Ubuvumbuli 21:23 - IBAYIBOLO 2024

²³ Izuba pamo umwezi vitakulondiwa nukuti vilamaye mukaya akakulu nkani kanaka pakuti ubuchindamu ubwa Chala bukulamilamo, sona ulukozyo lwache we Mwana uwa ng'ozi.

Ulufingo Ulupya

²³ Izuba pamo umwezi vitakulondiwa nukuti vilamaye mukaya akakulu nkani kanaka pakuti ubuchindamu ubwa Chala bukulamilamo, sona ulukozyo lwache we Mwana uwa ng'ozi.

Ubuvumbuli 21:23 Iomraidhean Croise

Masalimo 84:11

Pakuti u Mwene u Chala lizuba sona ngulu, akutupa ivyiza vyosi sona akutuchindika. U Mwene akubapa ivintu ivyiza abantu babo bagholosu.

Yesaya 2:10

Injila mumpako izya mabwe, vwama kusi chisu pakubuchimbila ubukali ubwa Mwene, sona nukubapo ukwa buchindamu bwache,

Yesaya 2:19

Abantu bakwiza pakuvwama mumpako izya mabwe, sona kusi kuchisu pakubuchimbila ubukali ubwa Mwene. Sona nukubapo ukwa buchindamu bwache, bo akwiza pakuchineng'ennya ichisu ichapasi.

Yesaya 2:21

Bakwiza pakuvwama mumpako izya mabwe, sona na muviliba ivya mumaghamba, pakubuchimbila ubukali ubwa Mwene, nukubapo ukwa buchindamu bwache bo akwiza pakuchineng'ennya ichisu ichapasi.

Yesaya 24:23

Umwezi ghukwiza pakwima, lyope izuba litakwiza pakulama, pakuti u Mwene Uwamaka Ghosi akwiza pakulaghila, pighamba ilya Ziyoni na mu Yelusalemu, po pantazi pa basongo pakwiza ukuboneka ubuchindamu.

Yesaya 30:26

Umwezi ghukwiza pakulama ngati lizuba, ukulama kwizuba kukwiza pakulama amasiku seveni, ngati kulama ukwa masiku ghosi seveni, bo u Mwene akubapinya ivilonda abantu bache nukubapozya mumo bavulala.

Habakuku 3:3

U Chala akiza ukufuma ku Temani, Umuzelu yula akiza ukufuma kwighamba ilya Palani. Ubuchindamu bwache bukakupikila kumwanya, sona amapalo ghache ghakizula pachisu ichapasi.

Matayi 16:27

Pakuti u Mwana uwa Muntu ali papipi pakwiza mubuchindamu ubwa Wise poka na bantumi bache, po akwiza pakumupa umuvwalo umuntu wesi ukuyana ni mbombo zyache.

Maliko 8:38

Nanti umuntu ali nane ni soni, sona ni chimanyisyo chane mumasiku amabibi agha, ghagho abantu bakumukana u Chala, po u Mwana uwa Muntu akwiza pakukoziwa isoni nawe, bo akwiza mubuchindamu ubwa Wise poka na bantumi abazelu aba kumwanya.”

Luka 2:32

Wavumbula ulukozyo ukuti lubalamile abantu babo bate ba Yuda nukwiza pakuba buchindamu kuba Izilayeli.”

Yohani 1:14

Yuyo akitiziwanga ukuti we Mazyu akanduka muntu nukwikala pakasi papitu. Akizula ni chisa nu bwanaloli. Tukabwennya ubuchindamu bwache, ubuchindamu bubo akapokela ngati we Mwana mwene na mwene uwa Wise.

Yohani 1:18

Nayumo umuntu yuyo amubonyepo lumo u Chala, loli u Mwana mwene, yuyo we Chala, weyuyo amubonye, sona umughaniwa uwa Wise, weyuyo akatuvumbulila u Chala.

Yohani 1:4

Mumwache mukaba ubumi, po sona ubumi ubu bukaba lukozyo ulwa bantu.

Yohani 1:9

Ulukozyo ulwanaloli lulo lukubalamila abantu bosi lukizagha muchisu ichapasi.

Yohani 17:24

“Wee Tata, nkulonda ukuti abantu babo umpiye babanje nane kuko indi, umwakuti bangennya ubuchindamu bwane, bubo ukampa pakuti ukangana bo ni chisu chichili pakupeliwa.

Yohani 5:23

ukuti bosi bamuchindikaye u Mwana ukuyana namumo bakumuchindikila Uwise. Umuntu wesi yuyo atakumuchindika u Mwana, atakumuchindika nu Wise bulo yuyo akamutuma.

Imbombo 22:11

Nkafwa maso pachifukwa icha lukozyo ulwakulama nkani lula, po abantu babo bakaba nane bandema inyobe nukwinjila nane mu Damasika.

Ubuvumbuli 14:4

Abantu banaba bo babo batakinyazyapo na bakolo. Abantu banaba bayanite bulo na balindu babo batabamenye nalumo abanavuli. Bakumukonka u Mwana uwa ng'ozi yula kosi kuko akubuka. Abantu banaba bakapokiwa pakasi pabantu bosi, sona bakaba bakwanda pakubikiwa kwa Chala na ku Mwana uwa ng'ozi.

Ubuvumbuli 18:1

Bo vyachilapo vinivi, nkennya uwantumi akwika kumwanya. Akaba nu bulaghili ubukulu nkani, sona ubuchindamu bwache bukalamila ichisu chosi icha ichapasi.

Ubuvumbuli 21:11

Kakalamagha nu buchindamu ubwa Chala. Ukulama kwache kukaba ngati lyo libwe ilyamutengo nkani, ngati lyo libwe iswepu, lilyo likaba swee ngati lyo ligalasi.

Ubuvumbuli 21:25

Imilyango iya kaya akakulu nkani kanaka yikwiza pakuba myighuke isiku lyosi ipuma, sona yite yikighaliliwepo nalumolumo pakuti kute kukabeko sona ubusiku.

Ubuvumbuli 22:5

Kulakula kutakwiza pakubako sona ubusiku. Ukulama ukwa nyale pamo izuba kutakwiza pakulondiwapo nalumo, pakuti u Mwene u Chala akwiza pakuba lukozyo lwabo, sona bakwiza pakuba bamwene bwila na bwila.

Ubuvumbuli 5:6

Po nkennya u Mwana uwa ng'ozi pakasi pachitengo icha bumwene, azyunguliliwe ni vipeliwa ivyabumi folo na basongo 24. U Mwana uwa ng'ozi akabonekagha ngati aboliwe. Akaba ni mpembe seveni na maso seveni vivyo yo Mizimu seveni iya Chala, yiyo yitumiwe muchisu chosi ichapasi.

Ubuvumbuli 7:17

Pakuti u Mwana uwa ng'ozi, yuyo ali pakasi na pakasi pachitengo icha bumwene akwiza pakuba mudimi wabo. Akwiza pakubalongolela ku mbwibwi iya mizi amapela bumi. U Chala umwenecho akwiza pakubasyumula amasozi ghosi.”