwandilo nu Bumalilo. Umuntu wesi yuyo ali ni nyota, inkwiza pakumupa amizi agha pabulo aghakufuma pambwibwi iyabumi.

Ubuvumbuli 21:6 Iomraidhean Croise

Masalimo 36:9

Pakuti imbwibwi iya bumi yili nawe, sona tukwennya ulukozyo ukufuma mulukozyo lwako.

Yesaya 12:3

Nulusekelo mukwiza pakusembamo amizi muchiziba icha bupoki.

Yelemiya 2:13

“Abantu bane babomba imbibi zibili: Bandeka ane ne mbwibwi iya mizi aghakupa ubumi, bikumbiye bene iviziba ivyabo ni vyabo, iviziba vivyo vili nividobozwi vitangasunga amizi.

Hoseya 14:4

U Mwene akuti, “Nkwiza pakubapozya ubusambuke bwabo, po nkwiza pakubaghana bulo, pakuti ubukali bwane papabo bwatozoka.

Yoweli 3:18

“Pisiku linilyo amaghamba ghakwiza pakutonya uvinyo umunoni umupya, tope utughamba tukwiza pakwenda ulukama. Isoko zyosi izya mu Yuda zikwiza pakwizula na mizi. Imbwibwi zikwiza pakwenda ukufuma mu Nyumba iya Mwene mupaka nukufika mwikombe ilya Akasiya.

Yohani 4:10

U Yesu akamwamula akati, “Nanti wavimenye ivyabupi ivya Chala nu muntu yuyo akukulaba amizi aghakung'wela, ngali wamulabite amizi aghakung'wela, po ngali umwene akupiye amizi amapela bumi.”

Yohani 4:11

Umukolo akati, “Wee Mwene, ichakusembela ute nacho, sona ichiziba chibilite. Nkimba ungaghagha kwiyi amizi amapela bumi?

Yohani 4:14

Loli umuntu wesi yuyo akung'wela amizi ghagho nkwiza pakumupa atakwiza pakubapo nalumolumo ni nyota. Amizi ghagho nkwiza pakumupa ghakwiza pakuba mumwache ngati yo mbwibwi iya mizi amapela bumi nukumupa ubumi ubwa bwila na bwila.”

Aba Loma 3:24

Loli pachifukwa icha chisa ichabulo icha Chala, abantu bakuneniwa bagholosu pamaso papache ukwendela mwa Kilisitu Yesu, yuyo akubapoka.

Aba Loma 8:32

Ate we Chala, awe, yuyo atakatwima u Mwana wache, loli akamubika ukuti chibanje chakwiyipa pachifukwa icha twebosi! Akatupa u Mwana wache, nkimba atangatupa sona pabulo ivintu vyosi?

1 Aba Kolinti 2:12

Aswe tutakapokela umuzimu uwa muchisu ichapasi, awe, loli tukapokela u Muzimu Umuzelu yuyo akufuma kwa Chala, umwakuti tungavimanya vivyo u Chala atupiye.

1 Aba Kolinti 3:12

Nanti umuntu akuzenga palwalo ulu pakubombezya ugolide, pamo usiliva pamo utumabwe utwamutengo, pamo amakwi, pamo isote pamo amapembezannya,

1 Aba Kolinti 3:21

Polelo patakabepo umuntu uwakwituvya pavintu vivyo abantu bangabomba, pakuti ivintu vyosi vyinyu,

1 Aba Kolinti 3:5

Nkimba u Pabuli wepe wewenu? Fwandi, u Apolo wepe wewenu? Aswe twe babombi bulo aba Chala, babo bakabalanjizya izila ukuti musubile. U Mwene akamupa umuntu weka na weka imbombo yache.

Ubuvumbuli 1:11

Izyu lilalila likati, “Simba mwibuku vivyo ukuvyennya, uvitumile ivipanga seveni: Ichipanga icha mu Efeso, nicha mu Similina, nicha mu Peligamu, nicha mu Tiyatila, nicha mu Salidisi, nicha mu Filadefiya, sona nicha mu Labodikiya.”

Ubuvumbuli 1:17

Bo namwennya, nkawa pasi munyayo zyache ngati ne muntu umufwe. Loli akabika inyobe yache indilo papane nukuti, “Utakanyilaye! Ane ne bwandilo. Ane ne bumalilo.

Ubuvumbuli 1:8

U Mwene u Chala, Uwamaka Ghosi, yuyo aliko ilelo, yuyo akabako kale, sona yuyo akwiza pakubako akuti, “Ane ne bwandilo. Ane ne bumalilo.”

Ubuvumbuli 10:6

Po akalapa mwitabwa ilya Chala yuyo akubangako bwila na bwila, yuyo akapela kumwanya ni chisu ichapasi, ni nyanja, sona na vyosi vivyo vili mumo. Uwantumi yula akati, “Kutakwiza pakuba sona ukukaba!

Ubuvumbuli 16:17

Uwantumi uwaseveni akakupulila vivyo vikaba mulubako lwache mumwanya. Izyu ilya pamwanya likivwika ukufuma muchitengo icha bumwene mu Nyumba iya Chala likati, “Kwamala!”

Ubuvumbuli 22:13

Ane ne Alefa nu Omega. Ane ne Wakwanda nu Wakumalila. Ane ne Bwandilo nu Bumalilo.

Ubuvumbuli 22:17

U Muzimu Umuzelu nu mukolo yuyo akusendwa bakuti, “Zagha!” Umuntu wesi yuyo akwivwa zinizi, wepe anene ati, “Zagha!” Umuntu wesi yuyo ali ni nyota, ize. Umuntu wesi yuyo akughalonda, muleke asende pabulo amizi amapela bumi.

Ubuvumbuli 3:14

“Uwantumi uwa muchipanga icha mu Labodikiya umusimbile uti, “Amazyu ghagho ghaneniwa na yuyo akwitiziwa ukuti we Ameni, umusubiliwa, sona nu kaboni uwanaloli, yuyo we chifumo icha vipeliwa vyosi ivya Chala, gho agha:

Ubuvumbuli 7:17

Pakuti u Mwana uwa ng'ozi, yuyo ali pakasi na pakasi pachitengo icha bumwene akwiza pakuba mudimi wabo. Akwiza pakubalongolela ku mbwibwi iya mizi amapela bumi. U Chala umwenecho akwiza pakubasyumula amasozi ghosi.”