Ubuvumbuli 21:12 - IBAYIBOLO 2024

¹² Akaya akakulu nkani kalakala kakaba nu lupaso ulutali nkani ni milyango 12, sona abantumi 12 bakenelezyanga mu milyango yosi yila. Mu milyango mula mukasimbiwamo amatabwa agha inko 12 izya ba Izilayeli.

Ulufingo Ulupya

¹² Akaya akakulu nkani kalakala kakaba nu lupaso ulutali nkani ni milyango 12, sona abantumi 12 bakenelezyanga mu milyango yosi yila. Mu milyango mula mukasimbiwamo amatabwa agha inko 12 izya ba Izilayeli.

Ubuvumbuli 21:12 Iomraidhean Croise

2 Imbili 9:19

Po ivifwani ivya inkalamu 12 vila vikimilila pamakwelelo sikisi ghala, ichifwani choka chikaba kulubazu loka ulwa makwelelo ghala. Chitakabapo sona ichitengo ichinji mubumwene ubunji ichakuyana ni chitengo chinichi.

Ezila 9:9

Wee Chala witu, napapo twe bazya, awe utakatukana bo tuli mumayimba. Ukatupelela ichisa pamaso pa mwene uwamu Peleziya, po utupiye ubumi ubupya ukuti tuzenge sona Inyumba yako nukuviyannya sona ivisami vyache sona watuvighilila muchisu icha Yuda na mu Yelusalemu.

Nehemiya 12:27

Pakabalilo akakupaghulila ulupaso ulwa Yelusalemu, aba Levi bakitiziwa ukufuma kuko bakikalagha ukuti bize ku Yelusalemu kulusekelo ulwakupaghulila ulupaso pakwimba inyimbo izyakupalizikizya nukulizya amalimba ni vinanda sona na mapango.

Masalimo 122:7

Umutende ghubanje mukasi mulupaso lwako, sona nukuti ivintu vibanje akiza munyumba zyako izya bumwene.”

Masalimo 51:18

Ubabombelaye ubwiza abantu aba mu Ziyoni, zengagha sona ulupaso ulwa Yelusalemu.

Ukufuma 28:21

Utumabwe tunutu tubanjepo 12 ukuyana na matabwa agha bana aba Yakobo. Pibwe lyoka ubizepo itabwa lyoka ilya luko ulwa Izilayeli.

Yesaya 54:12

Nkwiza pakuzenga ichitembe, na mabwe aghamutengo, imilyango yako yikwiza pakuzengiwa, na mabwe aghakunyezimila, sona lope ulubumba lukwiza pakuzengiwa, na mabwe aghamutengo nkani.

Yesaya 60:18

Ivyongo vitakwiza pakwivwikamo muchisu chako, pamo ukunangannya nukupankulannya mumpaka zyako, loli mukwiza pakughitizya amalinga ghako ukuti mupoki, imilyango yako ukwiza pakuyitizya ukuti amapalo.

Matayi 18:10

“Muchebaye ukuti mutakusula weka uwa bana abanandi banaba. Pakuti nkubabuzya ukuti akabalilo kosi abantumi babo aba kumwanya bali pamaso pa Tata wane uwakumwanya.

Luka 15:10

Umwakuyana bulo, nkubabuzya nkuti, “Abantumi aba Chala bakuhoboka pa muntu weka uwambibi yuyo akupinduka nukuzileka imbibi.”

Luka 16:22

“Akabalilo kakakwana, umuntu umupina akafwa. Abantumi aba kumwanya bakamunyamula nukumubika kulubazu ulwa Abulahamu palusekelo ulwa kumwanya. Umuntu umukabi wepe akafwa nukusyiliwa.

Imbombo 26:7

Ichintu choka chicho inko izya bantu bitu 12 zikulindilila pakupokela, bo bakumuchindika u Chala nu moyo wabo ghosi umusanya nu busiku. Mwene, pachifukwa chinichi, nkulongiwa naba Yuda!

Aba Hebeli 1:14

Loli abantumi aba kumwanya babombi bulo. Abene yo mizimu yiyo yikumubombela u Chala, sona yiyo yitumiwe pakubabombela abantu, babo bakwiza pakupokiwa.

Ubuvumbuli 21:13

Kunkuto zyosi folo kukaba imilyango mitatumitatu: Mitatu yikaba kubufumilo bwizuba, mitatu yikaba kuntende, mitatu yikaba kumitu, sona iyamwabo mitatu yikaba kubwinjililo bwizuba.

Ubuvumbuli 21:15

Po uwantumi yuyo akanena nane akaba ni ndisa iya golide ukuti apimile akaya kala, ni milyango yache, sona nu lupaso lwache.

Ubuvumbuli 21:25

Imilyango iya kaya akakulu nkani kanaka yikwiza pakuba myighuke isiku lyosi ipuma, sona yite yikighaliliwepo nalumolumo pakuti kute kukabeko sona ubusiku.

Ubuvumbuli 22:14

“Basayiwa abantu babo bakuchapa inkazo zyabo umwakuti babanje nu bulaghili ubwakulyela ivikomwa ivya mwikwi ilya bumi nukwinjila mukaya akakulu nkani ukwendela pamilyango.