Ubuvumbuli 2:10 - IBAYIBOLO 2024

¹⁰ Utakanyilaye amayimba ghagho uli papipi pakukomana nagho. Naloli nkubabuzya ukuti u Satana akwiza pakubayela pakubasumbila bamo mumwinyu mujele, sona mukwiza pakuvwimiwa amasiku teni. Mwendelele pakuba basubiliwa mupaka kubufwe, po nkwiza pakubapa impumpu iyabumi.

Ulufingo Ulupya

¹⁰ Utakanyilaye amayimba ghagho uli papipi pakukomana nagho. Naloli inkubabuzya ukuti u Satana akwiza pakubayela pakubasumbila bamo mumwinyu mujele, sona mukwiza pakuvwimiwa amasiku teni. Mwendelele pakuba basubiliwa mupaka kubufwe, po inkwiza pakubapa impumpu iyabumi.

Ubuvumbuli 2:10 Iomraidhean Croise

Masalimo 31:23

Mumughanaye u Mwene mwebosi mwe bantu bache abazelu. U Mwene akubasungilila akiza abantu abasubiliwa loli abantu abakwituvya akubapa umuvwalo ukuyana ni mbombo zyabo.

Nkuto 3:57

Bo nakwitizya ukapalamila, po ukambuzya ukati, ‘Utakanyilaye.’

Daniyeli 1:12

“Utuyele aswe twe babombi bako amasiku teni, pakutupa inyanyi izya mani zyene, sona na mizi aghakung'wela.

Daniyeli 1:14

Po akitika nukubayela amasiku teni.

Habakuku 2:3

Pakuti ubuvumbuli bukulindilila akabalilo kache, bukunena nizya bumalilo, sona butakwiza pakusimikiziwa ukuti bumyasi. Napapo bungakaba, pope bulo ubulindililaye, naloliloli bukwiza pakwiza, sona butakwiza pakukabila.

Matayi 10:22

Abantu bosi bakwiza pakubabenga pachifukwa ichakuti mwe bakonki bane. Loli umuntu wesi yuyo ajimba mupaka pabumalilo akwiza pakupokiwa.

Matayi 10:28

Mutakabanyilaye abantu babo bakughogha umubili, loli batangaghogha umuzimu. Nkaninkani mumunyile u Chala yuyo anganangannya vyosi umubili nu muzimu mu Gehena.

Matayi 24:13

Loli umuntu wesi yuyo ajimba mupaka pabumalilo akwiza pakupokiwa.

Maliko 13:13

Abantu bosi bakwiza pakubabenga pachifukwa icha nene. Loli umuntu wesi yuyo ajimba umoyo mupaka pabumalilo akwiza pakupona.

Maliko 8:35

Pakuti umuntu wesi yuyo akulonda pakubupoka ubumi bwache, akwiza pakubutagha. Loli umuntu wesi yuyo akulonda pakubutagha ubumi bwache pachifukwa icha nene na Mazyu Amiza, akwiza pakubupoka.

Luka 21:12

Loli bo ivintu vinivi vitabombiwe, bakwiza pakubalema nukubavwima. Bakwiza pakubabika pamaso pa balaghili munyumba izyakwiputilamo, po bakwiza pakubighalila mujele. Pachifukwa icha nene bakwiza pakubasitaka pamaso pa balaghili napa bamwene.

Yohani 12:25

Umuntu yuyo abughanite ubumi bwache, akwiza pakubutagha, sona yuyo abubengite ubumi bwache muchisu ichapasi, akwiza pakubusungilila, umwakuti abanje nubumi ubwa bwila na bwila.

Yohani 13:2

U Yesu na bamanyili bache bakalyanga ichakulya icha pachamabwila. Po u Satana akabikamo kale mumoyo uwa Yudasi umwana uwa Simoni Sikaliyoti inyinong'ono izya kumubikila u Yesu munyobe izya balwani.

Yohani 13:27

Umwalubilolubilo bo u Yudasi apokela ichibama, u Satana akinjila mumwache. U Yesu akamubuzya akati, “Lubilolubilo, bomba zizyo ukulonda pakubomba.”

