Ubuvumbuli 20:8 - IBAYIBOLO 2024

⁸ sona akwiza pakuzizimbula inko izya bantu kunkuto zyosi folo izya chisu ichapasi, kokuti u Gogi nu Magogi. U Satana akwiza pakubabungannya bosi poka pakulwa ubwite. Ubwinji bwabo buli ngati gho musesenga uwa mulubazu ulwa nyanja.

Ulufingo Ulupya

⁸ sona akwiza pakuzizimbula inko izya bantu kunkuto zyosi folo izya chisu ichapasi, kokuti u Gogi nu Magogi. U Satana akwiza pakubabungannya bosi poka pakulwa inkondo. Ubwinji bwabo buli ngati gho musesenga uwa mulubazu ulwa nyanja.

Ubuvumbuli 20:8 Iomraidhean Croise

1 Abamwene 4:20

Abantu aba muchisu icha Yuda nicha Izilayeli bakaba binji nkani ngati musesenga uwa mulubazu ulwa nyanja. Bakaba bantu abakuhoboka nkani pachifukwa ichakuti bakaba ni vyakulya, sona ni vyakung'wela ivyinji nkani.

2 Imbili 18:21

Nkwiza pakubuka nukubapela abalaghuzi bosi aba Ahabu ukuti batamantaye. Bukagha naloli ungamudeba.’

Yesaya 10:22

Wee Izilayeli, napapo abantu bako bangaba binji ngati musesenga uwa munyanja, loli abakusyalako bo babo bakwiza pakunyokela. Ukunanganika kwalamuliwa sona kwizula nu bugholosu

Yelemiya 33:22

Nkwiza pakubapela abaluko ulwa Devedi umubombi wane naba Levi abaputi babo bakumbombela akabalilo kosi pakuba ngati zyo intondwa sona ngati musesenga uwa mulubazu ulwa nyanja ghugho ghutangabelengiwa.”

Ezekiyeli 38:1

U Mwene akambuzya akati,

Ezekiyeli 38:2

“Wee mwana uwa muntu, ennya icheni chako kwa mwene u Gogi, uwa muchisu icha Magogi, u mwene usongo uwamu Mesheki nu Tubali, po ulaghule umwakususannya nawe

Ezekiyeli 39:1

U Mwene Uwamaka Ghosi akuti, “Wee mwana uwa muntu, laghula nukumususya u Gogi umubuzye uti, ‘U Mwene Uwamaka Ghosi akuti: Nkulwana nawe, wee Gogi u mwene usongo uwa muchisu icha Mesheki nu Tubali.

Ezekiyeli 39:6

Nkwiza pakutuma umoto pachisu icha Magogi na pabantu babo bakwikala umwakufwasa mulubazu ulwa nyanja, po bakwiza pakumanya ukuti ane ne Mwene.

Ezekiyeli 7:2

“Wee mwana uwa muntu, izi zyo zizyo u Mwene Uwamaka Ghosi akuchibuzya ichisu icha Izilayeli ubumalilo: Ubumalilo bwafika, pankuto folo izya chisu.

Aba Hebeli 11:12

Po mwa Abulahamu, umuntu weka uyu yuyo akaba ngati afuye, mukapapiwa abaluko abinji nkani ngati zyo ntondwa izya kumwanya, sona na basita ukubelengiwa ngati gho musesenga uwa mulubazu ulwa nyanja.

Ubuvumbuli 12:9

Inyivwila inkulu yikasumbiwa pachisu ichapasi—injoka iyakale yila, yiyo yikitiziwanga ukuti Mubibi pamo Satana, yuyo akachizimbula ichisu chosi ichapasi. Akasumbiwa pasi poka na bantumi bache.

Ubuvumbuli 16:14

Iyi mizimu imibibi yiyo yikupela iviswigho. Imizimu mitatu iyi yikubuka pakubabungannya abamwene bosi aba muchisu ichapasi ukuti balwe ubwite pisiku ikulu nkani ilya Chala Uwamaka Ghosi.

Ubuvumbuli 20:10

Po u Satana yuyo akabazimbulagha, akasumbiwa munyanja iya moto uwa sulufule, kuko ichinyamana nu mulaghuzi umumyasi yula bakasumbiwako kale. Bakwiza pakuyiviwa pamusanya na pabusiku bwila na bwila.

Ubuvumbuli 20:3

Uwantumi yula akamusumbila u Satana muchibanka ichibizu nkani nukumwighalila. Akamata umulyango umwakuti atakazizimbulepo nalumolumo inko izya bantu mupaka amaka 1,000 ghamale. Pisinda pache asatuliwanje ukwa kabalilo akapimpa bulo.

Ubuvumbuli 7:1

Pisinda pazinizi nkennya abantumi aba kumwanya folo bimiliye pankuto folo izya chisu ichapasi. Bakalema impepo folo umwakuti kutakabeko nayimoyimo impepo iyakukuka muchisu ichapasi pamo panyanja pamo pikwi lyosi.

Abalongi 7:12

Aba Midiyani, naba Amaleki, poka na bantu abanji bosi abakubufumilo bwizuba bakazenga ivisakasa vyabo mwikombe. Abantu banaba bakasata bulo ngati we kanta, sona ingamila zyabo zikaba sita kubelengiwa ngati musesenga uwa mulubazu ulwanyanja.

1 Samuweli 13:5

Aba Filisiti bakabungana poka ukuti balwe ubwite naba Izilayeli. Bakaba ni ngolo izya bwite 30,000, na bendezya ingolo 6,000, sona na basilikali abinji nkani ngati musesenga uwa mulubazu ulwa nyanja. Bakazenga ivisakasa vyabo mu Mikimashi kubufumilo bwizuba ubwa Beti Aveni.