Ubuvumbuli 2:13 - IBAYIBOLO 2024

¹³ “Inzimenye ukuti kuko ukwikala, ko kuko kuli ichitengo icha bumwene ubwa Satana. Awe we musubiliwa kukwane, sona utakalutaghe ulwitiko lwako mumwane, na pakabalilo bulo aka Antipasi, ukaboni wane umusubiliwa yula, yuyo akaghoghiwa, kuko u Satana akwikalako.

Ulufingo Ulupya

¹³ Inzimenye ukuti kuko ukwikala, ko kuko kuli ichitengo icha bumwene ubwa Satana. Awe we musubiliwa kukwane, sona utakalutaghe ulwitiko lwako mumwane, na pakabalilo bulo aka Antipasi, ukaboni wane umusubiliwa yula, yuyo akaghoghiwa, kuko u Satana akwikalako.

Ubuvumbuli 2:13 Iomraidhean Croise

Matayi 10:23

Nanti bakubavwima mukaya koka, chimbilila mukaya akanji. Naloli nkubabuzya ukuti mute mukamalizye imbombo zyinyu mutwaya tosi utwa mu Izilayeli, bo u Mwana uwa Muntu atizite.

Matayi 24:9

“Mukwiza pakulemiwa ukuti muvwimiwe nukughoghiwa. Abantu bosi muvyisu vyosi bakwiza pakubabenga pachifukwa icha nene.

Matayi 4:10

Panapa u Yesu akamwamula akati, “Epapo Satana! Amasimbo ghakuti, ‘Umwiputaye u Mwene u Chala wako, sona umubombelaye yuyo mwene.’ ”

Luka 21:17

Abantu bosi bakwiza pakubabenga pachifukwa icha nene.

Imbombo 22:20

Sona bo ukaboni wako u Sitefani akughoghiwa, ane nkaba palapala ukusimikila pakughoghiwa kwache, sona nene nkaba musungi uwa nkazo izya babo bakamughogha.’

Imbombo 9:14

Polelo iza muno mu Damasika nu bulaghili ubwa baputi abasongo ukuti abapinye bosi babo bakukwiputa awe.”

1 Aba Tesalonika 5:21

loli muviyelaye ivintu vyosi. Mukakatile ichintu chicho chiza.

1 Timoti 5:8

Loli nanti umuntu wesi atakubavwa abakamu bache, nkaninkani abamunyumba yache, atagha ulwitiko lwache, sona we mubibi nkani nukuchila umuntu yuyo ate mwitiki.

2 Timoti 1:13

Uchilemezyanje ichimanyisyo ichanaloli chicho ukivwa kukwane, umwakuti chibanje chifwanikizyo chicho ubaghiye pakuchikonka. Ubombaye zinizi nu lwitiko, sona nu lughano, vivyo tuli navyo pakumamatilana poka nu Kilisitu u Yesu.

2 Timoti 2:12

Nanti tukwendelela pakujimba, naswe bulo tukwiza pakulaghila nawe. Nanti tukumukana, wepe bulo akwiza pakutukana.

Aba Hebeli 10:23

Zagha tulemezye ulusubilo lwitu lulo tukwitika, pakuti tungamusubila u Chala pachifukwa ichakuti, akusungilila ilayizyo lyache.

Aba Hebeli 3:6

Loli u Kilisitu akaba Mwana umusubiliwa mu Nyumba iya Chala. Aswe twe nyumba yache, nanti tukwendelela pakuba bajivu nkani nukusunga ulusubilo lwitu muvintu vivyo tukuvilindilila.

Yakobo 2:7

Nkimba bate bo banaba babo bakulisamula itabwa ilichindikiwa ilya Kilisitu, lilyo amwe mukwitiziwa nalyo?

Ubuvumbuli 1:5

Ichisa chinichi chikufuma kwa Yesu Kilisitu, ukaboni umusubiliwa uwakwanda pakuzyuka kubufwe, sona yuyo we umulaghili uwa bamwene bosi aba muchisu ichapasi. U Mwene atughanite aswe, sona atwabuye kumbibi zyitu ni banda lyache.

Ubuvumbuli 11:3

Nkwiza pakubatuma abakaboni bane babili abakuvwala amasaka pachifukwa bakalililagha imbibi. Bakwiza pakulumbilila Amazyu Amiza agha Chala amasiku 1,260.”

Ubuvumbuli 12:11

Abakamu bitu bakamupota ni banda ilya Mwana uwa ng'ozi sona nu lusimikizyo lwache lulo bakalumbililagha. Abene bakiyipa ubumi bwabo mupaka kubufwe.

Ubuvumbuli 13:2

Ichinyamana chila chikabonekagha ngati we zyela, sona inyayo zyache zikabonekagha ngati zyo nyayo izya labwe. Umulomo wache ghukabonekagha ngati gho mulomo uwa nkalamu. Inyivwila yikachipa ichinyamana chila amaka ghache, ni chitengo chache icha bumwene, sona nu bulaghili ubukulu nkani.

Ubuvumbuli 14:12

“Panapa pakulondiwa ukuti abantu abazelu aba Chala babanje bajivu nkani, babo bakukonka amalamulo agha Chala, sona babo bakwendelela pakumusubila u Yesu.”

Ubuvumbuli 17:14

Bakwiza pakulwa ubwite nu Mwana uwa ng'ozi. Loli u Mwana uwa ng'ozi na bitiziwa poka na basaliwa bache, bakwiza pakubapota pachifukwa ichakuti u Mwana uwa ng'ozi we Mwene uwa bamwene, sona we Mulaghili uwa balaghili.”

Ubuvumbuli 17:6

Po nkennya ukuti umukolo yula akolizwe ni banda ilya bantu abazelu aba Chala, sona ni banda ilya babo bakaghoghiwa pachifukwa ichakuba bakaboni aba Yesu. Bo namwennya umukolo yula, nkaswigha nkani.

Ubuvumbuli 2:2

“Invimenye vyosi vivyo ukubomba. Nkumenye ukwiyula kwako nu bufisalyoyo bwako, sona imenye ukuti utakubennya bulo abantu abambibi. Abantu babo bakwinena bene ukuti batumiwa, loli bate batumiwa, wabayela nukubagha ukuti bamyasi.

Ubuvumbuli 3:11

Nkwiza losi ulu. Ulemezye nkani chicho uli nacho, umwakuti atakabepo nayumo umuntu uwakukufyula impumpu yako.

Ubuvumbuli 3:3

Po ukumbuke zizyo ukamanyisiwa, sona na zizyo ukivwa. Uzyivwile, upinduke nukuzileka imbibi zyako. Nanti utakulamusya, nkwiza pakukwizila ngati ne mwiba, sona utakwiza pakukamanya akabalilo kako nkwiza pakukwizila.