Ubuvumbuli 20:4 - IBAYIBOLO 2024

⁴ Pisinda pache nkennya ivitengo ivya bumwene, sona babo bakikalapo bakapeghiwa amaka aghakulongela. Nkennya sona imizimu iya babo bakadumuliwa imitu pachifukwa icha kulumbilila ubwanaloli bubo u Yesu akavumbulagha, sona pachifukwa icha kulumbilila Amazyu agha Chala. Banaba batakachichindikagha ichinyamana pamo ichifwani chache, sona batakadindiwa ni chidindo pa vyeni pamo panyobe zyabo. Bakazyuka kubufwe pakuba bamwene poka nu Kilisitu amaka 1,000.

Ulufingo Ulupya

⁴ Pisinda pache inkennya ivitengo ivya bumwene, sona babo bakikalapo bakapeghiwa amaka aghakulongela. Inkennya sona imizimu iya babo bakadumuliwa imitu pachifukwa icha kulumbilila ubwanaloli bubo u Yesu akavumbulagha, sona pachifukwa icha kulumbilila Amazyu agha Chala. Banaba batakachichindikagha ichinyamana pamo ichifwani chache, sona batakadindiwa ni chidindo pa vyeni pamo panyobe zyabo. Bakazyuka kubufwe pakuba bamwene poka nu Kilisitu amaka 1,000.

Ubuvumbuli 20:4 Iomraidhean Croise

Daniyeli 2:44

“Pakabalilo aka bamwene banabo, u Chala uwakumwanya akwiza pakubwikazya ubumwene, bubo butakwiza pakunanganika nalumolumo pamo pakubikiwa munyobe izya bantu abanji. Bukwiza pakughanangannya amabumwene aghanji ghosi mupaka nukughazimizya, loli ubumwene bunubu bukwiza pakubangako bwila na bwila

Daniyeli 7:18

Loli abantu abazelu aba kumwanya nkani bakwiza pakubupokela ubumwene sona bukwiza pakubanga bwabo bwila na bwila.’

Daniyeli 7:22

Mupaka Uwavula Intazi yula akafika, po inongwa yikabendela akiza abantu abazelu aba Kumwanya Nkani. Akabalilo kakakwana akakuti abantu abazelu bala bapokele ubumwene.

Daniyeli 7:27

Po ubumwene na maka sona nu bukulu nkani ubwa mabumwene pasi pachisu chosi icha kumwanya, vikwiza pakupeghiwa ku bantu abazelu, aba Wakumwanya Nkani. Ubumwene bunubu bukwiza pakubangako bwila na bwila, pisinda pache abalaghili bosi bakwiza pakumwiputa nukumwivwila.’

Daniyeli 7:9

Bo nkwennya, ivitengo ivya bumwene vikabikiwa mubuzilo bwache, po Uwavula Intazi akikala pachitengo chache. Amenda ghache ghakaba swee ngati we kabefu, zyope isisi zyache zikaba swee ngati bo busapa. Ichitengo chache chikakagha indimi izya moto, sona ivingelengele vyache vyosi vikakagha umoto.

Malaki 4:5

Bo isiku ikulu nkani ilya koghofya ilya Mwene litakwanite nkwiza pakubatumila umulaghuzi u Eliya.

Matayi 19:28

U Yesu akababuzya akati, “Naloli nkubabuzya ukuti bo u Mwana uwa Muntu ikaye pachitengo chache icha buchindamu pakabalilo kako ivintu vyosi vikwiza pakuba vyinyu, sona amwe mukwiza pakwikala pa vitengo 12 ivya bumwene pakulonga inko 12 izya ba Izilayeli.

Matayi 24:10

Abantu abinji bakwiza pakutagha ulwitiko lwabo pakabalilo kanako; bakwiza pakulongelelana nukubengana.

