Ubuvumbuli 18:4 - IBAYIBOLO 2024

⁴ Pisinda pache nkivwa izyu ilinji kumwanya likuti, “Mwee bantu bane, epamo mukaya kache, umwakuti mutakagabane nawe imbibi zyache ukuti mutasendepo ichigaba muviwaya vivyo vikwiza pakumuwila.

Ulufingo Ulupya

⁴ Pisinda pache nkivwa izyu ilinji kumwanya likuti, “Mwee bantu bane, epamo mukaya kache, umwakuti mutakagabane nawe imbibi zyache ukuti mutasendepo ichigaba muviwaya vivyo vikwiza pakumuwila.

Ubuvumbuli 18:4 Iomraidhean Croise

Ubwandilo 19:14

Po u Loti akababuzya abakwalima babo bakazingila abana bache abalindu akati, “Lubilo, twepemo mukaya aka, pakuti u Mwene ali papipi pakukanangannya.” Loli abene bakennya ngati po sunga bulo.

Masalimo 50:18

Nanti wamwennya umwiba nawe ukumanyana nawe, sona ukwenda mukabukatila aka balowe.

Yesaya 48:20

Fumamo muchisu icha Babiloni, nukubachimbila aba Babiloni, muzifumusye zinizi nukukolomoka ukwa lusekelo, sona muzilumbililaye ukuti, “U Mwene amutabula umubombi wache u Izilayeli!”

Yesaya 52:11

Epamo, epamo, fumamo muchisu icha Babiloni, mutakapalamasyanje nachimo ichintu chicho chinyazu! Fumamo mwiswefye mwebene, amwe mwe mukunyamula ivibombelo ivya mu Nyumba iya Chala.

Yelemiya 50:8

“Chimbilamo muchisu icha mu Babiloni! Epemo mubantu aba mu Babiloni, Sona mubanje ngati we sabwe yuyo akughulongozya umudimo.

Yelemiya 51:45

“Mwee bantu bane, epamo mu Babiloni, bupoke ubumi bwinyu! Buchimbile ubukali ubwakoghofya ubwa Mwene.

Yelemiya 51:50

U Mwene akubabuzya abantu bache mu Babiloni akuti, “Amwe mwe mwapona kubwite, mubukaye, sona mutakazyelaye! Mumukumbukaye u Mwene napapo muli kuchisu icha kubutali sona mukinong'onaye akaya akakulu nkani aka Yelusalemu.

Yelemiya 51:6

“Chimbilamo mu Babiloni! Bupoke ubumi bwinyu. Mutakaghoghiwe pachifukwa icha mbibi izya ba Babiloni. Pakuti aka ko kabalilo kako u Mwene akutanizizya, akwiza pakubatanizya zizyo zibabaghiye.

Yelemiya 51:9

“Abazya bakuti, ‘Ngali twamupozya u Babiloni, loli atangapola. Zagha tumuleke, sona umuntu wesi abukaye kuchisu ichache ni chache, pakuti ulufundo lwache lwafika kumwanya, lukwelite nakumabingu bulo.

Matayi 23:30

Po mukunena ukuti, ‘Nanti aswe tukikala pakabalilo aka abanyenya bitu ngali tutakabomba zizyo bakabomba nukughogha nabo abalaghuzi.’

2 Aba Kolinti 6:17

Polelo u Mwene akuti, “Fumako kukwabo sona mwipaghule. Mutakapalamasyanje nachimo ichintu chicho chinyazu, po nkwiza pakubapokela.

1 Timoti 5:22

Utakachimbililaye pakubika inyobe pa muntu, sona utakasendayepo ichigaba chimo pambibi izya bantu abanji. Wisungilile akiza wemwene.

2 Yohani 1:11

Pakuti umuntu wesi yuyo akumupokela akiza, akusendapo ichigaba mumbombo zyache imbibi.