Ubuvumbuli 18:8 - IBAYIBOLO 2024

⁸ Pachifukwa icha zinizi, iviwaya vikwiza pakumuwila pisiku lyoka, iviwaya ivya bubine nukulila, sona nizala. Akwiza pakulunguliziwa numoto pakuti u Mwene u Chala, yuyo akumulonga wamaka.

Ulufingo Ulupya

⁸ Pachifukwa icha zinizi, iviwaya vikwiza pakumuwila pisiku lyoka, iviwaya ivya bubine, nu kulila, sona ni zala. Akwiza pakulunguliziwa nu moto pakuti u Mwene u Chala, yuyo akumulonga wamaka.”

Ubuvumbuli 18:8 Iomraidhean Croise

Yobu 9:19

Nkimba ane ningiminkana nu Chala, namumo abeleye na maka? Nkimba ningadalinkana nu Chala, bo indi pamaso pa balongi. Nkimba wewenu yuyo angamusitaka?

Masalimo 62:11

U Chala anenite koka bulo, po namanyilapo ivintu vibili, chimo chakuti: U Chala, wemwenecho uwa maka.

Yesaya 27:1

Pisiku lilalila, u Mwene akwiza pakubombezya upanga wache, yuyo wakoghofya nu mukulu nkani sona wamaka, pakuyifunda inyivwila sona yikwinnyenga po akwiza pakuchighogha ichinyamana chila icha munyanja.

Yesaya 9:14

Po u Mwene akaghudumulako umutu nu musinda uwa ba Izilayeli, nutusamba utwa mabale ni ntete mwisiku lyoka.

Yelemiya 50:31

U Mwene Uwamaka Ghosi akuti, “Ennya, nkwiza pakulwa nawe, wee muntu uwa madinko awe, pakuti isiku lyako lyafikila, akabalilo akakuti ufundiwe kakwana.

Yelemiya 50:34

Loli pope bulo Umutabuli wabo ali na maka nkani, itabwa lyache we Mwene Uwamaka Ghosi. Akwiza pakubimila pa nongwa, umwakuti abike umutende pachisu chosi ichapasi, loli abantu aba ku Babiloni batakwiza pakuba nu mutende naghumoghumo.

Yelemiya 51:58

U Mwene Uwamaka Ghosi akuti, “Ivibumba ivya maka ivya Babiloni vikwiza pakumongoliwa, sona imilyango yache imitali yikwiza pakochiwa. Inko izya bantu zikwipala pabulo, imbombo zyabo zikupya bulo mumoto.”

Yelemiya 51:6

“Chimbilamo mu Babiloni! Bupoke ubumi bwinyu. Mutakaghoghiwe pachifukwa icha mbibi izya ba Babiloni. Pakuti aka ko kabalilo kako u Mwene akutanizizya, akwiza pakubatanizya zizyo zibabaghiye.

Yoweli 2:11

Izyu ilya Mwene likujilimisya pamaso pabasilikali bache, abasilikali bache binji nkani ukuchilapo. Bamaka babo bakubomba zizyo u Mwene akulonda. Isiku ilya Mwene likulu nkani, sona lyakoghofya nkani. Nkimba wewenu yuyo angajimba?

1 Aba Kolinti 10:22

Fwandi, tukulonda pakumupela u Mwene ukuti abanje wakabini? Nkimba tukwinong'ona ukuti aswe twe bamaka ukumuchila yuyo?

Ubuvumbuli 11:17

Bakanena bakati, “Mwene Chala Uwamaka Ghosi, wewe uliko, sona wewe ukabako! Tukukupalizya pakuti walanjizya amaka ghako amakulu, sona wanda pakulaghila!

Ubuvumbuli 17:16

Impembe 10 zizyo ukazyennya ni chinyamana chila vikwiza pakumubenga umukolo umalaya yula. Bakwiza pakumufyula vyosi vivyo ali navyo nukumuleka bwazi. Bakwiza pakughunangannya umubili wache nukumulungulizya numoto.

Ubuvumbuli 17:18

“Umukolo yuyo ukamwennya, ko kaya akakulu nkani kako kakulaghila abamwene aba muchisu ichapasi.”

Ubuvumbuli 18:17

Mwa awala weka bulo ubukabi bosi bwananganika!’ “Abenecho bosi aba bwato ubukulu nkani na bendazila na bakapitawa aba bwato ubukulu nkani na bantu abanji bosi abaghulizi panyanja bakimilila pabutalipo.

Ubuvumbuli 18:19

Bakikupulila ulufumbi pamitu yabo pachifukwa icha chitima ichikulu nkani, bakalila nukufwifwitila nukuti, ‘Intamyo mwee! Intamyo mwee! Intamyo wee akaya akakulu nkani, akaya kako abenecho aba mabwato amakulu nkani panyanja bakaba bakabi ukwendela mu bukabi bwache. Loli vyosi vikananganika mwa awala bulo weka.’

Ubuvumbuli 19:3

Bakakolomoka sona nkani bakati, “U Chala apaliwanje! Ilyosi ilya moto ghugho ghukukalungulizya akaya akakulu nkani kala likufukila mumwanya bwila na bwila!”