Ubuvumbuli 18:9 - IBAYIBOLO 2024

⁹ “Abamwene aba muchisu ichapasi babo bakalowa nawe bakwiza pakukalilila nukukafwifwitilila akaya akakulu nkani kala, bo bakulyennya ilyosi ilya moto ghugho ghukumulungulizya.

Ulufingo Ulupya

⁹ Abamwene aba muchisu ichapasi babo bakalowa nawe bakwiza pakukalilila nukukafwifwitilila akaya akakulu nkani kala, bo bakulyennya ilyosi ilya moto ghugho ghukumulungulizya.

Ubuvumbuli 18:9 Iomraidhean Croise

Ubwandilo 19:28

Akennya utwaya utwa Sodomu nu Gomola ni kombe lyosi lila, nukwennya ilyosi ilyakoghofya likusuka mutwaya mula, lilyo likayana bulo ni lyosi ilyakusuka mumuvuno.

Masalimo 58:10

Umuntu umugholosu akwiza pakuhoboka, bo akubennya ababibi bakufundiwa, sona akwiza pakuzyozya inyayo zyache mwibanda ilya bantu ababibi.

Yesaya 13:19

Sona akaya akakulu nkani aka Babiloni, kako kaya aka buchindamu ubwa bumwene, abantu bakwituvya nu Babiloni. Loli ane ne Chala nkwiza pakumunangannya, ngati mumo nkamunanganizizya u Sodomu nu Gomola.

Yesaya 30:33

Pakuti ubuzilo ubwa kochelapo ivintu buyaniziwe kale, bwayaniziwa zila kwa mwene uwa ku Asiliya. Ichiliba icha moto chinichi chibizu, sona ichikulu chiyaniziwe chizuye numoto sona ninkwi, umuyi uwa Mwene ghuli, ngati kasoko aka sulufule kakupemba umoto.

Yelemiya 50:40

Ngati mumo nkatunanganizizya utwaya utwa Sodomu nu Gomola, poka nutwaya twache utupalamani, Po atalipo nayumoyumo umuntu uwakwikalamo, sona atalipo nayumoyumo umuntu uwakuzengamo. Ane ne Mwene nanena.

Yelemiya 50:46

Ichisu ichapasi chikwiza pakutetema, pachifukwa ichakuti u Babiloni afyuliwa. Ukulila kwache kukwiza pakwivwika pakasi pa inko.

Yelemiya 51:8

U Babiloni akwiza pakuwa lubilolubilo nukufwantika. Mumulililaye! Nukumulondela umulembo ukuti ububavu buleke, pamo bangapola.

Ezekiyeli 27:35

Bosi babo bakwikala mulubazu ulwa nyanja bakukuswigha. Abamwene babo bakutetema nkani, ivyeni vyabo vili nubogha.

Daniyeli 4:14

Akakolomoka akati, dumula ikwi nukuzipalanta isamba zyache. Ughapalante amani ghache, sona ivikomwa vyache uvinyampannye. Vileke ivinyamana vichimbilayemo mukazundila kache, sona vyope iviyuni vichimbilayemo musamba zyache.

Ukukumbusya Amalamulo 29:23

Umuvundo ghukwiza pakumalamo mumaghunda ghinyu, sona ulufumbi lwene ni mbeya nu sulufule vikwiza pakuba posi na posi muchisu chinyu. Mumaghunda ghinyu mutakwiza pakumelamo nachimochimo ichimelwa manyi lisote manyi amakwi. Ichisu chinyu chikwiza pakuyana bulo nakaya aka Sodomu naka Gomola naka Adima naka Zeboyimu tuto u Mwene akatunangannya pachifukwa icha bukali bwache.

1 Timoti 5:11

Loli utakabasimbaye abafwilwe abachilindu mukabukatila aka bafwilwe, pakuti nanti ubuntu bwabo ubwa mbibi bukwanda pakubatamya ukuti basendwe, bakuleghukako kwa Kilisitu.

Ubuvumbuli 14:11

Ilyosi ilya moto ghugho ghukubayivya likukwela kumwanya bwila na bwila. Abantu babo bakachiputagha ichinyamana ni chifwani chache, sona nukwitika ukuti badindiwe ichidindo icha itabwa lyache batakubwaghapo nalumolumo ubutuzyo umusanya pamo ubusiku.

Ubuvumbuli 17:2

Abamwene aba muchisu ichapasi bakalowa nawe, sona abantu aba muchisu ichapasi bakalowa pakung'wela uvinyo uwa bulowe bwache.”

Ubuvumbuli 18:18

Bo balyennya ilyosi ilya moto ghugho ghukumulungulizya, bakakolomoka nkani bakati, ‘Kataliko sona akaya akanji kako kayanite nakaya akakulu nkani aka!’

Ubuvumbuli 18:20

Hobokagha we chisu icha kumwanya, hobokagha mwe bantu abazelu aba Chala, na batumiwa, sona na balaghuzi! Pakuti u Chala amususya ukuyana bulo namumo akabombelagha!”

Ubuvumbuli 18:3

Ivyisu vyosi vyang'wela uvinyo wache, uvinyo umukali uwa bwamalaya bwache. Abamwene aba muchisu ichapasi bakalowa nawe, sona abaghulizi aba muchisu ichapasi bakaba bakabi pachifukwa icha bumi bwache ubwamwalwemwalwe.”

Ubuvumbuli 18:7

Mumuyivye nkani nukumupelela intamyo inkulu nkani ukuyana nu buchindamu bwache nubumi bwache ubwakwilagha. Pakuti akwituvya mumoyo wache akuti, ‘Nkwikala pano ngati we mwene umukolo. Ane inte ne mufwilwe, sona ntakwiza pakusulumannyapo nalumo.’

Ubuvumbuli 19:3

Bakakolomoka sona nkani bakati, “U Chala apaliwanje! Ilyosi ilya moto ghugho ghukukalungulizya akaya akakulu nkani kala likufukila mumwanya bwila na bwila!”

Ubuvumbuli 2:22

Polelo nkwiza pakumusumbila pachitala nu bubine poka na bantu babo bakalowa nawe. Nkwiza pakubapelela amayimba aminji nkani, nanti batakupinduka nukuleka imbibi zizyo bakabombagha nawe.