Imbombo 20:24

Loli intakupasyapo nizya bumi bwane ukuti bwapamwanya kukwane. Pakuti chicho nkulonda chakuti imalizye imbombo yane, sona nu butumiwa bubo u Mwene u Yesu akampa ubwakulumbilila Amazyu Amiza aghakunena nizya chisa icha Chala.

Imbombo 21:13

Loli u Pabuli akamula akati, “Nkimba choni chicho mukulila nukumpa ichitima? Intiyanizye kwene pakupinyiwa, loli na pakufwa bulo mu Yelusalemu pachifukwa icha Mwene u Yesu.”

1 Aba Kolinti 9:25

Umuntu wesi yuyo ali panyangalo iyakuchimbila, akwikanizya muvintu vyosi, umwakuti apokele inkata iya maluba yiyo yikufoka, loli aswe tukulonda pakupokela inkata yiyo yitakufokapo nalumo.

Aba Efeso 2:2

Pakabalilo kalakala mukikolezannya nivya muchisu ichapasi, sona mukakonkagha usongo uwa bulaghili ubwa mumwanyamwanya. Usongo yunuyu we muzimu umubibi, yuyo akubomba imbombo losi ulu pakasi pabantu babo batakumwivwila u Chala.

Aba Efeso 6:12

Pakuti tutakulwa na bantu, awe. Tukulwa na bamwene na balaghili, na maka agha muchisu icha chisi ichi, sona ni mizimu imibibi iya mumwanya.

Yakobo 1:12

Musayiwa umuntu yuyo akujimba nkani munjelo, pakuti nanti ajimba, akwiza pakupokela impumpu iyabumi yiyo u Chala akabalayizya abantu bache babo bamughanite.

1 Pitala 5:4

Sona bo Umudimi usongo aboneka, mukwiza pakupokela impumpu iya buchindamu, yiyo yitakuchujapo nalumo.

1 Pitala 5:8

Mubanje maso, sona mwenelezye nkani! Umulwani winyu, u Satana, akuzyungulilazyungulila bo akubuluma ngati yo nkalamu, ukulonda yumo uwakuti amulye.

Ubuvumbuli 13:14

Chikabazimbula abantu bosi abakwikala muchisu ichapasi pakupela iviswigho vivyo chikitikiziwa ukuti chibombaye pamaso pa chinyamana ichakwanda chila. Ichinyamana chila chikababuzya abantu ukuti babize ichifwani ichakuchindikila ichinyamana chicho chikavulaziwa nupanga, loli pope bulo chikaba nubumi.

Ubuvumbuli 13:2

Ichinyamana chila chikabonekagha ngati we zyela, sona inyayo zyache zikabonekagha ngati zyo nyayo izya labwe. Umulomo wache ghukabonekagha ngati gho mulomo uwa nkalamu. Inyivwila yikachipa ichinyamana chila amaka ghache, ni chitengo chache icha bumwene, sona nu bulaghili ubukulu nkani.

Ubuvumbuli 13:7

Chikitikiziwa pakulwa ubwite na bantu aba Chala nukubapota. Chikapeghiwa ubulaghili pakubalaghila abantu bosi, na baluko losi, na bantu aba inko zyosi, sona na bantu abaneno zyosi.

Ubuvumbuli 17:14

Bakwiza pakulwa ubwite nu Mwana uwa ng'ozi. Loli u Mwana uwa ng'ozi na bitiziwa poka na basaliwa bache, bakwiza pakubapota pachifukwa ichakuti u Mwana uwa ng'ozi we Mwene uwa bamwene, sona we Mulaghili uwa balaghili.”

Ubuvumbuli 2:13

“Inzimenye ukuti kuko ukwikala, ko kuko kuli ichitengo icha bumwene ubwa Satana. Awe we musubiliwa kukwane, sona utakalutaghe ulwitiko lwako mumwane, na pakabalilo bulo aka Antipasi, ukaboni wane umusubiliwa yula, yuyo akaghoghiwa, kuko u Satana akwikalako.

Ubuvumbuli 2:9

“Intamyo zyako inzimenye nu bupina bwako bope imbumenye, loli we mukabi. Ingumenye umusamu uwa bantu babo bakwinena bene ukuti ba Yuda, po bate ba Yuda, loli ba chipanga icha Satana.