Maliko 6:16

Bo u Helodi ivwa ichi akati, “We Yohani Uwalozyo, yuyo nkalamula ukuti umutu wache ghudumuliwe, loli azyuka kubufwe!”

Maliko 6:27

Umwalubilolubilo u Helodi akamutuma umulindilili uwa bakayidi nukumulamula ukuti asende umutu uwa Yohani. Umulindilili yula akabuka kujele nukudumula umutu uwa Yohani.

Maliko 9:11

Bakamulalusya u Yesu bakati, “Nkimba choni chicho abamanyisi aba Ndaghilo bakunena ukuti u Eliya abaghiye ize tasi?”

Luka 1:17

Akwiza pakulongolela kuntazi ukwa Mwene mubuzimu na maka ngati we mulaghuzi u Eliya, sona akwiza pakubamanyannya abapapi na bana babo. Akwiza pakubapindula abasita ukwivwila ukuti babanje bantu bagholosu. Pakubomba bunubu akwiza pakubayannya abantu nizya kwiza ukwa Mwene.”

Luka 14:14

Po ukwiza pakusayiwa pachifukwa ichakuti bate nacho nachimo ichakukunyosezya papo. U Chala akwiza pakukunyosezya pisiku lilyo abantu abagholosu bakwiza pakuzyuka kubufwe.”

Luka 22:30

Mukwiza pakulya nukung'wela poka nane mu Bumwene bwane, sona amwe mukwiza pakwikala pa vitengo ivya bumwene pakulonga inko 12 izya ba Izilayeli.

Yohani 14:19

Kwasyala akabalilo akanandi bulo ichisu ichapasi chitakwiza pakunyennya nalumo, loli amwe mukwiza pakunyennya pakuti ane ne mumi, namwe mukwiza pakuba mwe bumi.

Aba Loma 11:15

Nanti abantu aba muchisu ichapasi bakasayana nu Chala pachifukwa ichakuti akabakana aba Yuda, nkimba kukwiza pakuba bulibuli bo bakupokeliwa sona? Kukwiza pakuba ngati bo bantu abafwe, babo bazyuka kubufwe.

Aba Loma 8:17

Po nanti aswe twe bana aba Chala, tukwiza pakupokela nabo ulusayo lulo abasungiye abantu bache. Sona tukwiza pakupokela poka nu Kilisitu ulusayo lulo u Chala amusungiye. Pakuti nanti tukugabana intamyo nu Kilisitu, tukwiza pakugabana poka nawe ubuchindamu bwache.

2 Timoti 2:12

Nanti tukwendelela pakujimba, naswe bulo tukwiza pakulaghila nawe. Nanti tukumukana, wepe bulo akwiza pakutukana.

Ubuvumbuli 1:2

U Yohani akulingannya ivintu vyosi vivyo akavyennya nizya mazyu agha Chala, sona nu buvumbuli bosi bubo u Yesu Kilisitu akavumbula.

Ubuvumbuli 1:9

Ane ne Yohani umukamu winyu, nkugabana namwe amayimba nu bumwene, sona nu bufisalyoyo mwa Yesu. Nkabikiwa pa kasungo aka Patimo pachifukwa ichakuti nkalumbilila amazyu agha Chala, sona nu bwanaloli bubo u Yesu akabuvumbula.

Ubuvumbuli 11:11

Loli bo ghachilapo amasiku matatu nu hafu umuyi uwakupa ubumi ubwa Chala ghukinjila mumwabo, po bakimilila, sona bosi babo bakabennya bakanyila nkani.

Ubuvumbuli 11:15

Uwantumi waseveni akalizya ipati lyache, sona izyu ilya pamwanya nkani likivwika kumwanya likati, “Amaka aghakulaghilila ichisu ichapasi ilelo ghali munyobe izya Mwene nu Mesiya wache. Akwiza pakulaghila bwila na bwila!”

