Ubuvumbuli 21:3 - IBAYIBOLO 2024

³ Nkivwa izyu ilya pamwanya likuchibuzya ichitengo icha bumwene likuti, “Losi ulu akaya aka Chala kali pakasi pabantu! Akwiza pakwikala pakasi papabo, sona abene bakwiza pakuba bantu bache. U Chala akwiza pakuba nabo, sona akwiza pakuba we Chala wabo.

Ulufingo Ulupya

³ Nkivwa izyu ilya pamwanya likuchibuzya ichitengo icha bumwene likuti, “Losi ulu akaya aka Chala kali pakasi pa bantu! Akwiza pakwikala pakasi papabo, sona abene bakwiza pakuba bantu bache. U Chala umwene akwiza pakuba nabo, sona akwiza pakuba we Chala wabo.

Ubuvumbuli 21:3 Iomraidhean Croise

1 Abamwene 8:27

“Wee Chala, nkimba naloli ungikala pachisu ichapasi? Nanti kumwanya pamo kumwanya nkani kutangakukwana, po zingaba bulibuli ni nyumba inandi yiyo nakuzengela

2 Imbili 6:18

“Wee Chala, nkimba naloli ungikala poka na bantu pachisu ichapasi? Nanti kumwanya pamo kumwanya nkani kutangakukwana, po zingaba bulibuli ni nyumba inandi yiyo nakuzengela?

Ukufuma 25:8

“Abantu banzengele Ubuzilo Ubuzelu, umwakuti ane nikalaye pakasi papabo.

Ukufuma 29:45

Nkwiza pakwikala pakasi paba Izilayeli, po nkwiza pakuba ne Chala wabo.

Yesaya 12:6

Mwee bantu aba mu Ziyoni kolomokagha nukwimba umwakughoboka! Pakuti Umuzelu uwa Izilayeli weyuyo mukulu, pakasi papinyu.”

Yelemiya 31:33

U Mwene akati, “Ulu lo lufingo lulo nkwiza pakufingana naba Izilayeli mumasiku ghalaghala. Nkwiza pakubika ululaghilo lwane mukasi mumwabo nukulusimba mumoyo ghabo. Nkwiza pakuba ne Chala wabo, sona abene bakwiza pakuba bantu bane.

Yelemiya 32:38

Bakwiza pakuba bantu bane, sona Nkwiza pakuba ne Chala wabo.

Ezekiyeli 37:27

Inyumba yane yikwiza pakuba pakasi papabo. Nkwiza pakuba ne Chala wabo sona abene bakwiza pakuba bantu bane.

Ezekiyeli 43:7

Akati, “Wee mwana uwa muntu, ubu bo buzilo bwane ubwa chitengo chane icha bumwene sona ubuzilo ubwa nyayo zyane. Uku ko kuko nkwiza pakwikala pakasi paba Izilayeli bwila na bwila. Aba Izilayeli batakwiza pakulinyazya sona itabwa lyane izelu pamo abamwene babo, babo bakwiputa ku bachala abanji pamo pakubika imivimba iya bamwene babo pabuzilo ubwa kwiputilapo.

Ezekiyeli 48:35

“Akaya kosi akakulu nkani umwakuzyungulila kakwiza pakuba amamita 9,000. Ukwanda pakabalilo kalakala mupaka muntazi, akaya akakulu nkani kakwiza pakwitiziwanga ukuti, ‘U Mwene ali Palapala.’ ”

Zekaliya 13:9

Ichigaba ichabutatu nkwiza pakuchisumbila mumoto. Nkwiza pakubaswefya ngati we siliva, sona nukubayela ngati we golide. Bakwiza pakulyiputa itabwa lyane, nkwiza pakubamula po nkwiza pakunena ukuti, ‘Bantu bane.’ Abene bakwiza pakwamula ukuti, ‘U Mwene we Chala witu.’ ”

Zekaliya 8:8

Nkwiza pakubanyosezya sona ukuti bikalaye mu Yelusalemu. Bakwiza pakuba bantu bane, ane nkwiza pakuba musubiliwa sona mugholosu kukwabo pakuba ne Chala wabo.”

