Ubuvumbuli 18:7 - IBAYIBOLO 2024

⁷ Mumuyivye nkani nukumupelela intamyo inkulu nkani ukuyana nu buchindamu bwache nubumi bwache ubwakwilagha. Pakuti akwituvya mumoyo wache akuti, ‘Nkwikala pano ngati we mwene umukolo. Ane inte ne mufwilwe, sona ntakwiza pakusulumannyapo nalumo.’

Ulufingo Ulupya

⁷ Mumuyivye nkani nukumupelela intamyo inkulu nkani ukuyana nu buchindamu bwache nubumi bwache ubwakwilagha. Pakuti akwituvya mumoyo wache akuti, ‘Nkwikala pano ngati we mwene umukolo. Ane inte ne mufwilwe, sona ntakwiza pakusulumannyapo nalumo.’

Ubuvumbuli 18:7 Iomraidhean Croise

Esitele 6:10

U mwene akamulamula u Hamani akati, “Buka lubilolubilo, usende inkazo ni falasi umubombelaye u Molodikayi umu Yuda, yuyo akwikala pamulyango uwa nyumba iya mwene ukuyana namumo wasakizizya. Patakabepo nakamokamo akakusobelwa pavintu vivyo wasakizya.”

Masalimo 10:6

Akunena mwene akuti, “Ane intangayingana nukuyingana. Akabalilo kosi nkwiza pakuhobokagha, sona intangakomana nintamyo.”

Masalimo 45:9

Abana abalindu aba bamwene bali pakasi pa bakolo bako abachindikiwa, sona kunyobe yako indilo kwimiliye u mwene umukolo, yuyo avwalite amenda agha golide uwamu Ofili.

Yelemiya 13:18

“Umubuzye u mwene nu nyina uti, ‘Ika pa vitengo vyinyu ivya bumwene, pakuti impumpu zyinyu izya buchindamu, zyavuliwa kumitu yinyu.’

Nkuto 1:1

Mwee, akaya akakulu nkani aka Yelusalemu, kako kale kakizula na bantu ilelo kaba chisami. Ali ngati mukolo umufwilwe, yuyo kale akachindikiwanga muchisu ichapasi. Akaba we mwene umukolo uwa inko izinji zyosi, loli ilelo aba muzya.

Ezekiyeli 23:34

Ukwiza pakulung'wela nukulumala, ukwiza pakulufwantannya nukughanangannya amabele ghako. U Mwene Uwamaka Ghosi anena.

Obadiya 1:3

Ukwituvya ukwa moyo wako kwakuzimbula, awe we ukwikala mumpako izya mabwe, nukuzenga inyumba yako, pabuzilo ubwapamwanya, nukunena wemwene ukuti, ‘Nkimba wewenu yuyo anganyisya pasi?’

Zefaniya 2:15

Kanaka ko kaya akakulu nkani kako katakupasya kakikalagha umwakufwasa. Kakinong'onagha ukuti, “Ane ne nene, sona atalipo uyunji uwakunchila.” Ilelo kaba chisami, akaya kavinyamana ivya munkolongo! Bosi babo bakudumusannya palapala bakukaseka, bakwiza pakuchenuka nukupukunnya imitu yabo.

1 Timoti 5:11

Loli utakabasimbaye abafwilwe abachilindu mukabukatila aka bafwilwe, pakuti nanti ubuntu bwabo ubwa mbibi bukwanda pakubatamya ukuti basendwe, bakuleghukako kwa Kilisitu.

Ubuvumbuli 18:3

Ivyisu vyosi vyang'wela uvinyo wache, uvinyo umukali uwa bwamalaya bwache. Abamwene aba muchisu ichapasi bakalowa nawe, sona abaghulizi aba muchisu ichapasi bakaba bakabi pachifukwa icha bumi bwache ubwamwalwemwalwe.”

Ubuvumbuli 18:9

“Abamwene aba muchisu ichapasi babo bakalowa nawe bakwiza pakukalilila nukukafwifwitilila akaya akakulu nkani kala, bo bakulyennya ilyosi ilya moto ghugho ghukumulungulizya.