Ubuvumbuli 2:14 - IBAYIBOLO 2024

¹⁴ “Loli utuntu utunandi bulo tuto nkubasusya nato twakuti, mukasi mumwinyu muli abantu babo bakukonka ichimanyisyo icha Balamu, yuyo akamumanyisya u Balaki namumo angabadebela aba Izilayeli ukuti balye ichakulya chicho chibikiwe ku vifwani ukuti chibanje chakwiyipa, sona nukubomba ubwamalaya.

Ulufingo Ulupya

¹⁴ Loli utuntu utunandi bulo tuto inkubasusya nato twakuti, mukasi mumwinyu muli abantu babo bakukonka ichimanyisyo icha Balamu, yuyo akamumanyizya u Balaki namumo angabadebela aba Izilayeli ukuti balye ichakulya chicho chibikiwe ku vifwani ukuti chibanje chakwiyipa, sona nukubomba ubwamalaya.

Ubuvumbuli 2:14 Iomraidhean Croise

Yesaya 57:14

Po abantu bakwiza pakunena ukuti, “Zengagha, zengagha, yannya izila! Mwefyemo ivizinka muzila izya bantu bane.”

Yelemiya 6:21

Polelo u Mwene akuti, “Nkwiza pakubabikila ivipunuzyo abantu aba. Abawise nabana bakwiza pakwipunulamo; abakamu na bamanyani bakwiza pakuzimila.”

Ezekiyeli 3:20

“Sona nanti umugholosu akubuleka ubugholosu bwache nukubomba ububibi, nkwiza pakubika ichizinka pantazi papache, po akwiza pakufwa. Pachifukwa ichakuti utakamusoka akwiza pakufwa pachifukwa icha mbibi zyache. Imbombo ingolosu zizyo akabomba zitakwiza pakukumbukiwa, po awe ukwiza pakuba ninongwa pachifukwa icha bufwe bwache.

Ezekiyeli 44:12

Loli pachifukwa ichakuti bakababombela pamaso pavifwani vyabo nukubapela aba Izilayeli pakunanga, polelo nkulapa ukuti bakwiza pakufundiwa, pachifukwa icha mbibi zyabo u Mwene Uwamaka Ghosi anena.

Ukubelengiwa 24:14

U Balamu akati, “Losi ulu nkubwela, loli bo ntabukite, leka nkusoke zizyo aba Izilayeli bakwiza pakubabombela abantu bako muntazi muno.”

Ukubelengiwa 31:16

Pakuti abakolo banaba bo babo bakakonka amahala agha Balamu, nukubapuvya aba Izilayeli ukuti batakabe basubiliwa kwa Mwene ku Pewoli, umwakuti ichiwaya chikabawila.

Ukubelengiwa 31:8

Abamwene fayivi aba ba Midiyani babo bakabaghogha bakaba bo aba: U Evi nu Lekemu nu Zuli nu Huli sona nu Leba sona bakabaghogha abantu babo bosi. Bakamughogha wepe nu Balamu umwana uwa Bewoli.

Matayi 18:7

Chighune nkani kuchisu ichapasi pachifukwa icha vintu vivyo vikubapuvya abantu! Ivintu vinivi vikwiza pakubombiwanga, loli chighune nu muntu yuyo akwiza ni vintu vinivi!

Imbombo 15:29

Mutakalyanje ichakulya chicho chibikiwe ku vifwani ukuti chibanje chakwiyipa; mutakalyanje ibanda, mutakalyanje ichinyamana chicho chanyongiwa bulo, sona mutakalowaye. Mukwiza pakubomba akiza nanti mukuvileghuka ivintu vinivi. Musyale akiza.”

Imbombo 21:25

Loli abantu babo bate ba Yuda, babo baba bitiki twabasimbila ukalata pakubabuzya ukuti batakalyanje ichakulya chicho chibikiwe ku vifwani ukuti chibanje chakwiyipa, batakalyanje ibanda, batakalyanje ichinyamana chicho chanyongiwa bulo, sona batakalowe.”

