Ubuvumbuli 2:19 - IBAYIBOLO 2024

¹⁹ “Invimenye vyosi vivyo ukubomba! Indumenye ulughano lwako nu busubiliwa bwako nu bubombeli bwako, sona nu bufisalyoyo bwako. Inzimenye ukuti ilelo ukubomba imbombo inyiza ukuchila namumo ukabombelagha pakwanda.

Ulufingo Ulupya

¹⁹ Invimenye vyosi vivyo ukubomba! Indumenye ulughano lwako nu busubiliwa bwako nu bubombeli bwako, sona nu bufisalyoyo bwako. Inzimenye ukuti ilelo ukubomba imbombo inyiza ukuchila namumo ukabombelagha pakwanda.

Ubuvumbuli 2:19 Iomraidhean Croise

Yobu 17:9

Pope bulo, abagholosu bakwenda muzila zyabo, po yuyo musita chifukwa akukula wamaka.

Masalimo 92:14

Napapo bangaghosipa, pope bulo bakwiza pakwela ivikomwa, ghakwiza pakuba mabisi sona ghamaka.

Ivyili 4:18

Izila iya bagholosu yili ngati ko kubuche, kuko kukulama nkani mupaka izuba lyafika pamutu.

Luka 1:23

Bo akabalilo kache aka mbombo mu Nyumba iya Chala kamala, u Zekaliya akanyokela kukaya.

Yohani 15:2

Akudumula papane akasamba kosi kako katakwela ivikomwa, loli akupalantila akasamba kosi kako kakwela ivikomwa, umwakuti kele ivikomwa ivyinji.

Aba Kolosi 3:14

Ukonjelezyapo pavyosi vinivi, mubanje nu lughano, pakuti ulughano lo lulo lukumamatizya poka vyosi umwakufikapo.

1 Aba Tesalonika 3:6

Loli ilelo u Timoti abwelako kukwinyu, sona atwizila ni pangwi ilyiza nizya lwitiko nu lughano lwinyu. Atubuzya aswe ukuti bwila mukutwinong'onela akiza, sona nukuti mukulonda nkani ukutwennya ukuyana namumo naswe bulo tukulondela pakubennya.

2 Aba Tesalonika 1:3

Bakamu bitu, tubaghiye pakumupalizya u Chala akabalilo kosi pachifukwa icha mwemwe. Chitubaghiliye sona pakubomba bunubu, pachifukwa ichakuti ulwitiko lwinyu lukukula nkani, sona nukuti mughananite nkani mwebosi.

1 Timoti 1:5

Loli ifundo iyakubapela indaghilo izi yakuti abitiki bosi babanje nu lughano, lulo lukufuma mumoyo umuzelu nu mabyebye umwiza, sona nu lwitiko ulwenecho.

1 Pitala 4:8

Pamwanya pa vyosi mughananaye mwebene nu lughano ulwakufikapo, pakuti ulughano lukuzikupikila imbibi inyinji nkani.

2 Pitala 1:7

Pakumwiputa kwinyu u Chala monjelezyepo ichisa icha bukamu, sona pachisa icha bukamu monjelezyepo ulughano.

2 Pitala 3:18

Loli endelela pakukula muchisa na mumahala agha Mwene, yuyo Mupoki witu u Yesu Kilisitu. Ubuchindamu bubanje kukwache ilelo mupaka bwila na bwila! Ameni.

Ubuvumbuli 2:13

“Inzimenye ukuti kuko ukwikala, ko kuko kuli ichitengo icha bumwene ubwa Satana. Awe we musubiliwa kukwane, sona utakalutaghe ulwitiko lwako mumwane, na pakabalilo bulo aka Antipasi, ukaboni wane umusubiliwa yula, yuyo akaghoghiwa, kuko u Satana akwikalako.

Ubuvumbuli 2:9

“Intamyo zyako inzimenye nu bupina bwako bope imbumenye, loli we mukabi. Ingumenye umusamu uwa bantu babo bakwinena bene ukuti ba Yuda, po bate ba Yuda, loli ba chipanga icha Satana.