Ubuvumbuli 2:27 - IBAYIBOLO 2024

²⁷ Akwiza pakubalaghila ni ndisa iya chela, nukubafwantannya ngati yo sonta.

Ulufingo Ulupya

²⁷ Akwiza pakubalaghila ni ndisa iya chela, nukubafwantannya ngati yo sonta.

Ubuvumbuli 2:27 Iomraidhean Croise

Masalimo 49:14

Babukaye kuchisu icha bafwe ngati zyo ng'ozi, ubufwe bukwiza pakuba mudimi wabo. Pandabindabi abantu abagholosu bakwiza pakubalaghilagha, amabili ghabo ghakubola muchisu icha bafwe kako kaya kabo kubutali nutwaya twabo utwiza.

Yesaya 30:14

Po akazepukile kache kali ngati kufwantika ukwa sonta, yiyo yikafwantika akabibi, katakwiza pakwaghiwapo akamenyu kamo akakupalila umoto, pamo akakusembela amizi muchiziba.”

Yelemiya 19:11

Ubabuzye ukuti, ‘U Mwene Uwamaka Ghosi akuti: Nkwiza pakuchifwantannya ichisu ichi nakaya akakulu kanaka ngati mumo umumata isonta akubombela, isonta yiniyi yitangamatiwa sona. Bakwiza pakubasyila abafwe mu Tofeti pakuti butakwiza pakubapo sona ubuzilo ubunji ubwa kubasyililako.

Daniyeli 7:18

Loli abantu abazelu aba kumwanya nkani bakwiza pakubupokela ubumwene sona bukwiza pakubanga bwabo bwila na bwila.’

Daniyeli 7:22

Mupaka Uwavula Intazi yula akafika, po inongwa yikabendela akiza abantu abazelu aba Kumwanya Nkani. Akabalilo kakakwana akakuti abantu abazelu bala bapokele ubumwene.

Matayi 11:27

“Utata wane ampiye ubulaghili ubwa vintu vyosi. Nayumo umuntu yuyo amumenye u Mwana, loli Uwise mwene, sona atalipo umuntu yuyo amumenye Uwise, loli u Mwana mwene, sona na bantu babo u Mwana akubasala ukuti abavumbulile Uwise.

Luka 22:29

ukuyana namumo Utata wane ampeleye ubulaghili ubwakulaghilila, po nane bulo nkwiza pakubapa ubulaghili bunubu.

Yohani 17:24

“Wee Tata, nkulonda ukuti abantu babo umpiye babanje nane kuko indi, umwakuti bangennya ubuchindamu bwane, bubo ukampa pakuti ukangana bo ni chisu chichili pakupeliwa.

Ubuvumbuli 12:5

Po akapapa umwana umulumendo, yuyo akwiza pakulaghila abantu abaluko losi ni ndisa iya chela. Loli umwana yula akazompoliwa nukubuka nawe kwa Chala, sona na ku chitengo chache icha bumwene.

Ubuvumbuli 19:15

Mumulomo wache mukafuma upanga yuyo akwete nkani, uwakupotela abantu aba inko izyakulekanalekana. Akwiza pakubalaghila ni ndisa yache iya chela, sona akwiza pakukanyannya amampesya muchiliba ichakukanyilamo amampesya icha bukali ubwa Chala Uwamaka Ghosi.