Ubuvumbuli 21:22 - IBAYIBOLO 2024

²² Intakayennyamo ni Nyumba iya Chala mukaya kala pakuti Inyumba iya Chala we Mwene u Chala Uwamaka Ghosi nu Mwana uwa ng'ozi.

Ulufingo Ulupya

²² Intakayennyamo ni Nyumba iya Chala mukaya kala pakuti Inyumba iya Chala we Mwene u Chala Uwamaka Ghosi nu Mwana uwa ng'ozi.

Ubuvumbuli 21:22 Iomraidhean Croise

1 Abamwene 8:27

“Wee Chala, nkimba naloli ungikala pachisu ichapasi? Nanti kumwanya pamo kumwanya nkani kutangakukwana, po zingaba bulibuli ni nyumba inandi yiyo nakuzengela

2 Imbili 2:6

Loli nkimba wewenu yuyo abaghiye pakumuzengela Inyumba, pakuti nako kumwanya pamo kumwanya nkani kutangakukwana? Po nkimba ne wenu ukuti imuzengele Inyumba, loli bwene ubuzilo ubwakubikilapo ivyakwiyipa ivyakocha pamaso papache?

2 Imbili 6:18

“Wee Chala, nkimba naloli ungikala poka na bantu pachisu ichapasi? Nanti kumwanya pamo kumwanya nkani kutangakukwana, po zingaba bulibuli ni nyumba inandi yiyo nakuzengela?

Yesaya 66:1

U Mwene akuti, “Kumwanya cho chitengo chane icha bumwene, sona ichisu ichapasi cho chakutambalizizyapo inyayo zyane. Nkimba yili kokwiyi inyumba yiyo munganzengela ane? Nkimba ubuzilo bwane ubwakutuzyapo, bukwiza pakuba po piyi?

Matayi 24:2

U Yesu akati, “Eee, mwenelezye akiza vyosi ivi. Naloli nkubabuzya ukuti nalimolimo ibwe lilyo likwiza pakusyala pamwanya pa lyamwabo; lyosi likwiza pakugumuliwa.”

Yohani 10:30

Utata nane tuli weka.”

Yohani 13:32

Po nanti ubuchindamu ubwa Chala bwabonekela ukwendela mumwache, po ilelo u Chala akwiza pakulanjizya ubuchindamu ubwa Mwana uwa Muntu, po akwiza pakuzibomba umwalubilolubilo.

Yohani 4:21

U Yesu akamubuzya umukolo yula akati, “Wee mukolo unsubile, akabalilo kakwiza kako mutakwiza pakumwiputa Utata pighamba linili, pamo mu Yelusalemu.

Yohani 4:23

Loli akabalilo kakwiza, sona kizite kale pakuti babo bakumwiputa mubwanaloli bakwiza pakumwiputa Utata na maka agha Muzimu Umuzelu na mubwanaloli. Pakuti u Chala akubalonda abantu banaba pakumwiputa.

Aba Kolosi 1:19

Pakuti chikamuhobosya u Chala ukuti ubwachala bwache bosi bubanje mu Mwana wache.

Aba Kolosi 2:9

Pakuti mwa Kilisitu, u Chala akwikalamo umwakufikapo mumubili uwa muntu,

Ubuvumbuli 1:8

U Mwene u Chala, Uwamaka Ghosi, yuyo aliko ilelo, yuyo akabako kale, sona yuyo akwiza pakubako akuti, “Ane ne bwandilo. Ane ne bumalilo.”

Ubuvumbuli 11:17

Bakanena bakati, “Mwene Chala Uwamaka Ghosi, wewe uliko, sona wewe ukabako! Tukukupalizya pakuti walanjizya amaka ghako amakulu, sona wanda pakulaghila!

Ubuvumbuli 14:4

Abantu banaba bo babo batakinyazyapo na bakolo. Abantu banaba bayanite bulo na balindu babo batabamenye nalumo abanavuli. Bakumukonka u Mwana uwa ng'ozi yula kosi kuko akubuka. Abantu banaba bakapokiwa pakasi pabantu bosi, sona bakaba bakwanda pakubikiwa kwa Chala na ku Mwana uwa ng'ozi.

Ubuvumbuli 15:3

Bakimba ulwimbo ulwa Mozesi, umubombi uwa Chala, sona nu lwimbo ulwa Mwana uwa ng'ozi ukuti, “Wee Mwene Chala Uwamaka Ghosi, imbombo zyako nkulu sona zyakuswighisya nkani! Wee Mwene uwa inko zyosi, izila zyako zyanaloli sona ngolosu.

Ubuvumbuli 16:14

Iyi mizimu imibibi yiyo yikupela iviswigho. Imizimu mitatu iyi yikubuka pakubabungannya abamwene bosi aba muchisu ichapasi ukuti balwe ubwite pisiku ikulu nkani ilya Chala Uwamaka Ghosi.

Ubuvumbuli 16:7

Po nkivwa izyu pachighemo likuti, “Mwene Chala Uwamaka Ghosi! Ubulongi bwako bwanaloli, sona bugholosu!”

Ubuvumbuli 19:15

Mumulomo wache mukafuma upanga yuyo akwete nkani, uwakupotela abantu aba inko izyakulekanalekana. Akwiza pakubalaghila ni ndisa yache iya chela, sona akwiza pakukanyannya amampesya muchiliba ichakukanyilamo amampesya icha bukali ubwa Chala Uwamaka Ghosi.

Ubuvumbuli 4:8

Ichipeliwa ichabumi chosi chikaba ni vipapande sikisi. Ivipapande vila vikaba na maso posi na posi, mukasi na kuzi bulo. Pamusanya na pabusiku vitakutuzyangapo pakwimba ukuti, “Muzelu, muzelu, muzelu u Mwene u Chala Uwamaka Ghosi. Wewe ukabako kale, wewe uliko ilelo, wewe ukwiza pakubangako bwila na bwila.”

Ubuvumbuli 5:6

Po nkennya u Mwana uwa ng'ozi pakasi pachitengo icha bumwene, azyunguliliwe ni vipeliwa ivyabumi folo na basongo 24. U Mwana uwa ng'ozi akabonekagha ngati aboliwe. Akaba ni mpembe seveni na maso seveni vivyo yo Mizimu seveni iya Chala, yiyo yitumiwe muchisu chosi ichapasi.

Ubuvumbuli 7:15

Ichi cho chifukwa bakwimilila pantazi, pachitengo icha bumwene icha Chala nukumubombela umusanya nu busiku munyumba yache. Yuyo akwikala pachitengo icha bumwene akwiza pakubafukatila.

Ubuvumbuli 7:17

Pakuti u Mwana uwa ng'ozi, yuyo ali pakasi na pakasi pachitengo icha bumwene akwiza pakuba mudimi wabo. Akwiza pakubalongolela ku mbwibwi iya mizi amapela bumi. U Chala umwenecho akwiza pakubasyumula amasozi ghosi.”