Ubuvumbuli 19:7 - IBAYIBOLO 2024

⁷ Zagha tuhobokaye nukusekela, zagha tumuchindikaye u Chala! Pakuti akabalilo aka lusekelo ulwa sendwa iya Mwana uwa ng'ozi kakwana, sona yuyo akusendwa iyanizye kale nizya sendwa yiniyi.

Ulufingo Ulupya

⁷ Zagha tuhobokaye nukusekela, zagha tumuchindikaye u Chala! Pakuti akabalilo aka lusekelo ulwa sendwa iya Mwana uwa ng'ozi kakwana, sona yuyo akusendwa iyanizye kale nizya sendwa yiniyi.

Ubuvumbuli 19:7 Iomraidhean Croise

Masalimo 107:42

Abagholosu bakuzyennya zinizi nukusekela, loli abantu ababibi akubasona imilomo yabo.

Masalimo 48:11

Abantu aba mu Ziyoni bahobokaye, utwaya utwa mu Yuda tusekelaye pachifukwa ichakuti ukulongela mubwanaloli.

Masalimo 9:14

Po nkwiza pakukupala pamilyango iya Ziyoni, sona palapala nkwiza pakusekela pachifukwa icha bupoki bwako.

Ivyili 29:2

Nanti umuntu umugholosu akulaghila, abantu bakuhobokagha, loli nanti abantu ababibi bakulaghila, abantu bakwilumbusyanga.

Inyimbo izya Solomoni 3:11

Fuma kuzi, mwee bakolo aba mu Ziyoni, mwize mumwennye u mwene u Solomoni! Avwalite impumpu yiyo unyina akamuvwika, pisiku ilya sendwa yache, sona pisiku lilyo umoyo wache ghukahoboka nkani.

Yesaya 52:1

Wee Ziyoni, vundumuka, vundumuka! Banga na maka. Vwala amenda ghako amiza nkani, wee Yelusalemu, akaya akakulu nkani akazelu. Abantu babo batasilimuliwe, sona na bantu abanyazu batakwiza pakwinjila sona pamulyango wako.

Yesaya 62:5

Ngati mumo umulumendo akusendela umukolo, momumo abana bako abalumendo, bakwiza pakukusenda, ngati mumo umwenesendwa akuhobokela, numulindu yuyo amusenda, momumo u Chala wako akwiza pakuhoboka nawe.

Yesaya 66:10

“Sekelagha poka nu Yelusalemu, sona muhobokaye nawe, mwebosi mwe mumughanite, sekelagha nkani mwebosi, mwe mukumulilila.

Yesaya 66:14

Nanti mwazyennya zinizi, amoyo ghinyu ghakwiza pakusekela, sona mukwiza pakulemba ngati lisote, inyobe iya Mwene, yikwiza pakumanyikwa kubabombi bache, loli akwiza pakubakalalila abalwani bache.

Zekaliya 9:9

Mwee bantu aba mukaya akakulu nkani aka Ziyoni, sekelagha nkani! Mwee bantu ba mu Yelusalemu, hobokagha! Ennya, u mwene winyu akwiza kukwinyu, mugholosu sona ali nubupoki, mololo sona akwelite pampunda inyanavuli, umwana wampunda.

Matayi 1:20

Bo akwinong'ona zinizi, uwantumi uwa Mwene akamwizila muchilota nukuti, “Wee Yosefu, uwaluko ulwa Devedi, utakanyilaye pakumusenda u Maliya pakuba muchi wako, pakuti ulwanda lulo ali nalo lwa Muzimu Umuzelu.

Matayi 22:2

“Ubumwene ubwa Kumwanya buyanite bulo nu mwene yuyo akayannya ulusekelo ulwa sendwa iya mwana wache.

Luka 12:36

Muyane bulo na bambombo babo bakulindilila u mwene wabo ukuti abwele ku lusekelo ulwa sendwa, umwakuti bo akwiza nukukong'osya pamulyango bakumwighulila umwalubilolubilo.

Yohani 3:29

Yuyo asenda weyuyo wemwenecho uwa mukolo. Loli umumanyani uwa mwenesendwa weyuyo akwimilila papipi nukuteghelezya. Akuhoboka nkani bo akwivwa amazyu agha mwenesendwa. Bunubu nane ihobokite nkani.

2 Aba Kolinti 11:2

Indi nu buzuba namwe ukuyana namumo u Chala abeleye namwe nu buzuba. Pakuti nkabazingilila kwa Kilisitu ngati mulindu yuyo atamumenye nalumo umwanavuli.

Aba Efeso 5:23

Pakuti umulume we mutu uwa muchi, umwakuyana bulo, wepe u Kilisitu we mutu uwa chipanga, ghugho gho mubili wache, sona yuyo we Mupoki uwa chipanga chilachila.

Aba Efeso 5:32

Amazyu ghanagha ghakutuvumbulila izya kubusyefu zizyo zikunena nizya Kilisitu ni chipanga.

Ukukumbusya Amalamulo 32:43

Sekela, mwee inko zyache zyosi. U Mwene akwiza pakubatanizya abantu, babo bakubaghogha ababombi bache. Akwiza pakubatanizya abalwani bache, nukubahobokela imbibi abantu bache.

Aba Filipi 3:3

Pakuti aswe twe basilimuliwa abanaloli, twe tukumuchindika u Chala umwakulongoziwa nu Muzimu Umuzelu, sona tukuhoboka mubumi bwitu ubwakumamatilana poka nu Kilisitu u Yesu. Aswe tutakusubila inyiho izya mubili,

Ubuvumbuli 11:13

Pakabalilo kalakala kukaba akasenyenta akakulu nkani, umwakuti ichigaba choka pa vigaba 10 ivya kaya akakulu nkani vikananganika, sona abantu 7,000 bakaghoghiwa. Abantu bosi abanji bakatetema nukumuchindika u Chala uwakumwanya.

Ubuvumbuli 19:9

Palapala uwantumi yula akambuzya akati, “Simba uti, ‘Basayiwa abantu babo bitiziwe kulusekelo ulwa sendwa iya Mwana uwa ng'ozi!’ ” Uwantumi yula akonjelezya sona pakunena ukuti, “Agha gho mazyu aghanaloli agha Chala.”

Ubuvumbuli 21:2

Nkennya Akaya Akakulu nkani Akazelu, u Yelusalemu umupya kakwika kumwanya kwa Chala, bo kiyanizye ukuyana nu mukolo yuyo avwalite amenda amiza ukuti akomane nu mulume.

Ubuvumbuli 21:9

Pisinda pache weka uwa bantumi seveni bala yuyo akaba ni mbako seveni inyizule ni viwaya seveni ivya bumalilo, akambuzya akati, “Zagha, nkwiza pakukulanjizya umukolo yuyo akusendwa, umuchi uwa Mwana uwa ng'ozi.”

1 Samuweli 2:1

U Hana akiputa akati, “Umoyo wane ghuhobokite mwa Mwene ulupembe lwane lwaba na maka mwa Mwene. Umulomo wane ghukwituvya pa balwani bane, pakuti nhobokite pachifukwa ichakuti ukampoka!