Ukubelengiwa 9:16

Akabalilo kosi ibingu lila likabonekagha bunubu. Likavwinkagha Ichisakasa icha Mwene chila, po pabusiku likabonekagha ngati moto

Yohani 1:14

Yuyo akitiziwanga ukuti we Mazyu akanduka muntu nukwikala pakasi papitu. Akizula ni chisa nu bwanaloli. Tukabwennya ubuchindamu bwache, ubuchindamu bubo akapokela ngati we Mwana mwene na mwene uwa Wise.

Yohani 14:23

U Yesu akamwamula akati, “Umuntu wesi yuyo anganite akwiza pakwivwila ubumanyisi bwane. Utata wane akwiza pakumughana, sona Utata wane poka nane tukwiza kukwache nukwikala nawe.

2 Aba Kolinti 6:16

Nkimba Inyumba iya Chala yingayana bulibuli ni vifwani? Pakuti aswe twe Nyumba iya Chala umumi, ukuyana namumo u Chala umwenecho akanenela akati, “Nkwiza pakwikalana mumwabo, sona nukwikala pakasi papabo. Nkwiza pakuba we Chala wabo, po abene bakwiza pakuba bantu bane.”

2 Aba Kolinti 6:18

Nkwiza pakuba ne ghuso, amwe mukwiza pakuba mwe bana bane abalumendo na balindu, momumo akunenela u Mwene u Chala Uwamaka Ghosi.”

1 Aba Tesalonika 3:11

Tukumulaba u Chala u Tata witu, sona nu Mwene witu u Yesu ukuti atuyanizizye izila ukuti tufike kukwinyu.

Aba Hebeli 11:16

Loli bakachisamba ichisu ichiza nkani, chicho chisu icha kumwanya. Polelo u Chala atakukoziwa isoni ukwitiziwa ukuti we Chala wabo, pakuti abayanizizya akaya kabo akakulu nkani.

Aba Hebeli 8:10

U Mwene akati, “Ulu lo lufingo lulo nkwiza pakufingana naba Izilayeli mumasiku ghalaghala. Nkwiza pakubika ululaghilo lwane mukasi mumwabo nukulusimba mumoyo ghabo. Nkwiza pakuba ne Chala wabo, sona abene bakwiza pakuba bantu bane.

Aba Hebeli 8:2

Umuputi usongo yunuyu akubomba imbombo Mubuzilo Ubuzelu nkani, ichisakasa ichenecho chicho chizengiwe nu Mwene, te ni nyobe izya bantu, awe.

Ubuvumbuli 10:4

Bo ivula yapaya, nkaba papipi pakusimba. Loli nkivwa izyu kumwanya likuti, “Utakavumbulaye zizyo ukupaya ukwa vula kwanena, sona utakazisimbe!”

Ubuvumbuli 10:8

Po izyu lilyo ivwa kumwanya likanena sona kukwane likati, “Kasende ibuku, lilyo lili munyobe iya wantumi yuyo akanyite panyanja na pisila.”

Ubuvumbuli 12:10

Po nkivwa izyu ilya pamwanya kumwanya likuti, “Losi ulu u Chala alanjizya ubupoki, amaka nu bumwene bwache nu bulaghili ubwa Mesiya wache yula. Pakuti yuyo akimilila pamaso pa Chala witu nukubasusya abakamu bitu umusanya nu busiku bamusumbila pasi.

Ubuvumbuli 21:7

Abantu bosi babo bapota bakwiza pakupokela ivintu vinivi. Ane nkwiza pakuba ne Chala wabo, bope bakwiza pakuba bana bane.

Ubuvumbuli 22:3

Nachimochimo chicho chighuniwe nu Chala chingaghiwa mukaya mulamula. Ichitengo icha bumwene icha Chala nicha Mwana uwa ng'ozi chikwiza pakuba mukaya mulamula, sona ababombi bache bakwiza pakumwiputa.

Ubuvumbuli 7:15

Ichi cho chifukwa bakwimilila pantazi, pachitengo icha bumwene icha Chala nukumubombela umusanya nu busiku munyumba yache. Yuyo akwikala pachitengo icha bumwene akwiza pakubafukatila.