Ubuvumbuli 19:10 - IBAYIBOLO 2024

¹⁰ Panapa nkawa munyayo zyache ukuti imwipute. Loli akambuzya akati, “Utakazibombaye zinizi! Ane ne wambombo bulo ngati wewe, sona ngati bo bawamwinyu babo bakaboni aba Yesu. Mumwiputaye u Chala! Pakuti ubwanaloli ubwa bulaghuzi lo lusimikizyo nizya Yesu.”

Ulufingo Ulupya

¹⁰ Panapa nkawa munyayo zyache ukuti imuchindike. Loli akambuzya akati, “Utakazibombaye zinizi! Ane ne wambombo bulo ngati wewe, sona ngati bo bawamwinyu babo bakaboni aba Yesu. Mumuchindikaye u Chala! Pakuti ubwanaloli ubwa bulaghuzi lo lusimikizyo nizya Yesu.”

Ubuvumbuli 19:10 Iomraidhean Croise

2 Abamwene 17:36

Loli mumuchindikaye u Mwene yuyo akabefya mu Ijiputi na maka ghache amakulu. Mumufughamililaye yuyo, sona mubikaye ivyakwiyipa kukwache.

Masalimo 45:11

U mwene akukunyonywa pachifukwa ichakuboneka kwako akiza, po umuchindikaye pakuti we mwene wako.

Ukufuma 34:14

Mutakabiputaye abachala abanji, pakuti ane ne Mwene yuyo itabwa lyane ne Buzuba, naloli ne Chala uwa buzuba.

Daniyeli 2:46

Po u mwene u Nebukadineza akafughama pamaso pa Daniyeli, sona akamuchindika nkani, umwakuti akalamula ukuti ichakwiyipa poka nu twakufukizya utwakununkila vibikiwanje pamaso papache.

Daniyeli 7:10

Ulusoko ulwa moto lukendagha, ukufuma pamaso papache. Abantu amasabuzani na masabuzani bakamubombelagha, sona abantu abinji nkani bakimilila pamaso papache. Po ubulongi bukanda, ghope amabuku ghakighuliwanga.

Matayi 4:10

Panapa u Yesu akamwamula akati, “Epapo Satana! Amasimbo ghakuti, ‘Umwiputaye u Mwene u Chala wako, sona umubombelaye yuyo mwene.’ ”

Maliko 5:22

Po u Yayili, usongo yumo uwa kunyumba iyakwiputilamo wepe akiza palapala. Bo amwennya u Yesu, akisumba munyayo izya Yesu,

Maliko 7:25

Umukolo yumo yuyo akaba nu mwana umulindu uwa muzimu umubibi, akivwa nizya Yesu. Panapo na panapo akiza nukwisumba munyayo izya Yesu.

Luka 1:19

Uwantumi yula akamula akati, “Ane ne Gabiliyeli, umubombi uwa Chala, yuyo akantuma pakunena nawe nukukubuzya Amazyu Amiza ghanagha.

Luka 24:44

Po akababuzya akati, “Ivi vyo vivyo nkababuzya, bo indi poka namwe. Vyosi vivyo vikasimbiwa nizya ane mu Ndaghilo izya Mozesi, ubusimbe ubwa balaghuzi na mu Masalimo bukwanilisiwe.”

Yohani 5:39

Mukumanyila akiza Amasimbo pakuti mukwinong'ona ukuti momumo mukwiza pakubwaghamo ubumi ubwa bwila na bwila. Po Amasimbo ghanagha gho ghagho ghakunsimikizya.

Imbombo 10:43

Abalaghuzi bosi bakasimikizya nizya yuyo, ukunena ukuti umuntu wesi yuyo akusubila mumwache, u Chala akwiza pakumuhobokela imbibi zyache ukwendela mwitabwa lyache.”

Imbombo 13:27

Pakuti abantu babo bakwikala mu Yelusalemu na balongozi babo batakamanyagha ukuti we Mupoki, pamo ukughivwisya amazyu agha balaghuzi, ghagho ghakabelengiwanga Isiku ni siku Ilyakutuzya. Loli pope bulo bakaghakwanilisya amazyu agha balaghuzi pakumughogha u Yesu.

2 Aba Kolinti 8:7

Amwe mwe bakabi nkani muvintu vyosi. Mwe bakabi mulwitiko, na mukanenele, na mumahala, na mukwiyipa kwinyu pakutwavwa, sona na mulughano lwinyu papitu. Polelo tukulonda ukuti namwe bulo mubanje mwe bapi pambombo iya lughano iyi.

