Ubuvumbuli 2:22 - IBAYIBOLO 2024

²² Polelo nkwiza pakumusumbila pachitala nu bubine poka na bantu babo bakalowa nawe. Nkwiza pakubapelela amayimba aminji nkani, nanti batakupinduka nukuleka imbibi zizyo bakabombagha nawe.

Ulufingo Ulupya

²² Polelo inkwiza pakumusumbila pachitala nu bubine poka na bantu babo bakalowa nawe. Inkwiza pakubapelela amayimba aminji nkani, nanti batakupinduka nukuleka imbibi zizyo bakabombagha nawe.

Ubuvumbuli 2:22 Iomraidhean Croise

Yelemiya 36:3

Pamo bo aba Yuda bivwa nizya ntamyo zizyo nkwinong'ona pakubawisizya umwakuti umuntu wesi anyokeko ku zila zyache imbibi, po ane nkwiza pakubahobokela ku bubibi bwabo bosi sona na kumbibi zyabo.”

Ezekiyeli 23:29

Bakwiza pakukubombela ivipalapala nukukufyula vyosi vivyo ukiyula. Bakwiza pakukuleka nkule, po umubili uwa bwamalaya bwako bakwiza pakughuleka bo utavwete nachimochimo.

Ezekiyeli 33:11

Ubabuzye ukuti, ‘U Mwene Uwamaka Ghosi ati: Naloliloli nkulapa, intakuhoboka nimfwa iya muntu umubibi, loli nkuhoboka nanti akuzileka imbibi nukuba nubumi. Mwee ba Izilayeli nyokako nukuzileka izila zyinyu imbibi! Nkimba mukufwilachi?’

Zefaniya 3:7

Nkakabuzya akaya akakulu nkani nkati, ‘Naloliloli ukwiza pakunnyila nukwitika ukuchemela kwane!’ Po akaya kache katangananganika, pamo ukuti ulufundo lwane lukawile. Loli pope bulo bakaba bengo nkani pakubomba ivyamabeko vyabo vyosi.

Luka 13:3

Awe! Nkubabuzya ukuti nanti mutakupinduka nukuzileka imbibi zyinyu mwebosi mukwiza pakufwa ukuyana namumo bakafwila.

Luka 13:5

Awe! Nkubabuzya ukuti nanti mutakupinduka nukuzileka imbibi zyinyu mwebosi mukwiza pakufwa ukuyana namumo bakafwila.”

2 Aba Kolinti 12:21

Nkunyila ukuti bo niza sona kukwinyu u Chala wane akwiza pakunkozya isoni pantazi papinyu, po nkwiza pakubalilila abantu abinji babo bakananga kale, loli batakapinduka nukuzileka imbibi zyabo, ni vinyonywa vyabo, sona nu bwamalaya bwabo bubo babombagha.

Ubuvumbuli 17:2

Abamwene aba muchisu ichapasi bakalowa nawe, sona abantu aba muchisu ichapasi bakalowa pakung'wela uvinyo uwa bulowe bwache.”

Ubuvumbuli 18:3

Ivyisu vyosi vyang'wela uvinyo wache, uvinyo umukali uwa bwamalaya bwache. Abamwene aba muchisu ichapasi bakalowa nawe, sona abaghulizi aba muchisu ichapasi bakaba bakabi pachifukwa icha bumi bwache ubwamwalwemwalwe.”

Ubuvumbuli 18:9

“Abamwene aba muchisu ichapasi babo bakalowa nawe bakwiza pakukalilila nukukafwifwitilila akaya akakulu nkani kala, bo bakulyennya ilyosi ilya moto ghugho ghukumulungulizya.

Ubuvumbuli 2:5

Kumbuka namumo ukabela bo utawiye. Pinduka nukuzileka imbibi zyako, ubombaye imbombo zizyo ukabombagha pakwanda. Nanti utakupinduka, nkwiza pakwiza kukwako nukwefyapo ichakubikapo inyale yako pabuzilo bwache.