Ubuvumbuli 19:12 - IBAYIBOLO 2024

¹² Amaso ghache ghakaba chee ngati zyo ndimi izya moto, sona akavwala impumpu inyinji nkani kumutu wache. Akasimbiwa itabwa papache, lilyo nayumo umuntu yuyo akalimanyagha, loli mwene bulo.

Ulufingo Ulupya

¹² Amaso ghache ghakaba chee ngati zyo ndimi izya moto, sona akavwala impumpu inyinji nkani kumutu wache. Akasimbiwa itabwa papache, lilyo nayumo umuntu yuyo akalimanyagha, loli mwene bulo.

Ubuvumbuli 19:12 Iomraidhean Croise

Ubwandilo 32:29

U Yakobo akamulalusya akati, “Nkimba po awe itabwa lyako wewenu.” Loli wepe umuntu yula akamulalusya u Yakobo akati, “Nkimba choni chicho ukulonda pakumanya itabwa lyane?” Po umuntu yula akamusaya.

Masalimo 8:5

Ukamupela pakuba munandi nkani ukuchila u Chala, po ukamuvwika impumpu iya buchindamu nu muchizi.

Ukufuma 23:21

Mumuteghelezye nukumwivwila yuyo. Mutakamusambukilaye, pakuti atakwiza pakubuhobokela ubusambuke bunubu, pachifukwa ichakuti akubombela zinizi mwitabwa lyane.

Ivyili 30:4

Nkimba wewenu yuyo akweliteko kumwanya nukwikako sona, sona yuyo ayivumbatiyepo impepo munyobe zyache? Nkimba wewenu yuyo aghanyembeteleyepo amizi mumwenda wache? Fwandi wewenu yuyo akabika impaka pachisu ichapasi, sona itabwa lyache wewenu sona itabwa ilya mwana wache wewenu? Mbuzya nanti uzimenye!

Inyimbo izya Solomoni 3:11

Fuma kuzi, mwee bakolo aba mu Ziyoni, mwize mumwennye u mwene u Solomoni! Avwalite impumpu yiyo unyina akamuvwika, pisiku ilya sendwa yache, sona pisiku lilyo umoyo wache ghukahoboka nkani.

Yesaya 62:3

Ukwiza pakuba we mpumpu iya buchindamu, munyobe iya Mwene. Impumpu iya kuboneka akiza nkani, munyobe iya Chala.

Yesaya 9:6

Pakuti u mwana atupapiliwa aswe, u mwana umwanavuli apeghiwa kukwitu, weyuyo akwiza pakulaghila. Akwiza pakwitiziwa ukuti mumanyisya amahala uwakuswighisya, u Chala Uwamaka Ghosi, U tata uwa bwila na bwila, u Mwene uwa mutende.

Daniyeli 10:6

Umubili wache ghukanyezimilagha ngati mabwe aghamutengo, icheni chache chikalamagha ngati kamesya, amaso ghache ghakakagha ngati nkozyo, zyope inyobe ni vinama vikanyezimilagha ngati mukuba, izyu lyache likivwikagha ngati chilundilo icha bantu.

Zekaliya 9:16

Pisiku lilalila u Mwene u Chala wabo akwiza pakubapoka, ngati zyo ng'ozi izya bantu bache. Bakwiza pakulama ngati mabwe aghamutengo, agha pa mpumpu.

Matayi 11:27

“Utata wane ampiye ubulaghili ubwa vintu vyosi. Nayumo umuntu yuyo amumenye u Mwana, loli Uwise mwene, sona atalipo umuntu yuyo amumenye Uwise, loli u Mwana mwene, sona na bantu babo u Mwana akubasala ukuti abavumbulile Uwise.

Matayi 21:5

“Kabuzye akaya akakulu nkani aka Ziyoni ukuti, ‘Ennya, u mwene wako akwiza kukwako. Wakwiyisya, sona akwelite pampunda, pamwana uwa mpunda.’ ”

Matayi 28:18

U Yesu akapalamila nukubabuzya ukuti, “Napeghiwa ubulaghili bosi kumwanya na pasi pano.

