Ubuvumbuli 18:2 - IBAYIBOLO 2024

² Akakolomoka nizyu ilya pamwanya nkani akati, “Kamala mwee! Kamala mwee! Kamala akaya akakulu nkani aka Babiloni! Ipelite mwene pakuba buzilo ubwa mizimu imibibi. Ipelite pakuba chivulumbo icha viyuni vyosi ivinyazu pakuba buzilo ubwa vinyamana ivilwani.

Ulufingo Ulupya

² Akakolomoka nizyu ilya pamwanya nkani akati, “Kamala mwee! Kamala mwee! Kamala akaya akakulu nkani aka Babiloni! Ipelite mwene pakuba buyo ubwa mizimu imibibi. Ipelite pakuba chivulumbo icha viyuni vyosi ivinyazu pakuba buzilo ubwa vinyamana ivilwani.

Ubuvumbuli 18:2 Iomraidhean Croise

Yesaya 14:23

“Po nkwiza pakumupela u Babiloni pakuba buzilo ubwa bampughulu ni kombe ilya mizi, nukukapyela ni chisilo icha kunangannya.” U Mwene Uwamaka Ghosi anena.

Yelemiya 25:30

“Yelemiya, buka kabalaghulile ukuti, ‘U Mwene akwiza pakubuluma kumwanya, sona akwiza pakupaya mubuzilo bwache ubuzelu ubwakwikalamo, nukuchibungulizizya nkani pachisu chache. Akwiza pakukolomoka ngati bantu babo bakukanyanka amampesya, nukubakolomokela babo bakwikala muchisu.

Yelemiya 51:37

U Babiloni akwiza pakuba chibunga icha visami, sona nu buzilo ubwakwikalamo abakambwe, akaya akakoghofya na kakusamuliwa, mumo atalimo nayumoyumo uwakwikalamo.

Yelemiya 51:8

U Babiloni akwiza pakuwa lubilolubilo nukufwantika. Mumulililaye! Nukumulondela umulembo ukuti ububavu buleke, pamo bangapola.

Yoweli 3:16

U Mwene akwiza pakubuluma mu Ziyoni, sona akwiza pakupaya mu Yelusalemu. Kumwanya ni chisu ichapasi vikwiza pakuyingana. Loli u Mwene akwiza pakuba chakuponelamo abantu bache, sona akwiza pakuba lilinga ilya ba Izilayeli.

Zefaniya 2:14

Ivitekwa vikwiza pakulambalala mulamula, ivinyamana ivya luko losi ivya munkolongo. Umpughulu ni nkitwa vikwiza pakulila muvisami. Ichongo chabo chikwiza pakwivwika mumabwindo, po abachigobe bakwiza pakulila mumilyango, amatabwa agha mwale ghakwiza pakuba pabuzelu bulo.

Ubuvumbuli 1:15

Inyayo zyache zikamekukagha ngati cho chela chicho chasungulusiwa numoto, sona izyu lyache likaba ngati kupoma ukwa mizi aminji mulusoko.

Ubuvumbuli 10:3

Uwantumi yula akakolomoka nkani ukuyana namumo inkalamu zikubulumila. Bo akolomoka bulo, ukupaya seveni ukwa vula kukivwika.

Ubuvumbuli 11:8

Imivimba yabo yikwiza pakulambalala mumisebo iya kaya akakulu nkani kako u Mwene wabo akakomeliwamo pachipinjika. Akaya akakulu nkani kala itabwa lyache umwachili bulo we Sodomu, pamo mu Ijiputi.

Ubuvumbuli 14:15

Uwantumi uyunji akafuma mu Nyumba iya Chala nukumubuzya nizyu ilya pamwanya nkani yuyo akikalagha pibingu ukuti, “Bombezya isengo yako pakwinula pakuti akabalilo akakwinulila kakwana pakuti ivibyalwa ivya muchisu ichapasi vyatona.”

Ubuvumbuli 14:8

Po uwantumi uyunji uwabubili akakonkapo nukuti, “Kamala mwee! Kamala mwee! Kamala akaya akakulu nkani aka Babiloni, kako kakang'wesya abantu abaluko losi uvinyo uwa vinyonywa vyache ivya bulowe!”

Ubuvumbuli 16:13

Po nkennya imizimu imibibi mitatu, yiyo yikabonekagha ngati bo bachula yikufuma mumulomo uwa nyivwila ni chinyamana, sona na mumulomo uwa mulaghuzi umumyasi.

Ubuvumbuli 16:19

Akaya akakulu nkani aka Babiloni kakagabinkana patatu, sona nutwaya utukulu nkani utwa vyisu vyosi tukamongoliwa. U Chala akamung'wesya u Babiloni umukulu nkani yula uvinyo uwa mulubako lwache, lulo lukizula nu bukali bwache ubukulu.

Ubuvumbuli 17:18

“Umukolo yuyo ukamwennya, ko kaya akakulu nkani kako kakulaghila abamwene aba muchisu ichapasi.”

Ubuvumbuli 17:5

Pa cheni chache pakasimbiwapo itabwa lilyo lili ni ching'anamulo ichakubusyefu ukuti, “U Babiloni umukulu nkani, unyina uwa bamalaya bosi nuwa bantu abanyazu bosi muchisu ichapasi.”

Ubuvumbuli 18:10

Bakwiza pakwimilila pabutalipo pachifukwa ichabogha nintamyo zyache. Bakwiza pakunena ukuti, ‘Intamyo mwee! Intamyo mwee! Intamyo wee akaya akakulu nkani aka Babiloni, akaya akamanyikwe, sona akamaka! Awe wafundiwa mwa awala weka bulo.’

Ubuvumbuli 18:21

Po uwantumi uwamaka akanyamula ibwe lilyo ubukulu bwache likayana nu lwala ulukulu nkani, akalisumbila munyanja nukuti, “Umu momumo akaya akakulu nkani aka Babiloni kakwiza pakusumbiliwa. Katakwiza pakubonekapo nalumo.

Ubuvumbuli 5:2

Nkennya sona uwantumi uwamaka, akulalusya umwakukolomoka ukuti, “Nkimba wewenu abaghiye pakwighula ibuku ilyakunnyengiwa nukumamatula ivimatilo?”