Ubuvumbuli 19:18 - IBAYIBOLO 2024

¹⁸ Zagha, mulye amabili agha bamwene, nagha basongo ababwite nagha basilikali nagha falasi nagha bakukwelapo nagha bantu bosi abazya na bantu abasatuke abasongo na banandi bulo!”

Ulufingo Ulupya

¹⁸ Zagha, mulye amabili agha bamwene, nagha basongo abankondo, nagha basilikali, nagha falasi, nagha bakukwelapo, nagha bantu bosi, abazya na bantu abasatuke, abasongo na banandi bulo!”

Ubuvumbuli 19:18 Iomraidhean Croise

Yelemiya 16:4

“Bakwiza pakufwa nu bubine ubupalapala nkani. Batakwiza pakubalila pamo pakubasyila loli bakwiza pakuba ngati vinyazu vivyo vili pachisu. Bakwiza pakufwa nu bwite sona nizala. Imivimba yabo yikwiza pakuba chakulya icha viyuni ni vinyamana.”

Yelemiya 19:7

“ ‘Pabuzilo bunubu nkwiza pakuvulungannya imbatiko zyosi izya bantu aba muchisu icha Yuda nicha Yelusalemu. Abalwani babo bakwiza pakubapota nukubaghoghela kubwite. Nkwiza pakuvipa iviyuni ni vinyamana imivimba yabo ukuti cho chibanje chakulya chabo.

Yelemiya 34:20

nkwiza pakubabika munyobe izya balwani babo bakubulondelezya ubumi bwabo. Imivimba yikwiza pakuba chakulya icha viyuni ni vinyamana.

Yelemiya 7:33

Po imivimba yikwiza pakuba chakulya icha viyuni sona ni vinyamana ivya muchisu ichapasi, sona atakwiza pakubapo nayumo uwa kuvyoghofya.

Ezekiyeli 29:5

Nkwiza pakukuleka munkolongo, awe poka niswi zyosi izya mutusoko twako. Ukwiza pakuwila pabuzelu bulo, patakwiza pakubapo nayumo umuntu uwa kukuseba, sona utakwiza pakusyiliwa. Nkwiza pakukubika pakuba chakulya icha vinyamana ni viyuni.

Ezekiyeli 39:17

“Wee mwana uwa muntu, u Mwene Uwamaka Ghosi akuti: Itizya uluko ulwa viyuni vyosi ni vinyamana vyosi ivya munkolongo, mwize nukubungana poka ukufuma kunkuto zyosi kulusekelo ulwa chakwiyipa ichikulu chicho nkubayanizizya pamaghamba agha Izilayeli. Palapala mukwiza pakulya inyama nukung'wela ibanda.

Matayi 24:28

“Posi papo pali ichintu ichifwe, amazwanga ghakubungana palapala.

Luka 17:37

Abamanyili bakamulalusya bakati, “Wee Mwene, nkimba zinizi zikwiza pakubombiwa kwiyi?” U Yesu akamula akati, “Papo pali ichintu ichifwe, amazwanga ghakubungana palapala.”

Ukukumbusya Amalamulo 28:26

Iviyuni ni vinyamana vikwiza pakuyilya imivimba yinyu, sona atakwiza pakubapo nayumoyumo umuntu uwakuvichimbizya.

Ubuvumbuli 11:18

Abantu abakuzi bala bakakalala pachifukwa ichakuti akabalilo akakulanjizizya ubukali bwako kakwana akabalilo kakwana akakulongela abantu abafwe. Akabalilo kakwana akakubapela ivyabupi ababombi bako, abalaghuzi sona na bantu bako bosi, babo bakulichindika itabwa lyako abanandi na basongo, umwakuyana bulo. Akabalilo kakwana akakunangannya, abantu babo bakunangannya ichisu ichapasi.”

Ubuvumbuli 13:16

Ichinyamana ichi chikabafyenga abantu bosi, abanandi na bantu abasongo na bantu abakabi na bantu abapina na bazya na bantu ababuke ukuti badindiwe ichidindo panyobe indilo pamo pa vyeni vyabo.

Ubuvumbuli 17:16

Impembe 10 zizyo ukazyennya ni chinyamana chila vikwiza pakumubenga umukolo umalaya yula. Bakwiza pakumufyula vyosi vivyo ali navyo nukumuleka bwazi. Bakwiza pakughunangannya umubili wache nukumulungulizya numoto.

Ubuvumbuli 19:5

Pisinda pache nkivwa izyu ku chitengo icha bumwene likuti, “Mumupalaye u Chala witu, amwe mwe babombi bache mwebosi, amwe mwe mukumuchindika, amwe mwe basongosongo namwe bana abanandi!”

Ubuvumbuli 6:15

Po abamwene aba muchisu ichapasi na balaghili na basongo ababwite, na bantu abakabi, na bantu abamaka, na bantu abanji bosi, na bazya poka na bantu ababuke bakavwama bene mumpako na kusi ukwa mabwe agha mumaghamba.

1 Samuweli 17:44

Akamubuzya u Devedi akati, “Zagha kuno, nkwiza pakuvisumbila iviyuni ni vinyamana umuvimba wako.”

1 Samuweli 17:46

Umusanya ughu u Mwene akwiza pakukubika munyobe zyane sona nkwiza pakukukoma nukukudumula umutu. Umusanya ughu nkwiza pakuvisumbila iviyuni ni vinyamana imivimba iya basilikali aba Filisiti, sona ichisu chosi ichapasi chikwiza pakumanya ukuti mu Izilayeli alimo u Chala.