Luka 10:22

“Utata wane ampiye ubulaghili ubwa vintu vyosi. Nayumo umuntu yuyo amumenye u Mwana, loli Uwise mwene, sona atalipo umuntu yuyo amumenye Uwise, loli u Mwana mwene, sona na bantu babo u Mwana akubasala ukuti abavumbulile Uwise.”

Yohani 17:11

Losi ulu nkwiza kukwako, ntakwiza pakwikala sona muchisu ichapasi umu awe, loli abene bali muchisu ichapasi. Tata Umuzelu, ubasunge akiza na maka agha itabwa lyako, itabwa lilyo ukampa, umwakuti babanje muntu weka ukuyana namumo awe nane tuli weka.

Yohani 17:12

Pakabalilo kako nkikalagha nabo, nkabasunga akiza na maka agha itabwa lyako, itabwa lilyo ukampa. Nkabasunga akiza, po nayumo umuntu yuyo asobelitepo, loli mwene yuyo zikamubaghila ukuti ananganike, umwakuti Amasimbo ghakwanilisiwe.

Aba Efeso 1:21

Ilelo u Kilisitu akulaghila pamwanya pa bamwene bosi, na balaghili bosi, na basongo bosi aba kumwanya, sona ali pamwanya pamatabwa ghosi, ghagho abantu bangitiziwa nagho akabalilo aka, pamo na kabalilo kako kakwiza.

Aba Hebeli 2:9

Loli tukumwennya u Yesu, yuyo pakabalilo akapimpa bulo akanduka munandi bulo pamaso pa bantumi aba kumwanya. Po ilelo avwalite impumpu iya buchindamu nu muchizi pachifukwa icha kuyimba kwache nu bufwe umwakuti ukwendela muchisa icha Chala, abafwile abantu bosi.

Ubuvumbuli 1:14

Isisi zyache zikaba ziswepu ngati bo busapa pamo ngati we kabefu, sona amaso ghache ghakamekukagha ngati gho moto.

Ubuvumbuli 12:3

Po ichimanyilo ichinji ichakuswighisya nkani chikaboneka kumwanya: Kukaba inyivwila inchesamu inkulu yiyo yikaba ni mitu seveni ni mpembe teni. Pamutu ghosi yikavwala impumpu iya bumwene.

Ubuvumbuli 13:1

Pisinda pache nkennya ichinyamana chikuzubuka munyanja. Chikaba ni mpembe 10 sona ni mitu seveni. Pa lupembe loka pakaba impumpu iya bumwene, sona pamutu wache ghosi pakasimbiwapo itabwa ilyakumusamula u Chala.

Ubuvumbuli 19:16

Pa nkazo yache sona na pantapatapa pakasimbiwapo itabwa ilyakuti, “Umwene uwa bamwene, sona Umulaghili uwa balaghili.”

Ubuvumbuli 3:12

Umuntu yuyo akupota nkwiza pakumupela pakuba mpanda iya Nyumba iya Chala wane, sona atakwiza pakufumapo nalumolumo kuzi. Nkwiza pakusimba itabwa ilya Chala wane papache, sona ni tabwa ilya kaya akakulu nkani aka Chala, u Yelusalemu umupya, yuyo akwiza pakwika kumwanya kwa Chala wane.

Ubuvumbuli 6:2

Po nkenelezya nukuyennya ifalasi inswepu. Uwakukwelapo akalema ubwele munyobe zyache, sona akapeghiwa impumpu iya bumwene. Akaba mupoti yuyo akabuka pakupota.

Abalongi 13:18

Uwantumi yula akamula akati, “Nkimba choni chicho ukundalusya itabwa lyane? Itabwa lyane utangalyivwisya.”