Ubuvumbuli 2:23 - IBAYIBOLO 2024

²³ Nkwiza pakubaghogha abantu babo bakendagha nawe, po ivipanga vyosi vikwiza pakumanya ukuti ane nene nkughamanya amoyo ghabo, sona ni nyinong'ono zyabo. Nkwiza pakumulipila umuntu wesi ukuyana ni mbombo zyache.

Ulufingo Ulupya

²³ Nkwiza pakubaghogha abantu babo bakendagha nawe, po ivipanga vyosi vikwiza pakumanya ukuti ane nene inkughamanya amoyo ghabo, sona ni nyinong'ono zyabo. Inkwiza pakumulipila umuntu wesi ukuyana ni mbombo zyache.

Ubuvumbuli 2:23 Iomraidhean Croise

1 Imbili 17:18

“Nkimba u Devedi anganena sona ichoni, pakuti wanchindika? Awe umenye nkani ane ne mubombi wako.

1 Imbili 28:9

“Wee mwana wane Solomoni, umwivwilaye nukumubombela u Chala uwa ghuso nu moyo wako ghosi pakuti u Mwene azimenye inyinong'ono izya muntu na kabombele kache. Nanti ukumulondelezya, ukwiza pakumwagha, loli nanti ukumusula, wepe akwiza pakukukana bwila na bwila.

1 Imbili 29:17

Wee Chala wane, inzimenye ukuti ukwennya mumoyo uwa muntu sona ukuhoboka na bantu aba bwanaloli. Niyipa nukubika nu moyo ghosi sona na mubwanaloli, sona nabennya abantu namumo biyipila na moyo ghabo ghosi sona nu mwakuhoboka nkani.

2 Imbili 6:30

ivwa uko kumwanya kuko ukwikala nukubahobokela abantu bako sona bombapo zimo ukuyana na zyosi zizyo umuntu wesi abomba, pakuti awe uzimenye inyinong'ono izya bantu.

Yobu 24:23

Angabitikizya abantu ababibi ukuti batuzyanje umwakufwasa, loli amaso ghache ghakwennya akendele kabo.

Masalimo 139:1

Wee Mwene wandondelezya akiza, sona umenye akiza nkani.

Masalimo 26:2

Wee Mwene, njezya nukumpima. Sona ughupime umoyo wane ni nyinong'ono zyane zyope.

Masalimo 44:21

nkimba ngali u Chala atakazyaghannya zinizi, pakuti azimenye izya kubusyefu bosi ubwa moyo uwa muntu?

Masalimo 62:12

Ichinji chakuti awe Mwene, we lughano, pakuti naloli ukwiza pakumupa umuntu wesi umuvwalo, ukuyana ni mbombo zyache.

Masalimo 7:9

Wee Chala umugholosu, we uzimenye inyinong'ono nu moyo uwa muntu, zimizya imbombo izya bantu ababibi, sona ubikazyanje abagholosu.

Yelemiya 11:20

Loli wee Mwene Uwamaka Ghosi, wewe ukulongela mubugholosu uzimenye izya mumoyo na munyinong'ono, leka nennye ukutanizya kwako pabantu aba, pakuti nayibika inongwa yane kukwako.

Yelemiya 17:10

“Ane ne Mwene nkwenelezya inyinong'ono, nukughupima umoyo, nkumupa umuntu umuvwalo ukuyana ni nkalo yache, sona ukuyana ni mbombo zyache.”

Yelemiya 20:12

Wee Mwene Uwamaka Ghosi, wewe ukubayela abagholosu, ukuzyennya zizyo zili mumoyo ghabo na munyinong'ono zyabo. Leka nennye ukutanizya kwako papabo, pakuti nayibika inongwa yane munyobe zyako.

Zefaniya 1:11

“Lilagha, amwe mwe mukwikala muminalo, abaghulizi binyu bosi bakwiza pakuzimila, sona bosi babo bakughulizya u siliva bakwiza pakunangika.

Matayi 16:27

Pakuti u Mwana uwa Muntu ali papipi pakwiza mubuchindamu ubwa Wise poka na bantumi bache, po akwiza pakumupa umuvwalo umuntu wesi ukuyana ni mbombo zyache.

Luka 16:15

U Yesu akanena nabo akati, “Mwighanite pakwinena mwebene ukuti mwe bagholosu pamaso pabantu, loli u Chala aghamenye amoyo ghinyu. Pakuti chicho abantu bakuti chapamwanya nkani, pamaso pa Chala chite ni mbombo nayimoyimo.

Yohani 21:17

U Yesu akanena akabutatu akati, “Simoni umwana uwa Yohani, nkimba unganite?” U Pitala akaba ni chitima pachifukwa ichakuti u Yesu akamulalusya akabutatu akati, “Nkimba unganite?” Po u Pitala akati, “Mwene, awe uzimenye zyosi. Uzimenye ukuti ane nkughanite.” U Yesu akamubuzya akati, “Lyesya ing'ozi zyane.

Yohani 4:16

U Yesu akamubuzya umukolo yula ukuti, “Bukagha umwitizye umulume wako nukwiza nawe kuno.”

