Ubuvumbuli 2:9 - IBAYIBOLO 2024

⁹ “Intamyo zyako inzimenye nu bupina bwako bope imbumenye, loli we mukabi. Ingumenye umusamu uwa bantu babo bakwinena bene ukuti ba Yuda, po bate ba Yuda, loli ba chipanga icha Satana.

Ulufingo Ulupya

⁹ Intamyo zyako inzimenye, nu bupina bwako bope imbumenye, loli we mukabi. Ingumenye umusamu uwa bantu babo bakwinena bene ukuti ba Yuda, po bate ba Yuda, loli ba chipanga icha Satana.

Ubuvumbuli 2:9 Iomraidhean Croise

Matayi 4:10

Panapa u Yesu akamwamula akati, “Epapo Satana! Amasimbo ghakuti, ‘Umwiputaye u Mwene u Chala wako, sona umubombelaye yuyo mwene.’ ”

Luka 12:21

Pabumalilo u Yesu akati, “Momumo zibeleye na bantu babo bakwilundikila bene ivyuma, loli bate bakabi pamaso pa Chala.”

Luka 22:65

Bakanena ivintu ivyinji ivyakumutuka.

Luka 4:18

“U Muzimu uwa Mwene ali papane pachifukwa ichakuti ampakazya ukuti indumbilile amazyu amiza pakasi pabantu abapina. Antuma ukuti imfumusye ubusatuke ubwa babo bali mujele nukuti abafwamaso bennyanje sona nukubapa ubusatuke babo bakukanyililiwa.

Luka 6:20

U Yesu akabennya abamanyili bache nukubabuzya ukuti, “Mwe basayiwa amwe mwe bapina, pakuti Ubumwene ubwa Chala bwinyu!

Yohani 16:33

Nababuzya zinizi ukuti mubanje nu mutende pakuba poka nane. Ichisu ichapasi chikwiza pakubavwima, loli mujimbe nkani umoyo pakuti nachipota kale ichisu ichapasi!”

Imbombo 14:22

Bakabakazya abamanyili bala, sona bakababuzya ukuti bendelele pakuba nu lwitiko mwa Kilisitu. Bakamanyisya bakati, “Tubaghiye twende muntamyo inyinji ukuti twinjile mu Bumwene ubwa Chala.”

Imbombo 26:11

Utubalilo utwinji nkabafundagha munyumba izyakwiputilamo nukuyezya pakubafyenga ukuti bamusamule u Yesu. Nkabakalalila nkani, umwakuti nkabuka na kutwaya bulo utwakuzi pakubavwima.

Aba Loma 12:12

Muhobokaye nkani pachifukwa icha lusubilo lwinyu, mubanje bafisalyoyo muntamyo nukwiputa akabalilo kosi.

Aba Loma 2:17

Loli awe, nanti ukwiyitizya wemwene ukuti we mu Yuda; nanti ukusubila Indaghilo, sona nukwituvikizya mwa Chala;

Aba Loma 5:3

Loli ukuchilapo pazinizi, zagha tusekelaye sona pachifukwa icha mayimba ghitu pakuti tuzimenye ukuti amayimba ghakumumanyisya umuntu pakuba mufisalyoyo,

Aba Loma 8:35

Nkimba wewenu angatusabulannya nu lughano ulwa Kilisitu? Fwandi intamyo pamo amayimba, pamo ukuvwimiwa, pamo izala, pamo ubupina, pamo ivyakoghofya, pamo ubufwe?

Aba Loma 9:6

Kute kokuti u Chala akapotwa pakukwanilisya ilayizyo lyache. Awe, pakuti bate ba Izilayeli bosi, babo bantu ba Chala.

2 Aba Kolinti 6:10

Napapo bakutupela pakuba ni chitima bwila na bwila, loli tukuhoboka nkani. Napapo tuyanite bulo na bantu abapina, loli tukubapela abantu abinji pakuba bakabi. Napapo tuyanite bulo na bantu abapotwe, loli tuli navyo vyosi.

2 Aba Kolinti 8:2

Napapo bakakomana ni njelo inkulu nkani, loli bakahoboka nkani, umwakuti bakapa umwakusita ukumamilizya, napapo bakaba bapina nkani.

2 Aba Kolinti 8:9

Pakuti muchimenye ichisa icha Mwene witu u Yesu Kilisitu. Napapo akaba mukabi, loli akaba mupina pachifukwa icha mwemwe, umwakuti ukwendela mu bupina bwache, amwe mubanje bakabi.

1 Aba Tesalonika 3:4

Pakuti bo tuchili tuli poka namwe, tukababuzizya zila ukuti tukwiza pakuvwimiwa. Pakuti naloli muzimenye ukuti tukavwimiwa nkani.

1 Timoti 1:13

napapo kale nkaba ne wamusamu nu muvwimi, sona nu wavyongo. Loli u Chala akampelela ichisa, pachifukwa ichakuti intakachimanya chicho nkabombagha, pakuti intakaba nu lwitiko.

1 Timoti 6:18

Ubabuzye ukuti babombaye imbombo inyiza, nukuba bakabi mumbombo inyiza, nukusita pakuba bamama, sona nukwiyannya pakugabana ivintu vyabo na bantu abanji.

Ubuvumbuli 1:9

Ane ne Yohani umukamu winyu, nkugabana namwe amayimba nu bumwene, sona nu bufisalyoyo mwa Yesu. Nkabikiwa pa kasungo aka Patimo pachifukwa ichakuti nkalumbilila amazyu agha Chala, sona nu bwanaloli bubo u Yesu akabuvumbula.

Ubuvumbuli 2:13

“Inzimenye ukuti kuko ukwikala, ko kuko kuli ichitengo icha bumwene ubwa Satana. Awe we musubiliwa kukwane, sona utakalutaghe ulwitiko lwako mumwane, na pakabalilo bulo aka Antipasi, ukaboni wane umusubiliwa yula, yuyo akaghoghiwa, kuko u Satana akwikalako.

Ubuvumbuli 2:2

“Invimenye vyosi vivyo ukubomba. Nkumenye ukwiyula kwako nu bufisalyoyo bwako, sona imenye ukuti utakubennya bulo abantu abambibi. Abantu babo bakwinena bene ukuti batumiwa, loli bate batumiwa, wabayela nukubagha ukuti bamyasi.

Ubuvumbuli 2:24

“Loli amwe mwe bantu abanji aba muchipanga icha mu Tiyatila mutakonkite ichimanyisyo ichibibi ichi. Mutamanyiyeko zizyo abene bakuti izyakubusyefu izya Satana. Nkubabuzya ukuti ntakwiza pakonjelezya ukatundu uyunji papinyu.

Ubuvumbuli 3:9

Balipo abantu bamo muchipanga icha Satana, babo bakwinena bene ukuti ba Yuda, loli bate ba Yuda, awe. Abantu banaba nkwiza pakubapela ukuti bize kukwako nukulamba pasi pa nyayo zyako. Bosi bakwiza pakumanya ukuti ane nkughanite.

Ubuvumbuli 7:14

Nkamwamula nkati, “Mwene wane, wewe uzimenye.” Po akambuzya akati, “Aba bo bantu babo bapona pakuvwimiwa ukukulu nkani. Bachapite inkazo zyabo nukwiswefya bene ni banda ilya Mwana uwa ng'ozi.