Ubuvumbuli 2:7 - IBAYIBOLO 2024

⁷ “Umuntu wesi yuyo ali na makutu, ivwe zizyo u Muzimu Umuzelu akuvibuzya ivipanga. “Umuntu wesi yuyo akupota, nkwiza pakumwitikizya ukuti alyanje ivikomwa ivya mwikwi ilya bumi, lilyo lili mumughunda uwa Chala.

Ulufingo Ulupya

⁷ “Umuntu wesi yuyo ali na makutu, ivwe zizyo u Muzimu Umuzelu akuvibuzya ivipanga.” “Umuntu wesi yuyo akupota, inkwiza pakumwitikizya ukuti alyanje ivikomwa ivya mwikwi ilya bumi, lilyo lili mumughunda uwa Chala.”

Ubuvumbuli 2:7 Iomraidhean Croise

Ubwandilo 2:9

U Mwene u Chala akamezya amakwi amiza aghakulekanalekana nukupa ivikomwa ivyiza. Pakasikasi pa mughunda ghulaghula pakaba ikwi ilyakupa ubumi, sona nikwi ilyakumanyila ubwiza nu bubibi.

Ivyili 11:30

Inkalo inyiza yili ngati likwi ilipela bumi, loli ivyongo vikughogha.

Ivyili 13:12

Nanti chicho umuntu akuchilindilila chapotwa, amaka ghakumuwilagha, loli nanti chicho umuntu achilindililagha chabombiwa, chikuba ngati lyo likwi ilya bumi.

Ivyili 15:4

Akanenele akiza kakuba ngati lyo likwi ilya bumi, loli amazyu amazimbuli ghakughuvulazya umoyo uwa muntu.

Ivyili 3:18

Amahala lyo likwi ilipela bumi ilya babo bakughafukatila, babo bakughakakatila bakuba basayiwa.

Ezekiyeli 28:13

Ukikalagha mu Edeni mumughunda uwa Chala, ichakuvwala chako chosi chikayaniziwa nibwe ilya mutengo, ilya lubi nilya topazi nilya emeladi nilya kilisolite nilya onikisi nilya yasipala nilya safile nilya tukoyizi sona nilya belili. Ivyakubikamo amabwe ghanagha vikaba vya golide. Pisiku lilyo ukapeliwanga ivintu vinivi vikayaniziwa.

Ezekiyeli 31:8

Litakabapo nalimolimo ikwi ilya mwale mumughunda uwa Chala, lilyo likayana nikwi lila, pamo ukuvwinka ukwa samba izya payini, pamo amakwi aghanji agha kuyana nikwi lila. Litakabamo nalimolimo ikwi mumughunda uwa Chala, lilyo akabonekele akiza likayana nalyo.

Matayi 11:15

Yuyo ali na makutu aghakwivwila, ivwe!

Matayi 13:43

Po abantu aba Chala bakwiza pakulama ngati lyo lizuba mu Bumwene ubwa Tata wabo. Yuyo ali na makutu aghakwivwila, ivwe!

Matayi 13:9

U Yesu akati, “Yuyo ali na makutu aghakwivwila, ivwe!”

Maliko 4:9

U Yesu akati, “Yuyo ali na makutu aghakwivwila, ivwe!”

Maliko 7:15

Nachimochimo chicho chikwinjila mumuntu ukufuma kuzi ukwa mubili chicho chikumunyazya, loli chicho chikufuma mumuntu yula cho chicho chikumunyazya.”

Luka 23:43

U Yesu akamubuzya akati, “Naloli nkukubuzya ukuti ilelo ukwiza pakuba nane ku Buzilo ubwa buhobosu kumwanya.”

Luka 8:8

Sona imbeyu zimo zikawila pitope ilyiza; imbeyu zikakula nukwela ivikomwa 100.” Pabumalilo u Yesu akati, “Yuyo ali na makutu aghakwivwila, ivwe!”