Aba Efeso 5:15

Po muchebaye namumo mukwendela, mutakabanje ngati mwe bantu abasita mahala, loli mubanje mwe bantu abamahala.

Aba Efeso 5:33

Loli ghakunena sona nizya amwe: Umulume wesi amughanaye umuchi wache ukuyana namumo iyighaniye mwene, sona umuchi wesi amuchindikaye umulume.

Aba Filipi 3:3

Pakuti aswe twe basilimuliwa abanaloli, twe tukumuchindika u Chala umwakulongoziwa nu Muzimu Umuzelu, sona tukuhoboka mubumi bwitu ubwakumamatilana poka nu Kilisitu u Yesu. Aswe tutakusubila inyiho izya mubili,

1 Aba Tesalonika 5:15

Mwenelezye ukuti nayumo umuntu akunyosezya ububibi pabubibi, loli akabalilo kosi mubombelanaye ubwiza mwebenebene, sona na bantu bosi.

Aba Hebeli 1:14

Loli abantumi aba kumwanya babombi bulo. Abene yo mizimu yiyo yikumubombela u Chala, sona yiyo yitumiwe pakubabombela abantu, babo bakwiza pakupokiwa.

Aba Hebeli 12:25

Po mubanje maso ukuti mutakamukanaye yuyo akunena namwe. Nanti abantu babo bakakana pakumwivwila yuyo akabasoka, bataponite ulufundo, po nkimba aswe tukwiza pakupona bulibuli nanti tutakumuteghelezya uwakumwanya yuyo akutusoka?

1 Yohani 5:10

Po umuntu wesi yuyo akumusubila u Mwana uwa Chala ali nalo ulusimikizyo lunulu mumoyo wache. Loli umuntu wesi yuyo atakumusubila u Chala, ipela mwene pakuba mumyasi, pachifukwa ichakuti atakusubila ulusimikizyo lulo u Chala akasimikizya nizya Mwana wache.

1 Yohani 5:21

Mwee bana bane, muvileghuke ivifwani!

Ubuvumbuli 1:1

Ibuku ili likulingannya nizya buvumbuli bubo u Yesu Kilisitu akavumbula. U Chala akamupa ubuvumbuli ubu, umwakuti abalanjizye ababombi bache ivintu vivyo vibaghiye pakubombiwa lunulu. U Kilisitu akamuvumbulila umubombi wache u Yohani, pakumutumila uwantumi wache.

Ubuvumbuli 1:9

Ane ne Yohani umukamu winyu, nkugabana namwe amayimba nu bumwene, sona nu bufisalyoyo mwa Yesu. Nkabikiwa pa kasungo aka Patimo pachifukwa ichakuti nkalumbilila amazyu agha Chala, sona nu bwanaloli bubo u Yesu akabuvumbula.

Ubuvumbuli 12:11

Abakamu bitu bakamupota ni banda ilya Mwana uwa ng'ozi sona nu lusimikizyo lwache lulo bakalumbililagha. Abene bakiyipa ubumi bwabo mupaka kubufwe.

Ubuvumbuli 12:17

Inyivwila yikamukalalila umukolo yula, po yikabuka pakulwana na baluko lwache abanji bosi babo bakasyalako, babo bakukonka amalamulo agha Chala, sona basubiliwa aba bwanaloli bubo bukavumbuliwa nu Yesu.

Ubuvumbuli 14:7

Akanena nizyu ilya pamwanya nkani akati, “Mumwiputaye, mumuchindikaye u Chala! Pakuti akabalilo kakwana akakuti abalonge abantu. Mumuchindikaye yuyo akapela kumwanya ni chisu ichapasi ni nyanja sona ni mbwibwi izya mizi!”

Ubuvumbuli 15:4

Wee Mwene, nkimba wewenu atangakunyila nukulichindika itabwa lyako? Pakuti awe wemwene we Muzelu. Abantu abaluko losi bakwiza pakukwiputa, pachifukwa ichakuti imbombo zyako ngolosu zikuboneka pabuzelu na bantu bosi.”

Ubuvumbuli 19:9

Palapala uwantumi yula akambuzya akati, “Simba uti, ‘Basayiwa abantu babo bitiziwe kulusekelo ulwa sendwa iya Mwana uwa ng'ozi!’ ” Uwantumi yula akonjelezya sona pakunena ukuti, “Agha gho mazyu aghanaloli agha Chala.”

Ubuvumbuli 4:10

abasongo 24 bala bakuwa pamaso pa yuyo akwikala pachitengo icha bumwene nukumwiputa, yuyo mumi bwila na bwila. Bakusumbila pasi impumpu zyabo pantazi pachitengo icha bumwene nukuti,