Ubuvumbuli 19:11 - IBAYIBOLO 2024

¹¹ Pisinda pache nkennya kumwanya kwighukite, po nkennya ifalasi inswepu. Uwakukwelapo akaba we Musubiliwa sona Wanaloli. Akulonga nukulwa ubwite bwache mubwanaloli.

Ulufingo Ulupya

¹¹ Pisinda pache inkennya kumwanya kwighukite, po inkennya ifalasi inswepu. Uwakukwelapo akaba we Musubiliwa sona Wanaloli. Akulonga nukulwa inkondo zyache mu bwanaloli.

Ubuvumbuli 19:11 Iomraidhean Croise

Masalimo 50:6

Kumwanya kukulumbilila ubugholosu bwache, pakuti u Chala umwenecho we mulongi.

Masalimo 96:13

Vikwiza pakwimba pamaso pa Mwene, bo akwiza pakuchilonga ichisu ichapasi. Akwiza pakuchilongela ichisu ichapasi mubugholosu, sona akwiza pakuzilonga inko mubwanaloli.

Masalimo 98:9

Vileke vyimbaye pamaso pa Mwene, pakuti akwiza pakuchilonga ichisu. Akwiza pakuchilonga ichisu mubugholosu, sona akwiza pakuzilonga inko zyosi umwakuyana bulo.

Masalimo 99:4

U Mwene wamaka, sona abughanite ubwanaloli, ubwikazizye ubwanaloli. Wabomba ingolosu sona izyanaloli mwa Yakobo.

Ukufuma 15:3

U Mwene wabwite uwamaka, itabwa lyache we Mwene.

Yesaya 32:1

Ennya, u mwene akwiza pakulaghila mubugholosu, sona amakambala ghache ghakwiza pakulongela mubwanaloli.

Yesaya 45:21

Mwizaye sona lingannya inongwa yinyu pabulonjelo, baleka abanongwa banenezannye. Nkimba wewenu yuyo akanenela zila, zinizi pakubombiwa? Nkimba intakaba nene, ne Mwene, u Chala yuyo akupoka abantu bache? Atalipo u chala uyunji.

Yelemiya 33:15

Mumasiku ghalaghala, sona na pakabalilo kalakala, nkwiza pakumumezekezya u Devedi ulusamba ulugholosu, akwiza pakubomba zizyo nyiza sona ngolosu muchisu.

Ezekiyeli 1:1

Pisiku ilyafayivi, mumwezi uwafolo, mumwaka uwa 30, bo indi pakasi pabazya palusoko ulwa Kebali, kumwanya kukighuka sona nkennya ivisetuka ivya Chala.

Zekaliya 1:8

Pabusiku nkennya ichisetuka, pakaba uwakwendezya ifalasi inchesamu. Akimililagha pakasi pa makwi ghamo agha ntumbusya mwikombe. Po kwisinda kwache kukaba abakwendezya ifalasi inchesamu, ni yamabala sona ni swepu.

Yohani 1:51

Akanena nabo akati, “Naloli nkubabuzya ukuti mukwiza pakwennya kumwanya kwighukite, sona abantumi aba Chala aba kumwanya bakukwela nukwika pa Mwana uwa Muntu.”

Yohani 14:6

U Yesu akamula akati, “Ane ne Zila, ne Bwanaloli, sona ne Bumi. Nayumo umuntu yuyo akubuka kwa Tata ukusita ukwendela mumwane.”

Ubuvumbuli 1:5

Ichisa chinichi chikufuma kwa Yesu Kilisitu, ukaboni umusubiliwa uwakwanda pakuzyuka kubufwe, sona yuyo we umulaghili uwa bamwene bosi aba muchisu ichapasi. U Mwene atughanite aswe, sona atwabuye kumbibi zyitu ni banda lyache.

Ubuvumbuli 11:19

Inyumba iya Chala kumwanya yikighuka, sona Ibokosi ilya Lufingo likaboneka mulamula. Po kukabako ukumesya ukwa kamesya, ichongo nukupaya, akasenyenta ni vula iya mabwe aghamaka.

Ubuvumbuli 19:19

Pisinda pache nkennya ichinyamana chila na bamwene aba muchisu ichapasi na basilikali babo bakubungana ukuti balwe ubwite na yuyo akwelite pafalasi, poka na basilikali bache.

Ubuvumbuli 19:21

Abasilikali babo bakaghoghiwa nupanga uwakufuma mumulomo uwa yuyo akakwela pafalasi. Po iviyuni vyosi vikasong'ompola amabili ghabo mosi mumo vikalondelagha.

Ubuvumbuli 3:14

“Uwantumi uwa muchipanga icha mu Labodikiya umusimbile uti, “Amazyu ghagho ghaneniwa na yuyo akwitiziwa ukuti we Ameni, umusubiliwa, sona nu kaboni uwanaloli, yuyo we chifumo icha vipeliwa vyosi ivya Chala, gho agha:

Ubuvumbuli 3:7

“Uwantumi uwa muchipanga icha mu Filadefiya umusimbile uti, “Amazyu ghagho ghaneniwa na yuyo muzelu sona wanaloli, yuyo ali ni chighulilo icha Devedi; nanti ighula, nayumo umuntu yuyo angighalila, sona nanti ighalila, nayumo umuntu yuyo angighula, gho agha:

Ubuvumbuli 4:1

Pisinda pache nkennya ichisetuka nukulwennya ulwiyi lwighuke kumwanya. Sona izyu itazi lila lilyo nkivwa likaba ngati lyo lipati likati, “Zagha kumwanya kuno, nkwiza pakukulanjizya ivintu vivyo vikwiza pakubombiwa pisinda pavinivi.”

Ubuvumbuli 6:2

Po nkenelezya nukuyennya ifalasi inswepu. Uwakukwelapo akalema ubwele munyobe zyache, sona akapeghiwa impumpu iya bumwene. Akaba mupoti yuyo akabuka pakupota.