Ubuvumbuli 2:5 - IBAYIBOLO 2024

⁵ Kumbuka namumo ukabela bo utawiye. Pinduka nukuzileka imbibi zyako, ubombaye imbombo zizyo ukabombagha pakwanda. Nanti utakupinduka, nkwiza pakwiza kukwako nukwefyapo ichakubikapo inyale yako pabuzilo bwache.

Ulufingo Ulupya

⁵ Kumbuka namumo ukabela bo utawiye. Pinduka nukuzileka imbibi zyako, ubombaye imbombo zizyo ukabombagha pakwanda. Nanti utakupinduka, inkwiza pakwiza kukwako nukwefyapo ichakubikapo inyale yako pabuzilo bwache.

Ubuvumbuli 2:5 Iomraidhean Croise

Yesaya 1:26

Nkwiza pakubanyosezyemo abalongi, bako ngati mumo bakabela kale, sona na bakukumanyisya amahala pakuba ngati po pabwandilo. Po ukwiza pakwitiziwa ukuti we Kaya akakulu nkani, Akagholosu sona Akasubiliwa.”

Yesaya 14:12

Wawa ukufuma kumwanya, wee lutondwa ulwa pandabindabi, we mwana uwa kubuche! Wasumbiwa pachisu ichapasi, wewe ukaziwisya pasi inko!

Ezekiyeli 20:43

Po mulamula mukwiza pakukumbuka inkalo yinyu ni mbombo zyinyu zyosi zizyo mwinyazya nazyo sona mukwiza pakwibenga mwebene pavintu ivibibi vyosi vivyo mwabomba.

Ezekiyeli 36:31

Po mukwiza pakukumbuka izila zyinyu imbibi nimbombo zyinyu imbibi, sona mukwiza pakuba nisoni pachifukwa icha mbibi zyinyu nivya bunyazu vivyo mukabomba

Hoseya 14:1

Mwee ba Izilayeli, nyokela kwa Mwene u Chala winyu. Imbibi zyinyu zyabawisya!

Hoseya 9:10

“Bo namwagha u Izilayeli nkaba ngati naghagha amampesya munkolongo. Bo nkubennya aba banyenya, nkaba ngati po nkuvyennya ivikomwa ivya kwanda ivya makuyu. Loli bo biza pighamba ilya Baala Pewoli bakipaghulila bene ichifwani icha nkozyasoni, sona mukaba ngati chintu icha mwiko chicho mukachighana.

Malaki 3:4

Po u Mwene akwiza pakuhoboka ni vyakwiyipa ivya bantu aba muchisu icha Yuda naba mu Yelusalemu ngati mumo vikabela mumasiku aghakale, sona na mumaka aghakale.

Malaki 4:6

Akwiza pakubasayannya abawise na bana babo, lumo ningiza nukuchighuna ichisu.

Matayi 5:14

“Amwe mwe lukozyo ulwa bantu aba muchisu ichapasi. Akaya akakulu nkani kako kazengiwe pighamba katangavwama.

Matayi 5:15

Nayumo umuntu yuyo akukozya inyale nukuyikupikila ni sonta. Loli akuyibika pabuzelu, umwakuti yibalamilaye abantu bosi munyumba mula.

Maliko 12:9

U Yesu akalalusya akati, “Nkimba umwenecho uwa mughunda akwiza pakubomba choni? Akwiza pakubaghogha abalimi bala nukubazimya umughunda abalimi abanji.

Luka 1:17

Akwiza pakulongolela kuntazi ukwa Mwene mubuzimu na maka ngati we mulaghuzi u Eliya, sona akwiza pakubamanyannya abapapi na bana babo. Akwiza pakubapindula abasita ukwivwila ukuti babanje bantu bagholosu. Pakubomba bunubu akwiza pakubayannya abantu nizya kwiza ukwa Mwene.”

Luka 20:16

Akwiza pakubaghogha abalimi bala nukubazimya umughunda ghula abalimi abanji.” Bo abantu bivwa zinizi bakati, “Mutakanenaye bunubu.”

Aba Galatiya 5:4

Amwe mwe mukuyezya pakwinena mwebene ukuti mute ninongwa nayimoyimo pamaso pa Chala pakuzikonka Indaghilo, amwe mwisabulako mwebene kwa Kilisitu. Po mwachikana ichisa icha Chala.

Aba Filipi 2:15

umwakuti mubanje bantu abazelu, sona abasita nongwa, nukuba bana aba Chala abasita chilema nachimochimo, babo bakwikala muchisu icha bantu abankulilo mbibi. Mubaghiye mulamaye muchisu ichapasi ukuyana namumo intondwa zikulamila kumwanya,

Aba Hebeli 10:32

Loli mukumbukaye amasiku aghakale ghala, bo mwapokela bulo ulukozyo. Mukumbuke amayimba aminji ghagho mukakomana nagho, loli amayimba ghalaghala ghatakabapota.

2 Pitala 3:17

Polelo bamanyani bane abaghaniwa, pakuti muzimenye kale zinizi, muchebaye ukuti mutakasovyiwe ni mbibi izya bantu ababibi umwakuti mutakawe papo mwimite nkani.

Yuda 1:24

U Chala amenye pakubasunga ukuti mutakawe, sona akubafisya pamaso pabuchindamu bwache, bo muhobokite sona na basita chilema nachimochimo.

Ubuvumbuli 1:20

Ichakubusyefu icha ntondwa seveni zizyo wazyennya munyobe indilo, ni vyakubikapo inyale ivya golide seveni vila cho ichi: Intondwa seveni zila bo bantumi aba vipanga seveni, sona ivyakubikapo inyale ivya golide seveni vila vyo vipanga seveni.

Ubuvumbuli 16:9

Po ichitukivu ichikali chikabocha abantu bala, po abantu bala bakalighuna itabwa ilya Chala, yuyo ali nu bulaghili pa viwaya. Loli batakapinduka nukuzileka imbibi zyabo pamo pakumupala u Chala.

Ubuvumbuli 2:16

Pinduka nukuzileka imbibi zyinyu! Nanti mutakupinduka nkwiza kukwinyu lunulu nukulwa namwe ubwite nupanga yuyo akwete kosi na kosi, sona yuyo akufuma mumulomo wane.

Ubuvumbuli 2:19

“Invimenye vyosi vivyo ukubomba! Indumenye ulughano lwako nu busubiliwa bwako nu bubombeli bwako, sona nu bufisalyoyo bwako. Inzimenye ukuti ilelo ukubomba imbombo inyiza ukuchila namumo ukabombelagha pakwanda.

Ubuvumbuli 2:2

“Invimenye vyosi vivyo ukubomba. Nkumenye ukwiyula kwako nu bufisalyoyo bwako, sona imenye ukuti utakubennya bulo abantu abambibi. Abantu babo bakwinena bene ukuti batumiwa, loli bate batumiwa, wabayela nukubagha ukuti bamyasi.

Ubuvumbuli 3:19

Nkumuchemela nukumufunda umuntu wesi yuyo imughanite. Polelo lamusya, upinduke nukuzileka imbibi zyako.