Ubuvumbuli 20:2 - IBAYIBOLO 2024

² Akayilema inyivwila yila, injoka iyakale yuyo we Mubibi pamo we Satana nukumupinya amaka 1,000.

Ulufingo Ulupya

² Akayilema inyivwila yila, injoka inkali yuyo we Mubibi pamo we Satana nukumupinya amaka 1,000.

Ubuvumbuli 20:2 Iomraidhean Croise

Ubwandilo 3:1

Injoka yikaba nchevu nkani ukuchila ivinyamana vyosi vivyo u Mwene u Chala akavipela. Injoka yikamulalusya umukolo yula yikati, “Nkimba momumo ukuti u Chala akati, ‘Mutakalyanje navimovimo ivikomwa ivya makwi agha mumughunda ughu’?”

Ubwandilo 3:15

Nkwiza pakubika ubulwani pakasi papako nu mukolo; pakasi pa bana bache na bana bako. Abana bache bakwiza pakutizannya umutu wako, sona nawe ukwiza pakuluma ichitende icha mwana wache.”

Yobu 1:7

Po u Mwene akamulalusya u Satana akati, “Nkimba wafuma kwiyi?” U Satana akamwamula u Mwene akati, “Name pakwendakwenda bulo muchisu chosi ichapasi.”

Yesaya 24:22

Akwiza pakubabungannya poka ngati bakayidi babo bali munyumba iya bupinyiwa, bakwiza pakwighaliliwa mujele, nukufundiwa bo ghendapo amasiku aminji.

Yesaya 27:1

Pisiku lilalila, u Mwene akwiza pakubombezya upanga wache, yuyo wakoghofya nu mukulu nkani sona wamaka, pakuyifunda inyivwila sona yikwinnyenga po akwiza pakuchighogha ichinyamana chila icha munyanja.

Ezekiyeli 47:5

Akapima sona amamita 500, loli pakabalilo aka lukaba lusoko, lulo intangaloboka, pachifukwa ichakuti amizi ghakizula nkani sona ghakaba mibizu nkani.

Matayi 19:29

Sona umuntu wesi yuyo ayilekite inyumba pamo abawamwabo, pamo abayemba, pamo uwise pamo unyina, pamo abana, pamo amaghunda, pachifukwa icha nene, akwiza pakupokela ivintu ivyinji ukuchilapo 100, sona akwiza pakupokela ubumi ubwa bwila na bwila.

Matayi 8:29

Abantu bala bakakolomoka nkani bakati, “Nkimba ukulonda ichoni naswe we Mwana uwa Chala? Nkimba wiza pakutufunda, bo na kabalilo kache katafikiye?”

Maliko 4:15

Abantu bamo bayanite bulo ni mbeyu zizyo zikuwa muzila. Panapo nanti bivwa amazyu agha Chala, umwalubilolubilo u Satana akwiza nukwefyamo amazyu ghagho ghapesiwa mumwabo.

Maliko 5:7

akakolomoka nkani akati, “Wee Yesu Mwana uwa Chala Uwakumwanya Nkani! Nkimba ukulonda ichoni nane? Nkukulaba mwitabwa ilya Chala, utakanfunde!”

Yohani 12:31

Losi ulu ko kabalilo akakulongiwa ukwa chisu ichapasi. Losi ulu u Satana, umulaghili uwa chisu ichapasi akwiza pakusumbiwa kuzi.

Yohani 16:11

akinong'onele kabo namumo u Chala akwiza pakulongela abantu kate kiza pakuti u Satana, umulaghili uwa chisu ichapasi alongiwe kale.

Aba Loma 16:20

Po u Chala umwenecho uwa mutende akwiza pakumusya u Satana ni nyayo zyinyu. Ichisa icha Mwene witu u Yesu Kilisitu chibanje namwe.

Aba Hebeli 2:14

Pakuti abana banaba bantu bulo, babo bali nu mubili ni banda, u Yesu umwenecho akanduka ngati bo babo nukugabana nabo akabele kabo ukwendela mu bufwe bwache ukuti amunangannye u Satana, yuyo ali na maka agha bufwe.