Yohani 16:33

Nababuzya zinizi ukuti mubanje nu mutende pakuba poka nane. Ichisu ichapasi chikwiza pakubavwima, loli mujimbe nkani umoyo pakuti nachipota kale ichisu ichapasi!”

1 Aba Kolinti 2:10

Loli u Chala akatuvumbulila ivintu vinivi ukwendela mu Muzimu Umuzelu. Pakuti u Muzimu akwenelezya ivintu vyosi, napapo zingaba inyinong'ono inyibizu izya Chala.

2 Aba Kolinti 12:4

Kulakula umuntu yula akivwa ivintu ivyakusita ukuneniwa, ivintu vivyo umuntu atangavinena nu mulomo.

1 Yohani 2:13

Nkubasimbila amwe mwe batata, pachifukwa ichakuti mumumenye yuyo akabako ukwandila ko kubwandilo. Nkubasimbila amwe mwe balumendo, na mwe balindu pachifukwa ichakuti mwamupota Umubibi yula.

Ubuvumbuli 13:9

Umuntu wesi yuyo ali na makutu aghakwivwila, ivwe!

Ubuvumbuli 14:13

Po nkivwa izyu kumwanya likuti, “Simba uti: Basayiwa abantu babo ukwandila pakabalilo aka bakufwila pambombo iya Mwene.” U Muzimu Umuzelu akuti, “Eee momumo! Bakwiza pakutuzya pambombo zyabo inkafu, pakuti imbombo zyabo inyiza zikubakonka.”

Ubuvumbuli 15:2

Po nkennya chicho chikaboneka ngati yo nyanja iya galasi yonganikiye numoto. Nkennya sona abantu babo bakachipota ichinyamana ni chifwani chache, sona ni nambala iya litabwa lyache. Bakimagha papipi ni nyanja iya galasi, bo balemite munyobe amalonji ghagho u Chala akabapa.

Ubuvumbuli 2:11

“Umuntu yuyo ali na makutu, ivwe zizyo u Muzimu Umuzelu akuvibuzya ivipanga. “Umuntu wesi yuyo akupota, atakwiza pakupalamasiwa nu bufwe ubwabubili.

Ubuvumbuli 2:17

“Umuntu yuyo ali na makutu, ivwe zizyo u Muzimu Umuzelu akuvibuzya ivipanga. “Umuntu yuyo akupota, nkwiza pakumupa ichakulya ichakubusyefu icha mana. Nkwiza pakumupa ibwe iswepu lilyo lisimbiwepo ni tabwa ilipya, lilyo nayumo umuntu yuyo alimenye, loli mwene yuyo akulipokela.

Ubuvumbuli 21:7

Abantu bosi babo bapota bakwiza pakupokela ivintu vinivi. Ane nkwiza pakuba ne Chala wabo, bope bakwiza pakuba bana bane.

Ubuvumbuli 22:14

“Basayiwa abantu babo bakuchapa inkazo zyabo umwakuti babanje nu bulaghili ubwakulyela ivikomwa ivya mwikwi ilya bumi nukwinjila mukaya akakulu nkani ukwendela pamilyango.

Ubuvumbuli 22:17

U Muzimu Umuzelu nu mukolo yuyo akusendwa bakuti, “Zagha!” Umuntu wesi yuyo akwivwa zinizi, wepe anene ati, “Zagha!” Umuntu wesi yuyo ali ni nyota, ize. Umuntu wesi yuyo akughalonda, muleke asende pabulo amizi amapela bumi.

Ubuvumbuli 22:2

Lukadumusannyanga pakasi na pakasi pamusebo uwa akaya akakulu nkani. Kulubazu losi ulwa lusoko lula kukaba ikwi ilya bumi, lilyo likwela ivikomwa aka 12 pa mwaka, umwezi nu mwezi, sona amani ghache ghakuposezya nagho inko izya bantu.