Ubuvumbuli 21:4 - IBAYIBOLO 2024

⁴ Akwiza pakusyumula amasozi ghosi mumaso ghabo. Ubufwe butakwiza pakubako nalumo, sona kutakwiza pakubako ivitima pamo ukulila pamo ububavu. Ivintu ivyakale vyazyebeluka.”

Ulufingo Ulupya

⁴ Akwiza pakusyumula amasozi ghosi mumaso ghabo. Ubufwe butakwiza pakubako nalumo, sona kutakwiza pakubako ivitima pamo ukulila pamo ububavu. Ivintu ivyakale vyazyebeluka.”

Ubuvumbuli 21:4 Iomraidhean Croise

Masalimo 144:4

Umuntu ayanite bulo nu muyi, ghope amasiku ghache ghayanite nu muzyezye ghugho ghukuzyebeluka.

Yesaya 25:8

Akwiza pakuyimila imfwa bwila na bwila. U Mwene Uwamaka Ghosi akwiza pakubasyumula amasozi, nukubefya isoni abantu bache pachisu chosi ichapasi. U Mwene anena.

Yesaya 30:19

Mwee bantu aba mu Ziyoni, mwe mukwikala mu Yelusalemu, mutakwiza pakulila sona. Naloli u Mwene akwiza pakuba ni chisa namwe pakwivwa ukulila kwinyu ukuti abavwe! Bo ivwa bulo umwalubilolubilo akwiza pakubamula.

Yesaya 35:10

Abapokiwa aba Mwene bakwiza pakunyokela, bakwiza pakwinjila mu Ziyoni bo bakwimba inyimbo, nulusekelo ulwa bwila na bwila, lukwiza pakubonekagha pa vyeni vyabo. Bakwiza pakuhoboka nukusekela nkani, po ichitima nukufwifwitila vikwiza pakumala.

Yesaya 51:11

Abapokiwa aba Mwene bakwiza pakunyokela. Bakwiza pakwinjila mu Ziyoni bo bakwimba inyimbo, nulusekelo ulwa bwila na bwila, lukwiza pakubonekagha pa vyeni vyabo. Bakwiza pakuhoboka nukusekela nkani, po ichitima nukufwifwitila vikwiza pakumala.

Yesaya 60:20

Izuba litakwiza pakwinjila, sona nu mwezi ghope ghutakwiza pakumala pakuti u Mwene weyuyo, akwiza pakuba lukozyo lwako ulwa bwila na bwila, sona amasiku ghako agha vitima ghakwiza pakumala.

Yesaya 61:3

nukubapa babo bakulila mu Ziyoni, ukubapa impumpu iya kabonekele akiza mubuzilo ubwa itoyi, amafuta aghalusekelo, mubuzilo ubwa kulila, numwenda uwa mapalo, mubuzilo ubwa muzimu uwa vitima. Bakwiza pakwitiziwa umupandapanda uwa bugholosu, ichibyalwa icha Mwene ukuti achindikiwanje.

Yelemiya 31:12

Bakwiza pakwimba umwalusekelo pighamba ilya Ziyoni, bakwiza pakukolomoka nu buhobosu pachifukwa icha bwiza ubwa Mwene, pavyakulya vivyo akubapa, ingano nu vinyo sona na mafuta, utwana utwa ng'ozi nutwa ng'ombe, bakwiza pakuba navyo vyosi vivyo bakuvilonda.

Yelemiya 31:13

Po abalindu bakwiza pakujina nukusekela, bope abasongo na balumendo banaba. Nkwiza pakukupela ukulila kwabo kula pakuba lusekelo, nkwiza pakubasangalusya nukubahobosya mubuzilo ubwa chitima.

Hoseya 13:14

Nkwiza pakubatabula kumaka aghipumpa, sona nkwiza pakubasatula kubufwe. Wee bufwe wee, nkimba iviwaya vyako vili ko kwiyi? Wee lipumpa wee, nkimba ukunangannya kwako kuli ko kwiyi? Ntakwiza pakuba ni chililizi nachimochimo.

Matayi 24:35

Kumwanya ni chisu ichapasi vikwiza pakumala, loli amazyu ghane ghakwiza pakuba na maka bwila na bwila.

1 Aba Kolinti 15:26

Umulwani uwabumalilo pakumupota akwiza pakuba bufwe.

1 Aba Kolinti 7:31

Sona abantu babo bikolezannya nivya muchisu ichapasi babanje ngati po batikolezanizye navyo. Pakuti ichisu ichapasi ukuyana namumo chibeleye ilelo, weya, chikumala.

2 Aba Kolinti 5:17

Polelo nanti umuntu amamatilana poka nu Kilisitu, aba chipeliwa ichipya, ubwakale bwamala, ubupya bwafika.

2 Aba Kolinti 6:17

Polelo u Mwene akuti, “Fumako kukwabo sona mwipaghule. Mutakapalamasyanje nachimo ichintu chicho chinyazu, po nkwiza pakubapokela.

Aba Hebeli 12:27

Amazyu ghagho ghakuti, “Ukuneng'ennya sona,” ghakulanjizya pabuzelu ukuti ivipeliwa vikwiza pakuneng'ena nukwefyiwapo pabuzilo bwabo, umwakuti ivintu vivyo vitanganeng'ena vikwiza pakusyala pabuzilo bwabo.

2 Pitala 3:10

Loli isiku ilya Mwene likwiza ngati mwiba. Pisiku lilalila ivintu vyosi ivya kumwanya vikwiza pakumala ni chongo ichakoghofya. Ivintu vyosi vikwiza pakusunguluka numoto, sona ichisu ichapasi chope ni vintu vyosi vikwiza pakuba pabuzelu.

1 Yohani 2:17

Ichisu ichapasi na vyosi vivyo abantu bakuvinyonywa vikumala. Loli umuntu wesi yuyo akubomba ubwighane ubwa Chala akuba nubumi ubwa bwila na bwila.

Ubuvumbuli 20:13

Po inyanja yikafumya abantu abafwe, babo bakaba mulamula. Ubufwe ni chisu icha bantu abafwe, vyope vikabafumya abantu abafwe babo bakaba mulamula. Po umuntu wesi akalongiwa ukuyana ni mbombo zyache zizyo akabomba.

Ubuvumbuli 20:14

Po ubufwe ni chisu icha bantu abafwe vikasumbiwa munyanja iya moto. Inyanja iya moto yiniyi bo bufwe ubwabubili.

Ubuvumbuli 21:1

Pisinda pache nkennya kumwanya ukupya ni chisu ichapasi. Kumwanya ukwakwanda ni chisu ichapasi ichakwanda vikazyebeluka, sona ni nyanja yope yikazimila.

Ubuvumbuli 22:3

Nachimochimo chicho chighuniwe nu Chala chingaghiwa mukaya mulamula. Ichitengo icha bumwene icha Chala nicha Mwana uwa ng'ozi chikwiza pakuba mukaya mulamula, sona ababombi bache bakwiza pakumwiputa.

Ubuvumbuli 7:17

Pakuti u Mwana uwa ng'ozi, yuyo ali pakasi na pakasi pachitengo icha bumwene akwiza pakuba mudimi wabo. Akwiza pakubalongolela ku mbwibwi iya mizi amapela bumi. U Chala umwenecho akwiza pakubasyumula amasozi ghosi.”