Aba Loma 11:9

Sona u Devedi akuti, “Ulusekelo lwabo lubateghe ngati cho chipingo ni nkoka baleke bawilemo nukufundiwa.

Aba Loma 14:13

Polelo tuleke pakulongana. Loli tuleke pakubomba vivyo vingabapunuzya abantu abanji, pamo pakubika ichizinka muzila iya bantu abanji.

Aba Loma 14:21

Chizapo ukuleka pakulya inyama pamo pakung'wela uvinyo pamo pakubomba chicho chingamupela umukamu wako ukuti anange.

Aba Loma 9:32

Po nkimba choni? Pachifukwa ichakuti bakalondagha ukwinena bene pakuba bagholosu pamaso pa Chala, chite chifukwa icha lwitiko, loli pachifukwa ichakuti bakasubila imbombo zizyo bakabombagha. Po bakipunula pibwe,

1 Aba Kolinti 1:23

Loli aswe tukumulumbilila u Kilisitu yuyo akakomeliwa pachipinjika. Aba Yuda bakunena ukuti ichipinjika cho chipunulo, sona abantu babo bate ba Yuda bakuti bo bupunganu.

1 Aba Kolinti 7:2

Loli pachifukwa ichakuti ubwamalaya bwabala nkani, umwanavuli wesi abanje nu muchi uwache nu wache, sona umukolo wesi abanje nu mulume uwache nu wache.

Aba Hebeli 13:4

Isendwa yichindikiwanje na bantu bosi, umuchi nu mulume basubilanaye. Pakuti u Chala akwiza pakubalonga abamalaya na balowe.

Yoshwa 24:9

U Balaki umwana uwa Zipola, yuyo akaba we mwene uwa ba Mowabu, akiyannya pakulwa ubwite naba Izilayeli, po akamutumila intumi u Balamu umwana uwa Bewoli ukuti abaghune.

1 Pitala 2:8

Amasimbo aghanji ghakuti, “Ibwe lilyo likwiza pakubapela abantu ukwipunula, ilyalabwe lilyo likwiza pakubawisya abantu.” Abene bakipunula pachifukwa ichakuti batakaghasubila amazyu agha Chala, ichi chikabombiwa kukwabo ukuyana namumo u Chala akabatikila.

2 Pitala 2:15

Bayileka izila ingolosu, sona basobela pakukonka izila iya Balamu umwana uwa Beyoli, yuyo akazighana nkani indalama, zizyo akakaba pachifukwa ichakubomba imbibi.

Yuda 1:11

Ichighune chabawile pakuti bakonka izila iya Kayini. Pachifukwa icha ndalama, bakananga ukuyana namumo akanangila u Balamu. Bakamusambukila u Chala ukuyana namumo u Kola akamusambukilila, po bakwiza pakunangika ngati weyuyo.

Ubuvumbuli 2:20

Loli ichintu chicho nkukususya nacho chakuti, ukumwennya bulo umukolo u Yezebelo yula, yuyo akwinena mwene ukuti mulaghuzi. Akubasovya ababombi bane ni chimanyisyo chache nukubamanyisya ukuti babombaye ubwamalaya nukulya ichakulya chicho chibikiwe ku vifwani ukuti chibanje chakwiyipa.

Ubuvumbuli 2:4

Loli ichintu chicho nkukususya nacho cho ichi: Utakungana ukuyana namumo ukanganilagha pakwanda.

Ubuvumbuli 21:8

Loli abantu abogha na bantu abasita ukusubiliwa na babo bakubomba ivintu ivinyazu na baghoghi na bamalaya na bamayele na bakwiputa ivifwani sona na bantu bosi abamyasi, ubuzilo bwabo yo nyanja iya moto uwa sulufule. Ubu bo bufwe bwabo ubwabubili.”

Ubuvumbuli 22:15

Loli kuzi ukwa kaya akakulu nkani kuli imbwa na bamayele na bamalaya na baghoghi na bakwiputa ivifwani sona na babo babughanite ubumyasi.