Ubuvumbuli 19:6 - IBAYIBOLO 2024

⁶ Po nkivwa ichongo chicho chikivwika ngati cho chilundilo icha bantu, ngati kupoma ukwa mizi, sona ngati kujilimisya ukwa vula. Izyu lila likati, “U Chala apaliwanje! Pakuti u Mwene, u Chala witu, Uwamaka Ghosi, we Mwene!

Ulufingo Ulupya

⁶ Po inkivwa ichongo chicho chikivwika ngati cho chilundilo icha bantu, ngati kupoma kwa mizi, sona ngati kujilimizya kwa vula. Izyu lila likati, “U Chala apaliwanje! Pakuti u Mwene, u Chala witu, Uwamaka Ghosi, we Mwene!

Ubuvumbuli 19:6 Iomraidhean Croise

Yobu 40:9

Nkimba inyobe yako yiyanite niya Chala sona izyu lyako likajilimisya ngati lyache?

Masalimo 47:2

Pakuti u Chala Uwakumwanya Nkani wakuswighisya, we Mwene umukulu nkani pachisu chosi ichapasi.

Masalimo 47:7

Pakuti u Chala we Mwene uwa chisu chosi ichapasi, mumwimbilaye ulwimbo ulwamapalo.

Masalimo 77:18

Ukupaya kwako kukivwika mukankungu, kope akamesya kakanyampana pachisu ichapasi, po ichisu ichapasi chikatetema nukuyingana.

Masalimo 93:1

U Mwene we mwene. Avwalite ubuchindamu na maka. Ukuchikazya ichisu chosi mubuzilo bwache chitakwiza pakuyingana.

Masalimo 97:1

U Mwene weyuyo akulaghila, po ichisu ichapasi chihobokaye, bope abantu babo bakwikala mulubazu ulwanyanja bahokaye.

Masalimo 97:12

Mwebosi mwe bagholosu, muhobokaye mwa Mwene, sona mumupalizyanje pakulitambula itabwa lyache izelu.

Masalimo 99:1

U Mwene weyuyo akulaghila po inko zitetemaye, po ichisu ichapasi chihobokaye. Ikaye pachitengo pakasi pa bakelubi, po ichisu ichapasi chiyinganaye.

Yesaya 52:7

Bo bwiza boni pamaghamba, inyayo izya muntu yuyo akwiza na mazyu amiza, yuyo akulumbilila nizya mutende, sona akwiza na mazyu amiza agha vintu ivyiza, akulumbilila nizya ubupoki, nukunena kuba mu Ziyoni ukuti, “U Chala winyu akulaghila!”

Yelemiya 51:48

Po kumwanya ni chisu ichapasi sona chosi chicho chili mulamula, vikwiza pakukolomoka umwakuhoboka pachifukwa icha Babiloni. Pakuti abantu aba kumitu bakwiza pakukanangannya akaya kala. Ane ne Mwene nanena.

Ezekiyeli 1:24

Bo ivipeliwa ivyabumi vikwenda, nkivwa ichongo icha vipapande vyabo, ngati kupoma ukwa mizi ghagho ghali pakuchimbila, ngati lizyu ilya Uwamaka Ghosi, ngati chongo icha basilikali. Bo vyimiliye vikawisya ivipapande vyabo.

Ezekiyeli 43:2

sona nkennya ubuchindamu ubwa Chala uwa Izilayeli bukufumila kubufumilo bwizuba. Izyu lyache likaba ngati kupoma ukwa mizi ghagho ghakwenda, ichisu chikizula nulukozyo ulwa buchindamu bwache.

Matayi 6:13

Utakitikizyanje ukuti tuwile munjelo, loli utupoke kwa Satana, Umubibi yula.’

Ubuvumbuli 1:15

Inyayo zyache zikamekukagha ngati cho chela chicho chasungulusiwa numoto, sona izyu lyache likaba ngati kupoma ukwa mizi aminji mulusoko.

Ubuvumbuli 1:8

U Mwene u Chala, Uwamaka Ghosi, yuyo aliko ilelo, yuyo akabako kale, sona yuyo akwiza pakubako akuti, “Ane ne bwandilo. Ane ne bumalilo.”

Ubuvumbuli 12:10

Po nkivwa izyu ilya pamwanya kumwanya likuti, “Losi ulu u Chala alanjizya ubupoki, amaka nu bumwene bwache nu bulaghili ubwa Mesiya wache yula. Pakuti yuyo akimilila pamaso pa Chala witu nukubasusya abakamu bitu umusanya nu busiku bamusumbila pasi.

Ubuvumbuli 14:2

Po nkivwa izyu kumwanya lilyo likivwika ngati kupoma ukwa amizi aminji mulusoko, sona ngati kupaya ukwa vula. Izyu lila likivwika ngati bo bantu bakulizya amalonji.

Ubuvumbuli 19:1

Pisinda pazinizi nkivwa ukubuluma ngati chilundilo icha bantu kumwanya kukuti, “U Chala apaliwanje! Ubupoki nu buchindamu na maka vya Chala witu!

Ubuvumbuli 19:4

Abasongo 24 ni vipeliwa ivyabumi folo vikawa pasi nukumwiputa u Chala, yuyo akikala pachitengo icha bumwene bakati, “Ameni! U Chala apaliwanje!”

Ubuvumbuli 21:22

Intakayennyamo ni Nyumba iya Chala mukaya kala pakuti Inyumba iya Chala we Mwene u Chala Uwamaka Ghosi nu Mwana uwa ng'ozi.

Ubuvumbuli 4:5

Muchitengo icha bumwene mukafumagha utumesya, ichongo nukujilimisya ukwa vula. Pantazi pachitengo icha Bumwene mukakagha ivikoka ivya moto seveni, vivyo yo Mizimu seveni iya Chala.

Ubuvumbuli 6:1

Po nkennya u Mwana uwa ng'ozi akumamatula ichimatilo choka muvimatilo seveni vila nukwivwa ichipeliwa ichabumi choka muvipeliwa ivyabumi folo chikunena nizyu lilyo likivwika ngati kupaya ukwa vula ukuti, “Zagha.”

Ubuvumbuli 8:5

Po uwantumi yula akasenda ichakufukizizya utwakununkila tula nukuchizuzya numoto uwa pachighemo nukuchisumbila pachisu ichapasi. Pakabalilo kalakala kukaba amabingu, ni vyongo nu tumesya, sona na kasenyenta.