Ubuvumbuli 20:6 - IBAYIBOLO 2024

⁶ Basayiwa sona bazelu abantu babo bakwiza pakuzyuka poka nabo ukuzyuka kubufwe ukwakwanda kunuku. Ubufwe ubwabubili bute na maka papabo, loli bakwiza pakuba baputi aba Chala naba Kilisitu, sona bakwiza pakulaghila poka nawe amaka 1,000.

Ulufingo Ulupya

⁶ Basayiwa sona bazelu abantu babo bakwiza pakuzyuka poka nabo ukuzyuka kubufwe ukwakwanda kunuku. Ubufwe ubwabubili bute na maka papabo, loli bakwiza pakuba baputi aba Chala naba Kilisitu, sona bakwiza pakulaghila poka nawe amaka 1,000.

Ubuvumbuli 20:6 Iomraidhean Croise

Yesaya 4:3

Abantu babo bakalekiwa mu Ziyoni, na babo bakwiza pakupona mu Yelusalemu bakwiza pakwitiziwa bazelu, bosi babo basimbiwe poka na bantu abumi aba mu Yelusalemu.

Yesaya 61:6

Mukwiza pakwitiziwa, pakuba mwe baputi aba Mwene, mukwiza pakuneniwa pakuba babombi aba Chala witu. Mukwiza pakulya ubukabi ubwa inko, sona muvyuma vyabo mukwiza pakwituvikizyamo.

Daniyeli 12:12

Basayiwa abantu babo bakulindilila mupaka amasiku 1,335 ghamale.

Luka 14:15

Bo umuntu weka uwa babo akalyanga poka nabo ivwa zinizi, akamubuzya u Yesu akati, “Basayiwa babo bakwiza pakubapo palusekelo ulukulu nkani mu Bumwene ubwa Chala.”

Aba Loma 12:1

Polelo bakamu bane, pachifukwa icha chisa icha Chala ichikulu nkani kukwitu, nkubalaba ukuti mwiyipe mwebene ukuti chibanje chakwiyipa icha bumi kwa Chala, ichakupaghuliliwa pambombo yache, sona ni chakumuhobosya nkani. Kuko ko kwiputa kwinyu ukwa buzimu.

Aba Loma 8:17

Po nanti aswe twe bana aba Chala, tukwiza pakupokela nabo ulusayo lulo abasungiye abantu bache. Sona tukwiza pakupokela poka nu Kilisitu ulusayo lulo u Chala amusungiye. Pakuti nanti tukugabana intamyo nu Kilisitu, tukwiza pakugabana poka nawe ubuchindamu bwache.

2 Timoti 2:12

Nanti tukwendelela pakujimba, naswe bulo tukwiza pakulaghila nawe. Nanti tukumukana, wepe bulo akwiza pakutukana.

1 Pitala 2:5

Namwe bulo mubanje ngati gho mabwe amumi, aghakuti u Chala azengele inyumba iya buzimu, umwakuti mubanje mwe baputi abapaghuliwa, pakubika ivyakwiyipa ivyabuzimu vivyo vikumuhobosya u Chala ukwendela mwa Yesu Kilisitu.

1 Pitala 2:9

Loli amwe mwe luko ulupaghuliwa, abaputi aba bumwene, abantu abache na bache aba Chala. Akabasala ukuti mulumbilile imbombo izyakuswighisya izya Chala, yuyo akabefyamo muchisi nukubinjizya mu lukozyo lwache ulwakuswighisya nkani.

Ubuvumbuli 1:6

Akatupela aswe pakuba luko ulwa bumwene, nukuba baputi ukuti tumubombelaye Uwise u Chala. Ubuchindamu na maka vya Yesu Kilisitu bwila na bwila. Ameni!

Ubuvumbuli 14:13

Po nkivwa izyu kumwanya likuti, “Simba uti: Basayiwa abantu babo ukwandila pakabalilo aka bakufwila pambombo iya Mwene.” U Muzimu Umuzelu akuti, “Eee momumo! Bakwiza pakutuzya pambombo zyabo inkafu, pakuti imbombo zyabo inyiza zikubakonka.”

Ubuvumbuli 2:11

“Umuntu yuyo ali na makutu, ivwe zizyo u Muzimu Umuzelu akuvibuzya ivipanga. “Umuntu wesi yuyo akupota, atakwiza pakupalamasiwa nu bufwe ubwabubili.

Ubuvumbuli 20:14

Po ubufwe ni chisu icha bantu abafwe vikasumbiwa munyanja iya moto. Inyanja iya moto yiniyi bo bufwe ubwabubili.

Ubuvumbuli 21:8

Loli abantu abogha na bantu abasita ukusubiliwa na babo bakubomba ivintu ivinyazu na baghoghi na bamalaya na bamayele na bakwiputa ivifwani sona na bantu bosi abamyasi, ubuzilo bwabo yo nyanja iya moto uwa sulufule. Ubu bo bufwe bwabo ubwabubili.”

Ubuvumbuli 22:5

Kulakula kutakwiza pakubako sona ubusiku. Ukulama ukwa nyale pamo izuba kutakwiza pakulondiwapo nalumo, pakuti u Mwene u Chala akwiza pakuba lukozyo lwabo, sona bakwiza pakuba bamwene bwila na bwila.

Ubuvumbuli 22:7

U Yesu akuti, “Ivwa kuno! Nkwiza lunulu! Basayiwa abantu babo bakughivwila amazyu aghabulaghuzi ghagho ghali mwibuku linili.”

Ubuvumbuli 3:21

Umuntu yuyo akupota, nkwiza pakumwitikizya ukwikala nane pachitengo icha bumwene, ukuyana namumo nane nkapotela nukwikala nu Tata pachitengo chache icha ubumwene.

Ubuvumbuli 5:10

Ukabapela pakuba luko ulwa bumwene, nukuba baputi pakumubombela u Chala witu, bakwiza pakulaghila ichisu ichapasi.”