1 Pitala 5:8

Mubanje maso, sona mwenelezye nkani! Umulwani winyu, u Satana, akuzyungulilazyungulila bo akubuluma ngati yo nkalamu, ukulonda yumo uwakuti amulye.

2 Pitala 2:4

Pakuti u Chala atakabaleka bulo abantumi bala babo bakananga, loli akabasumbila mu Gehena, mumo basungiwe bo bapinyilile ukulindilila isiku, lilyo u Chala akwiza pakubalonga abantu.

Yuda 1:6

Mukumbukaye abantumi aba kumwanya babo batakikutisiwa nu bulaghili, loli bakabuleka ubuzilo bwabo bubo u Chala akabapa. Po bapinyiwe muchisi kusi kuchisu ni mpingu izya bwila na bwila mupaka pisiku lilyo u Chala akwiza pakubalonga abantu.

Ubuvumbuli 12:13

Bo inyivwila yila yazyaghannya ukuti yisumbiwe pachisu ichapasi, yikanda pakumuchimbizya umukolo yuyo akapapa umwana umulumendo.

Ubuvumbuli 12:15

Po inyivwila yikamufwinila umukolo yula amizi ghagho ubwinji bwache bukaba ngati lusoko bulo, umwakuti ghamubukizye.

Ubuvumbuli 12:17

Inyivwila yikamukalalila umukolo yula, po yikabuka pakulwana na baluko lwache abanji bosi babo bakasyalako, babo bakukonka amalamulo agha Chala, sona basubiliwa aba bwanaloli bubo bukavumbuliwa nu Yesu.

Ubuvumbuli 12:3

Po ichimanyilo ichinji ichakuswighisya nkani chikaboneka kumwanya: Kukaba inyivwila inchesamu inkulu yiyo yikaba ni mitu seveni ni mpembe teni. Pamutu ghosi yikavwala impumpu iya bumwene.

Ubuvumbuli 12:4

Nu musinda wache, inyivwila yila yikawesa ichigaba choka pa vigaba vitatu ivya ntondwa nukuzisumbila pachisu ichapasi. Inyivwila yila yikima pamaso pa mukolo yuyo akaba papipi pakusayiwa, umwakuti yilye umwana uwa mukolo yula, bo apapiwa bulo.

Ubuvumbuli 12:9

Inyivwila inkulu yikasumbiwa pachisu ichapasi—injoka iyakale yila, yiyo yikitiziwanga ukuti Mubibi pamo Satana, yuyo akachizimbula ichisu chosi ichapasi. Akasumbiwa pasi poka na bantumi bache.

Ubuvumbuli 13:2

Ichinyamana chila chikabonekagha ngati we zyela, sona inyayo zyache zikabonekagha ngati zyo nyayo izya labwe. Umulomo wache ghukabonekagha ngati gho mulomo uwa nkalamu. Inyivwila yikachipa ichinyamana chila amaka ghache, ni chitengo chache icha bumwene, sona nu bulaghili ubukulu nkani.

Ubuvumbuli 13:4

Abantu bosi bakayiputa inyivwila yila, pachifukwa ichakuti yikachipa ubulaghili bwache ichinyamana chila. Bakachiputa sona ichinyamana chila ukuti, “Wewenu yuyo ayanite ni chinyamana chinichi? Wewenu yuyo angalwana nacho?”

Ubuvumbuli 20:10

Po u Satana yuyo akabazimbulagha, akasumbiwa munyanja iya moto uwa sulufule, kuko ichinyamana nu mulaghuzi umumyasi yula bakasumbiwako kale. Bakwiza pakuyiviwa pamusanya na pabusiku bwila na bwila.

Ubuvumbuli 20:7

Bo ghamala amaka 1,000 ghala, u Satana akwiza pakusatuliwa mujele,

Ubuvumbuli 9:11

U mwene wabo akaba wantumi yuyo akaba mulaghili uwa chibanka ichibizu nkani chila. Itabwa lyache mu Chihebeli akaba we Abadoni; mu Chigiliki akaba we Apoliyoni chicho chikung'anamula ukuti, “Uwakunangannya.”