Imbombo 1:24

Po bakiputa ukuti, “Wee Mwene, uzimenye inyinong'ono izya muntu wesi, po tulanjizye weka pa babili aba yuyo umusalite,

Aba Loma 14:12

Polelo umuntu wesi mumwitu akwiza pakunena pamwene kwa Chala vyosi vivyo akabomba.

Aba Loma 8:27

Sona u Chala yuyo akwenelezya mukasi mumoyo ghitu, azimenye mumo zibeleye inyinong'ono izya Muzimu Umuzelu pakuti u Muzimu Umuzelu akubiputila abantu bache abazelu ukuyana nu bwighane bwache.

2 Aba Kolinti 5:10

Pakuti twebosi tubaghiye twime pamaso pa Mulongi u Kilisitu. Umuntu wesi akwiza pakupokela chicho chimubaghiye, ichiza pamo ichibibi, ukuyana namumo akabombezyanga umubili wache pachisu ichapasi pano.

Aba Galatiya 6:5

Pakuti umuntu wesi anyamulaye ukatundu uwache nu wache.

Ukukumbusya Amalamulo 13:11

Po aba Izilayeli bakwiza pakwivwa zizyo zyabombiwa nukuba nubogha, sona nayumoyumo umuntu uyunji pakasi papinyu akwiza pakuchela sona ukubomba ububibi bunubu.

Ukukumbusya Amalamulo 17:13

Umuntu wesi yuyo akwiza pakwivwa zinizi, akwiza pakuba nubogha, po atangachela sona pakubomba bunubu.

Ukukumbusya Amalamulo 19:20

Umuntu wesi yuyo akwiza pakwivwa zinizi, akwiza pakuba nubogha, po nayumo atangachela pakubomba sona bunubu.

Ukukumbusya Amalamulo 21:21

Po abanavuli bosi aba mukaya mula bamughoghe na mabwe. Bunubu mukwiza pakwefya ububibi pakasi papinyu. Aba Izilayeli bosi bakwiza pakwivwa zinizi nukuba nubogha.

Aba Hebeli 4:13

Pantazi pa Chala katalipo nakamo kako kafisiwe. Ivintu vyosi vili pabuzelu bulo, sona vili pa bwazi pantazi papache yuyo tubaghiye tumulingannye vyosi vivyo twabomba.

1 Pitala 1:17

U Chala yuyo mukumwitizya ukuti Tata atakubomba ivintu pakwennya icheni, loli akubalonga abantu ukuyana ni mbombo zyabo. Polelo mubaghiye pakumuchindika u Chala pakabalilo kako mukwikala ngati mwe bayeni muchisu ichapasi.

Ubuvumbuli 2:11

“Umuntu yuyo ali na makutu, ivwe zizyo u Muzimu Umuzelu akuvibuzya ivipanga. “Umuntu wesi yuyo akupota, atakwiza pakupalamasiwa nu bufwe ubwabubili.

Ubuvumbuli 2:7

“Umuntu wesi yuyo ali na makutu, ivwe zizyo u Muzimu Umuzelu akuvibuzya ivipanga. “Umuntu wesi yuyo akupota, nkwiza pakumwitikizya ukuti alyanje ivikomwa ivya mwikwi ilya bumi, lilyo lili mumughunda uwa Chala.

Ubuvumbuli 20:12

Nkennya sona abantu abafwe, abasongo na banandi bulo pantazi pachitengo icha bumwene. Amabuku ghakighuliwa, po ibuku ilinji likighuliwa, ili lyo libuku ilya bumi. Abantu abafwe bakalongiwa ukuyana ni mbombo zyabo zizyo bakabombagha vivyo vikasimbiwa mumabuku ghalaghala.

Ubuvumbuli 20:13

Po inyanja yikafumya abantu abafwe, babo bakaba mulamula. Ubufwe ni chisu icha bantu abafwe, vyope vikabafumya abantu abafwe babo bakaba mulamula. Po umuntu wesi akalongiwa ukuyana ni mbombo zyache zizyo akabomba.

Ubuvumbuli 22:12

U Yesu akati, “Ivwa kuno! Nkwiza lunulu! Nkwiza nu muvwalo wane pakumupa umuntu wesi ukuyana ni mbombo zyache.

Ubuvumbuli 6:8

Nkenelezya nukuyennya ifalasi imbufu. Uwakukwelapo akaba we bufwe, sona ichisu icha bantu abafwe chikamukonkagha mwisinda. Bakapeghiwa ubulaghili pachigaba choka icha vigaba folo ivya chisu ichapasi ukuti baghoghe nupanga, nizala, ni chiwaya, sona ni vinyamana ivikali ivya muchisu ichapasi.

1 Samuweli 16:7

Loli u Mwene akamubuzya u Samuweli akati, “Utakennyanje akabonekele kache, pamo ubutali bwache, pakuti ane namukana. U Mwene atakwennya ukuyana namumo abantu bakwenezezya. Abantu bakwennya akabonekele, loli u Mwene akwennya mumoyo.”