Ubuvumbuli 2:18 - IBAYIBOLO 2024

¹⁸ “Uwantumi uwa muchipanga icha mu Tiyatila umusimbile uti, “Amazyu ghagho ghaneniwa nu Mwana uwa Chala, yuyo amaso ghache ghakumekuka ngati gho moto, sona yuyo inyayo zyache zikulama ngati cho chela, gho agha:

Ulufingo Ulupya

¹⁸ “Uwantumi uwa muchipanga icha mu Tiyatila umusimbile uti: Amazyu ghagho ghaneniwa nu Mwana uwa Chala, yuyo amaso ghache ghakumekuka ngati gho moto, sona yuyo inyayo zyache zikulama ngati cho chela, gho agha:

Ubuvumbuli 2:18 Iomraidhean Croise

Masalimo 2:7

Nkwiza pakuzifumusya indaghilo izya Mwene ukuti, “Awe we mwana wane, ilelo naba ne ghuso.

Daniyeli 10:6

Umubili wache ghukanyezimilagha ngati mabwe aghamutengo, icheni chache chikalamagha ngati kamesya, amaso ghache ghakakagha ngati nkozyo, zyope inyobe ni vinama vikanyezimilagha ngati mukuba, izyu lyache likivwikagha ngati chilundilo icha bantu.

Matayi 17:5

Bo u Pitala achili akunena, ibingu ilyakulama likabakupikila, sona izyu likivwika mwibingu likati, “Uyu Mwana wane umughaniwa, yuyo ihobokite nkani nawe. Mumwivwilaye!”

Matayi 27:54

Bo usongo uwa basilikali poka na basilikali babo bakamulindililagha u Yesu, bennya akasenyenta na vyosi vivyo vikabombiwa, bakanyila nkani nukuti, “Naloli uyu akaba Mwana uwa Chala!”

Matayi 3:17

Po izyu likivwika kumwanya likati, “Uyu Mwana wane umughaniwa, yuyo ihobokite nkani nawe.”

Luka 1:35

Uwantumi yula akamula akati, “U Muzimu Umuzelu akwiza papako, sona ukwiza pakwizula na maka agha Chala. Pachifukwa chinichi u Mwana umuzelu yuyo ukwiza pakupapa, akwiza pakwitiziwa Mwana uwa Chala.

Yohani 1:14

Yuyo akitiziwanga ukuti we Mazyu akanduka muntu nukwikala pakasi papitu. Akizula ni chisa nu bwanaloli. Tukabwennya ubuchindamu bwache, ubuchindamu bubo akapokela ngati we Mwana mwene na mwene uwa Wise.

Yohani 1:49

U Nataniyele akamwamula akati, “Wee Mumanyisi, we Mwana uwa Chala! We Mwene uwa ba Izilayeli.”

Yohani 10:36

Ane, u Tata akansala nukuntuma muchisu ichapasi. Po nkimba munganena bulibuli ukuti nkumusamula u Chala bo nkanena ukuti ne Mwana uwa Chala?

Yohani 3:16

Pakuti u Chala akabaghana nkani abantu aba muchisu ichapasi, umwakuti akabapa u Mwana wache mwene na mwene, kokuti umuntu wesi yuyo akumusubila atakafwanje, loli abanje nubumi ubwa bwila na bwila.

Yohani 3:18

“Umuntu wesi yuyo akumusubila u Mwana atakulongiwa, loli yuyo atakumusubila alongiwa kale pachifukwa ichakuti atamusubiye u Mwana mwene na mwene uwa Chala.

Yohani 5:25

Naloli nkubabuzya ukuti akabalilo kakwiza, sona kizite kale, kako abafwe bakwiza pakwivwa izyu ilya Mwana uwa Chala, po bosi babo bakulyivwa bakwiza pakuba nubumi.

Imbombo 16:14

Weka uwa babo bakateghelezyanga akaba we Lidiya uwa mukaya aka Tiyatila. Akaghulizyanga amenda amachesamile, sona akaba mukolo yuyo akamwiputagha u Chala. U Mwene akamwighula umoyo wache ukuti ateghelezye zizyo u Pabuli akanenagha.

Imbombo 8:36

Bo bakwenda, bakafika pabuzilo bumo bubo pakaba amizi. Po ikambala lila likanena likati, “Ennya, pano pali amizi. Nkimba choni chicho chingankanizya ukuti noziwe?”

Aba Loma 1:4

loli ukuyana nu buzelu sona nu bwachala bwache, akalanjiziwa na maka amakulu nkani pakuba Mwana uwa Chala pakumuzyusya kubufwe.

Aba Loma 8:32

Ate we Chala, awe, yuyo atakatwima u Mwana wache, loli akamubika ukuti chibanje chakwiyipa pachifukwa icha twebosi! Akatupa u Mwana wache, nkimba atangatupa sona pabulo ivintu vyosi?

Ubuvumbuli 1:11

Izyu lilalila likati, “Simba mwibuku vivyo ukuvyennya, uvitumile ivipanga seveni: Ichipanga icha mu Efeso, nicha mu Similina, nicha mu Peligamu, nicha mu Tiyatila, nicha mu Salidisi, nicha mu Filadefiya, sona nicha mu Labodikiya.”

Ubuvumbuli 2:1

“Uwantumi uwa muchipanga icha mu Efeso umusimbile uti, “Amazyu ghagho ghaneniwa na yuyo alemite intondwa seveni munyobe yache indilo, sona yuyo akwenda pakasi pa vyakubikapo inyale izya golide seveni gho agha:

Ubuvumbuli 2:24

“Loli amwe mwe bantu abanji aba muchipanga icha mu Tiyatila mutakonkite ichimanyisyo ichibibi ichi. Mutamanyiyeko zizyo abene bakuti izyakubusyefu izya Satana. Nkubabuzya ukuti ntakwiza pakonjelezya ukatundu uyunji papinyu.