Ubuvumbuli 2:25 - IBAYIBOLO 2024

²⁵ Loli amwe mulemezye nkani chicho muli nacho mupaka nize.

Ulufingo Ulupya

²⁵ Loli amwe mulemezye nkani chicho muli nacho mupaka nize.

Ubuvumbuli 2:25 Iomraidhean Croise

Yohani 14:3

Sona bo nabuka pakubayanizya ubuzilo, nkwiza sona pakubasenda, umwakuti kuko indiko, ko kuko namwe bulo mubanje.

Imbombo 11:28

Yumo uwa balaghuzi bala, yuyo akaba we Agabasi, akimilila na maka agha Muzimu Umuzelu akalaghula ukuti izala inkulu yikaba papipi pakuwa muchisu chosi ichapasi. (Naloli yikawa pakabalilo aka Mwene u Kalabudiyasi)

Aba Loma 12:9

Ulughano lutakabanje lwa buzimbuli. Muchibengaye chicho chibibi, loli muchilemelele chicho chiza.

1 Aba Kolinti 11:26

Pakuti akabalilo kosi kako mukulya ichibama ichi, sona nukung'wela ulubako ulu, po mukufumusya ubufwe ubwa Mwene mupaka ukwiza kwache.

1 Aba Kolinti 4:5

Polelo mutakamulongaye nayumo umuntu, bo na kabalilo akiza katafikite. Mulindililaye mupaka u Mwene ize. Umwene akwiza pakuvumbula pabuzelu ivintu vivyo vifisiwe muchisi. Akwiza pakuvumbula sona inyinong'ono izya bantu. Pakabalilo kalakala umuntu wesi akwiza pakupokela amapalo agha Chala.

1 Aba Tesalonika 5:21

loli muviyelaye ivintu vyosi. Mukakatile ichintu chicho chiza.

Aba Hebeli 10:23

Zagha tulemezye ulusubilo lwitu lulo tukwitika, pakuti tungamusubila u Chala pachifukwa ichakuti, akusungilila ilayizyo lyache.

Aba Hebeli 3:6

Loli u Kilisitu akaba Mwana umusubiliwa mu Nyumba iya Chala. Aswe twe nyumba yache, nanti tukwendelela pakuba bajivu nkani nukusunga ulusubilo lwitu muvintu vivyo tukuvilindilila.

Aba Hebeli 4:14

Polelo pakuti tuli nu muputi usongo yuyo akabuka mupaka ukufika kumwanya, yuyo we Yesu u Mwana uwa Chala, po zagha tulemezye nkani ulwitiko lwitu lulo tukwitika.

2 Pitala 3:10

Loli isiku ilya Mwene likwiza ngati mwiba. Pisiku lilalila ivintu vyosi ivya kumwanya vikwiza pakumala ni chongo ichakoghofya. Ivintu vyosi vikwiza pakusunguluka numoto, sona ichisu ichapasi chope ni vintu vyosi vikwiza pakuba pabuzelu.

Ubuvumbuli 1:7

Ennya, akwiza mu mabingu! Umuntu wesi akwiza pakumwennya, sona na bope bosi babo bakamulasa. Abantu abaluko losi muchisu ichapasi bakwiza pakulila pachifukwa icha yuyo. Umu momumo kukwiza pakubela. Ameni.

Ubuvumbuli 22:20

Yuyo akusimikizya ivintu vyosi vinivi akuti, “Naloli! Nkwiza lunulu.” Ameni! Mwene Yesu, zagha!

Ubuvumbuli 22:7

U Yesu akuti, “Ivwa kuno! Nkwiza lunulu! Basayiwa abantu babo bakughivwila amazyu aghabulaghuzi ghagho ghali mwibuku linili.”

Ubuvumbuli 3:11

Nkwiza losi ulu. Ulemezye nkani chicho uli nacho, umwakuti atakabepo nayumo umuntu uwakukufyula impumpu yako.

Ubuvumbuli 3:3

Po ukumbuke zizyo ukamanyisiwa, sona na zizyo ukivwa. Uzyivwile, upinduke nukuzileka imbibi zyako. Nanti utakulamusya, nkwiza pakukwizila ngati ne mwiba, sona utakwiza pakukamanya akabalilo kako nkwiza pakukwizila.