Ubuvumbuli 11:3

Nkwiza pakubatuma abakaboni bane babili abakuvwala amasaka pachifukwa bakalililagha imbibi. Bakwiza pakulumbilila Amazyu Amiza agha Chala amasiku 1,260.”

Ubuvumbuli 11:7

Bo bamala pakusimikizya, ichinyamana ichakufuma muchibanka ichibizu nkani chikwiza pakulwana nabo. Chikwiza pakubapota nukubaghogha.

Ubuvumbuli 12:11

Abakamu bitu bakamupota ni banda ilya Mwana uwa ng'ozi sona nu lusimikizyo lwache lulo bakalumbililagha. Abene bakiyipa ubumi bwabo mupaka kubufwe.

Ubuvumbuli 14:11

Ilyosi ilya moto ghugho ghukubayivya likukwela kumwanya bwila na bwila. Abantu babo bakachiputagha ichinyamana ni chifwani chache, sona nukwitika ukuti badindiwe ichidindo icha itabwa lyache batakubwaghapo nalumolumo ubutuzyo umusanya pamo ubusiku.

Ubuvumbuli 15:2

Po nkennya chicho chikaboneka ngati yo nyanja iya galasi yonganikiye numoto. Nkennya sona abantu babo bakachipota ichinyamana ni chifwani chache, sona ni nambala iya litabwa lyache. Bakimagha papipi ni nyanja iya galasi, bo balemite munyobe amalonji ghagho u Chala akabapa.

Ubuvumbuli 17:8

Ichinyamana chicho ukachennya chikaba nubumi kale, loli ilelo chite sona nubumi. Losi ulu chikwiza pakufuma muchibanka ichibizu nkani nukubuka pakuchinangannya. Abantu aba muchisu ichapasi, babo amatabwa ghabo ghatasimbiwe mwibuku ilya bumi ukwandila ko kubwandilo ubwa chisu ichapasi, bakwiza pakuswigha, bo bakuchennya sona ichinyamana, chicho kale chikafwa.

Ubuvumbuli 2:26

Umuntu wesi yuyo akupota nukubomba chicho nkulonda pakufika mupaka kubumalilo, nkwiza pakumupa ubulaghili pabantu abaluko losi.

Ubuvumbuli 20:6

Basayiwa sona bazelu abantu babo bakwiza pakuzyuka poka nabo ukuzyuka kubufwe ukwakwanda kunuku. Ubufwe ubwabubili bute na maka papabo, loli bakwiza pakuba baputi aba Chala naba Kilisitu, sona bakwiza pakulaghila poka nawe amaka 1,000.

Ubuvumbuli 22:5

Kulakula kutakwiza pakubako sona ubusiku. Ukulama ukwa nyale pamo izuba kutakwiza pakulondiwapo nalumo, pakuti u Mwene u Chala akwiza pakuba lukozyo lwabo, sona bakwiza pakuba bamwene bwila na bwila.

Ubuvumbuli 3:21

Umuntu yuyo akupota, nkwiza pakumwitikizya ukwikala nane pachitengo icha bumwene, ukuyana namumo nane nkapotela nukwikala nu Tata pachitengo chache icha ubumwene.

Ubuvumbuli 4:4

Ichitengo icha bumwene chila chikazyunguliliwa ni vitengo ivinji 24, sona babo bakikalagha pa vitengo vila bakaba abasongo 24. Bakavwala amenda amaswepu ni mpumpu izya golide kumitu yabo.

Ubuvumbuli 6:9

Bo u Mwana uwa ng'ozi amamatula ichimatilo ichafayivi, nkennya imizimu iya bantu muntende mwa chighemo, babo bakaghoghiwa pachifukwa icha mazyu agha Chala, sona nu lusimikizyo lwabo ulwamaka.

Ubuvumbuli 7:3

Uwantumi yula akati, “Utakanangaye ichisu ichapasi, pamo inyanja, pamo amakwi mupaka papo twabadinda ni chidindo pa vyeni ababombi aba Chala witu.”