Ubuvumbuli 2:17 - IBAYIBOLO 2024

¹⁷ “Umuntu yuyo ali na makutu, ivwe zizyo u Muzimu Umuzelu akuvibuzya ivipanga. “Umuntu yuyo akupota, nkwiza pakumupa ichakulya ichakubusyefu icha mana. Nkwiza pakumupa ibwe iswepu lilyo lisimbiwepo ni tabwa ilipya, lilyo nayumo umuntu yuyo alimenye, loli mwene yuyo akulipokela.

Ulufingo Ulupya

¹⁷ “Umuntu yuyo ali na makutu, ivwe zizyo u Muzimu Umuzelu akuvibuzya ivipanga. “Umuntu yuyo akupota, inkwiza pakumupa ichakulya ichakubusyefu icha mana. Inkwiza pakumupa ibwe iswepu lilyo lisimbiwepo ni tabwa ilipya, lilyo nayumo umuntu yuyo alimenye, loli mwene yuyo akulipokela.”

Ubuvumbuli 2:17 Iomraidhean Croise

Masalimo 25:14

U Mwene akuba mumanyani uwa bantu babo bakumwivwila, po akubavumbulila ulufingo lwache.

Masalimo 36:8

Bakwikuta ni vinoni ivya munyumba yako, sona ukubangw'esya amizi agha mulusoko ulwalusayo lwako.

Ukufuma 16:33

U Mozesi akamubuzya u Aloni akati, “Senda isonta nukubikamo umana uwa kukwana amalita mabili. Uyibike pamaso pa Mwene ukuti yisungiwe nukubalanjizya abaluko lwinyu babo bakwiza muntazi.”

Ivyili 14:10

Umoyo ghuzimenye zizyo zikumubaba umuntu, po atalipo nayumoyumo yuyo angagabana ukuhoboka kwache nu muntu uyunji.

Ivyili 3:32

Pakuti u Mwene amubengite umuntu umubibi, loli akusayana nu muntu umugholosu.

Yesaya 56:4

Pakuti izi zyo zizyo u Mwene akunena, “Ku bantu abapase babo bakulisunga Isiku Ilyakutuzya, nukusala vivyo vikunhobosya sona nukulemezya ulufingo lwane

Yesaya 56:5

nkwiza pakubapa itabwa ni mbili inyiza, pakasi pabana abalumendo na balindu, munyumba yane nivibumba vyache. Nkwiza pakubapa itabwa ilya bwila na bwila, lilyo litakwiza pakudumuliwa nalumolumo.

Yesaya 62:2

Inko zikwiza pakubwennya ubugholosu bwako! Abamwene babo bakwiza pakubwennya ubuchindamu bwako. Ukwiza pakwitiziwa nitabwa ipya, lilyo u Mwene akwiza pakubitizya.

Yesaya 65:13

Polelo u Mwene Uwamaka Ghosi akuti, “Ababombi bane bakwiza pakulya, loli amwe mukwiza pakuba nizala, ababombi bane bakwiza pakung'wela, loli amwe mukwiza pakubanga ninyota, ababombi bane bakwiza pakusekela, loli amwe mukwiza pakukoziwa isoni.

Yesaya 65:15

Mukwiza pakubalekela abasaliwa bane, itabwa lyako ilya chighune, po u Mwene Uwamaka Ghosi akwiza pakukughogha. Loli ababombi bache akwiza pakubita itabwa ilinji.

Matayi 13:11

U Yesu akamula akati, “U Chala abavumbulila vivyo vifisiwe ivya Bumwene ubwa Kumwanya, loli abantu bosi abanji, awe.

Yohani 4:32

Loli u Yesu akamula akati, “Indi nacho ichakulya chicho mutachimenye.”

1 Aba Kolinti 2:14

Umuntu yuyo ate nu Muzimu, atangavipokela ivyabupi vivyo u Muzimu uwa Chala akupa pakuti kukwache vya bupunganu sona atangavyaghannya, pachifukwa ichakuti mwene yuyo ali nu Muzimu, weyuyo angavyaghannya ivya buzimu.

Aba Kolosi 3:3

Pakuti kale mukafwa, sona ubumi bwinyu bufisiwe poka nu Kilisitu mwa Chala.

Ubuvumbuli 14:3

Abantu 144,000 bala bakimbagha ulwimbo ulupya pantazi pachitengo icha bumwene, na pantazi pa vipeliwa ivyabumi folo, sona na pamaso pa basongo. Atakabapo nayumo umuntu, yuyo akamanyilapo ulwimbo lula, loli abantu 144,000 bene, babo bakapokiwa pakasi pabantu aba muchisu ichapasi.

Ubuvumbuli 19:16

Pa nkazo yache sona na pantapatapa pakasimbiwapo itabwa ilyakuti, “Umwene uwa bamwene, sona Umulaghili uwa balaghili.”

Ubuvumbuli 2:11

“Umuntu yuyo ali na makutu, ivwe zizyo u Muzimu Umuzelu akuvibuzya ivipanga. “Umuntu wesi yuyo akupota, atakwiza pakupalamasiwa nu bufwe ubwabubili.

Ubuvumbuli 2:7

“Umuntu wesi yuyo ali na makutu, ivwe zizyo u Muzimu Umuzelu akuvibuzya ivipanga. “Umuntu wesi yuyo akupota, nkwiza pakumwitikizya ukuti alyanje ivikomwa ivya mwikwi ilya bumi, lilyo lili mumughunda uwa Chala.

Ubuvumbuli 3:22

“Umuntu wesi yuyo ali na makutu, ivwe zizyo u Muzimu Umuzelu akuvibuzya ivipanga.”

Ubuvumbuli 3:6

“Umuntu wesi yuyo ali na makutu, ivwe zizyo u Muzimu Umuzelu akuvibuzya ivipanga.